«Сасуола» (італ.: Sassuolo) — італьянскі футбольны клуб з горада Сасуола, рэгіён Эмілія-Раманья. Заснаваны ў 1922 годзе. У цяперашні час клуб выступае ў Серыі A, пры гэтым толькі з сезона 2013/14 клуб упершыню прабіўся ў найвышэйшы італьянскі дывізіён. У сувязі з тым, што мясцовы стадыён у Сасуола не мае неабходнай ліцэнзіі на правядзенне матчаў Серыі А, клуб свае хатнія матчы праводзіць на стадыёне «Чыта дэль Трыкалорэ» ў суседнім горадзе Рэджа-Эмілія, які быў набыты клубам у снежні 2013 года. Першую перамогу ў Серыі A ў гісторыі клуба «Сасуола» атрымаў у хатняй гульні супраць «Балонні» (2:1), дзякуючы галам Берардзі і Флора Флорэса[2].
