Інстытут электронікі НАН Беларусі

Інстытут электронікі НАН Беларусі
Міжнародная назва	Institute of Electronics, NASB
Размяшчэнне	Мінск
Юрыдычны адрас	г. Мінск, Лагойскі тракт, 22

Інстытут электронікі Нацыянальнай акадэміі навук Беларусі — былая акадэмічная навуковая ўстанова Беларусі ў галіне электронікі.

Гісторыя

У 1961 годзе членам-карэспандэнтам АН СССР В.М. Аўдзеевым у складзе Акадэміі навук Беларускай ССР была створана Лабараторыя электронікі. У 1971 годзе яе ўзначаліў Уладзімір Антонавіч Піліповіч, і праз два гады яна была пераўтворана ў Інстытут электронікі. Інстытут быў расфарміраваны шляхам далучэння да Інстытута фізікі імя Б. І. Сцяпанава НАН Беларусі ў 2007 годзе.

Навуковыя кірункі

Асноўнымі кірункамі навуковай дзейнасці інстытута з’яўляліся:

• фізічныя асновы оптаэлектронікі
• аптычныя метады апрацоўкі інфармацыі
• фізічныя асновы мікраэлектронікі
• нанаструктуры
• цвёрдацельныя лазеры
• прыборабудаванне

Структура на 2006 год

Лабараторыі

• аптычных метадаў апрацоўкі інфармацыі
• квантавай электронікі
• паўправадніковай оптаэлектронікі
• святлоадчувальных плёнак
• фізікі тонкіх плёнак
• цвёрдацельных пераўтваральнікаў выпраменьвання
• вакуумнай мікраэлектронікі
• электрычных і магнітных вымярэнняў
• аўтаматызацыі вымярэнняў

Кіраўнікі ў розныя гады

• Валянцін Мікалаевіч Аўдзееў — арганізатар і загадчык Лабараторыі электронікі АН БССР у 1961-1970 гг.
• Уладзімір Антонавіч Піліповіч — загадчык Лабараторыі электронікі АН БССР у 1971-1973 гг., дырэктар Інстытута электронікі АН БССР/АН Беларусі/НАН Беларусі ў 1973-1998 гг., з 1998 г. ганаровы дырэктар Інстытута
• Анатоль Анатольевіч Кавалёў — дырэктар Інстытута электронікі НАН Беларусі ў 1998-2004 гг.
• Юрый Васільевіч Трафімаў — дырэктар Інстытута электронікі НАН Беларусі ў 2004—2007 гг.

Літаратура

• Национальная академия наук Беларуси: 1929—1999 / Под научн. ред. Н. А. Борисевича, А. П. Войтовича. — Минск: Беларуская навука, 1998. — 252 с. ISBN 985-08-0278-2

Спасылкі

• Профіль Інстытута электронікі на сайце НАН Беларусі (2006)