Уладзімір Антонавіч Піліповіч

Уладзімір Антонавіч Піліповіч
Дата нараджэння	5 студзеня 1931(1931-01-05)
Месца нараджэння	Слабада, Слабадскі сельсавет, Мазырскі раён, Беларусь
Дата смерці	2 красавіка 2018(2018-04-02) (87 гадоў)
Месца смерці	Мінск, Беларусь
Грамадзянства	СССР  Беларусь
Род дзейнасці	фізік, прафесар
Навуковая сфера	хвалевая оптыка і квантавая электроніка
Месца працы	Інстытут фізікі імя Б. І. Сцяпанава НАН Беларусі Інстытут электронікі НАН Беларусі
Навуковая ступень	доктар фізіка-матэматычных навук (1972) і акадэмік НАН Беларусі (1980)
Навуковае званне	прафесар
Альма-матар	фізіка-матэматычны факультэт БДУ[d] (1954)
Член у	Акадэмія навук СССР
Прэміі
Узнагароды

Уладзімір Антонавіч Піліпо́віч (5 студзеня 1931, вёска Слабада, Мазырскі раён, Гомельская вобласць — 2 красавіка 2018) — беларускі вучоны ў галіне лазернай фізікі і аптычнай апрацоўкі інфармацыі, доктар фізіка-матэматычных навук (1972), прафесар (1977), акадэмік Нацыянальнай акадэміі навук Беларусі (1980; член-карэспандэнт з 1977).

Біяграфія

Скончыў Беларускі дзяржаўны ўніверсітэт у 1954 годзе. З 1957 года малодшы навуковы супрацоўнік Інстытута фізікі АН БССР, з 1971 па 1973 год з’яўляўся загадчыкам Лабараторыі электронікі Акадэміі навук БССР, а ў 1973—1998 гадах — дырэктарам Інстытута электронікі НАН Беларусі. З 1998 года — ганаровы дырэктар Інстытута электронікі, адначасова ў 1983—1987 гадах — галоўны вучоны сакратар Акадэміі навук БССР. З 2008 года — галоўны навуковы супрацоўнік Інстытута фізікі імя Б. І. Сцяпанава Нацыянальнай акадэміі навук Беларусі.

Навуковая дзейнасць

Вынікі яго даследаванняў і распрацовак адлюстраваны больш чым у 400 навуковых працах, у тым ліку ў 3 манаграфіях, 231 навуковых артыкулах і 165 аўтарскіх пасведчаннях і патэнтах на вынаходства. У галіне лазернай фізікі і аптычнай апрацоўкі інфармацыі В. А. Піліповічам створана прызнаная навуковая школа, сярод яго вучняў 3 дактары і 32 кандыдаты навук.

На працягу многіх гадоў ён з’яўляўся членам шэрагу навуковых і навукова-тэхнічных саветаў і секцый Акадэміі навук СССР, Дзяржкамітэта СССР па інфарматыцы і вылічальнай тэхніцы МПП СССР, ВАК СССР, камісій Прэзідыума Савета Міністраў БССР па пытаннях навукова-тэхнічнага прагрэсу і інш.

Узнагароды і прэміі

• Заслужаны дзеяч навукі БССР (1978).
• Дзяржаўная прэмія СССР (1985)
• Дзяржаўная прэмія Рэспублікі Беларусь у галіне навукі і тэхнікі (1996, у аўтарскім калектыве) — за цыкл прац «З’явы анізатрапіі ў лазерах і прынцыпы палярызацыйнай лазернай спектраскапіі».
• Ордэн Працоўнага Чырвонага Сцяга (1981).
• Медаль «За доблесную працу» (1985).

Літаратура

• Піліповіч Уладзімір Антонавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 581. — 800 с. — 5 000 экз. — ISBN 985-11-0026-9.
• Піліпо́віч Уладзімір Антонавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 357. — 10 000 экз. — ISBN 985-11-0035-8. — ISBN 985-11-0198-2 (т. 12).

Спасылкі

• Уладзімір Антонавіч Піліповіч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Профіль на сайце НАН Беларусі
• База патентов Беларуси (руск.)
• Банк патентов РФ на изобретения и промышленные образцы ФИПС Роспатента (руск.)