ФК Удзінезэ

Удзінезэ
Поўная назва	Udinese Calcio SpA
Заснаваны	1896
Горад	Удзінэ, Італія
Стадыён	Стадыа Фрыулі Умяшчальнасць: 25 144
Уладальнік	Джампаала Поца[d]
Прэзідэнт	Франка Салдаці[d]
Галоўны трэнер	Коста Руняіч[d]
Чэмпіянат	Серыя A
2022/23	12 месца
Сайт	Афіцыйны сайт
Асноўная форма Гасцявая форма Рэзервовая форма

«Удзінезэ» (італ.: Udinese Calcio) — італьянскі футбольны клуб з горада Удзінэ. Клуб быў заснаваны ў 1896 годзе, такім чынам з’яўляючыся другім найстарэйшым клубам у Італіі пасля «Джэноа».

Традыцыйная хатняя форма каманды ёсць кашуля ў чорна-белую палоску, чорныя шорты і белыя шкарпэткі. Клуб гуляе на «Стадыа Фрыулі», які здольны змясціць 41 652 заўзятараў, хоць у цяперашні час гэты паказчык абмяжоўваецца да 30 900. Клуб мае сваё лічбавае тэлебачанне, якое вяшчае ў рэгіёне Фрыулі-Венецыя-Джулія. Клуб мае вялікую колькасць прыхільнікаў у Фрыулі і суседніх раёнах.

Гісторыя

Раннія гады

«Удзінезэ» быў заснаваны ў 1896 годзе годзе як частка Удзінезскага таварыства гімнастыкі і фехтавання. У сваім першым годзе, клуб перамог у розыгрышу трафея «Torneo FNGI» ў Трэвіза разбіўшы «Ферару» з лікам 2:0, аднак гэты тытул не прызнаецца ў якасці афіцыйнага.

5 ліпеня 1911 года некаторыя гімнасты Удзінезэ на чале з Луіджы Даль Дана, заснавалі клуб «Удзінезэ», які далучыўся да Італьянскай федэрацыі футбола. Новая каманда дэбютавала ў таварыскім матчы супраць «Ювентус Пальманова», і перамагла з лікам 6:0.

Толькі ў 1912—1913 гадах «Удзінезэ» ўпершыню прыняў удзел у чэмпіянаце пад эгідай італьянскай футбольнай асацыяцыі. У гэтым годзе яны былі залічаны ў турнір «Campionato Veneto di Promozione», які складаўся ўсяго з трох каманд (астатнімі былі «Петрарка» і «Падуя»). З двума перамогамі супраць «Падуі» (3:1 і 5:0), Удзінезэ скончыў турнір на другім месцы, прапусціўшы наперад «Петрарку» і прабіўшыся, такім чынам, у лігу «Prima Categoria». У «Prima Categoria», Удзінезэ не здолеў выйсці на нацыянальны ўзровень.

1920-я гады

Сезон 1920/21, які скончыўся для клуба няўдала ў «Eliminatoria Veneta», быў незабыўны, бо менавіта ў ім за клуб дэбютаваў Джына Белота, які па-ранейшаму з’яўляецца іграком, які адгуляў найбольшую колькасць сезонаў за клуб, гэта значыць 17. У 1922 годзе, «Удзінезэ», скарыстаўшыся адсутнасцю мацнейшых на той час клубаў краіны ў розыгрышу першага Кубка Італіі, дасягнуў фіналу нацыянальнага кубка, дзе саступіў клуба «Вада» з лікам 1:0. У лізе, тым годам, «Удзінезэ» заняў другое месца ў сваёй кваліфікацыйнай групе «Girone Eliminatorio Veneto», што дазволіла яну застацца ў вышэйшым дывізіёне на наступны сезон, нягледзячы на рэфармаванне чэмпіянату, якое прывяло да скарачэння колькасці каманд.

Сезон 1922/23 быў катастрафічным для клуба, бо яны занялі ў сваёй групе апошняе месца і вылецелі ў другі дывізіён. Да таго ж каманда рызыкавала ў 1923 годзе быць ліквідаванай з-за запазычанасці. 24 жніўня 1923 года клуб «Удзінезэ» быў вылучаны з «Удзінезэ Фрыулі», і клуб быў вымушаны стварыць бюджэт. На шчасце, уся пазыка была выплачана прэзідэнтам клуба Алесандра Дэль Торса пасля продажу ім некаторых сваіх карцінаў. Такім чынам клуб здолеў заявіцца ў другі дывізіён, у якім у выніку заняў чацвёртае месца на наступны год.

Склад

Станам на люты 2024 года.

№ Паз. Імя Нар. 1 Бр Марка Сільвестры 1991 2 Аб Фесці Эбаселе 2002 4 ПА Сандзі Лоўрыч 1998 6 ПА Оер Сарага 1999 7 Нап Айзек Саксес 1996 9 Нап Кінан Дэйвіс 1998 10 Нап Жэрар Дэўлафеу 1994 11 ПА Уолас 1995 12 Аб Хасан Камара 1994 13 Аб Жуан Ферэйра 2001 14 Аб Джэймс Абанква 2004 16 Аб Антоніа Ціквіч 2004 17 Нап Ларэнца Лука 2000 18 Аб Неўэн Перэс 2000 19 Аб Кінгслі Эхізібу 1995

№ Паз. Імя Нар. 22 Нап Брэнір 2000 23 Аб Энца Эбос 1999 24 ПА Лазар Самарджыч 2002 26 Нап Флар’ян Тавен 1993 27 Аб Крысціян Кабаселе 1991 29 Аб Яка Біёл 1999 30 Аб Лаўтара Джанеці 1993 31 Аб Томас Крыстэнсен 2002 32 ПА Марцін Паера 1998 33 Аб Джордан Земура 1999 37 ПА Раберта Перэйра (капітан) 1991 40 Бр Мадука Акае 1999 79 ПА Давід Пеічыч 2007 93 Бр Даніэле Падэлі 1985

Спасылкі

• Афіцыйны сайт (італ.) (англ.) (ісп.)
• Канал «Удзінезэ» на YouTube