Перайсці да зместу

Фонд ААН у галіне народанасельніцтва

З Вікіпедыі, свабоднай энцыклапедыі
Лагатып ЮНФПА

Фонд Арганізацыі Аб’яднаных Нацый у галіне народанасельніцтва (ЮНФПА) — арганізацыя ААН. ЮНФПА заяўляе, што «з’яўляецца вядучым агенцтвам ААН у галіне стварэння свету, дзе любая цяжарнасць будзе пажаданай, кожнае нараджэнне бяспечнае і патэнцыял кожнага маладога чалавека рэалізаваны»[1]. Іх праца ўключае ў сябе паляпшэнне рэпрадуктыўнага здароўя; у тым ліку стварэнне нацыянальных стратэгій, а таксама кантроль над нараджальнасцю шляхам прадастаўлення тавараў і паслуг. Арганізацыя вядома сваёй сусветнай кампаніяй па барацьбе з дзіцячымі шлюбамі, акушэрскімі фістуламі і жаночым абразаннем.

ЮНФПА падтрымлівае праграмы ў больш чым 150 краінах і раёнах чатырох геаграфічных рэгіёнаў: арабскіх краін і Еўропы, Азіі і Ціхага акіяна, Лацінскай Амерыкы і Карыбскага мора і Афрыцы на поўдзень ад Сахары. Арганізацыя уваходзіць у склад групы развіцця ААН і склад выканаўчага камітэта[2].

Паходжанне

[правіць | правіць зыходнік]

ЮНФПА распачаў сваю дзейнасць у 1969 годзе як Фонд Арганізацыі Аб’яднаных Нацый па насельніцтве пад кіраўніцтвам Фонду развіцця ААН[3]. З 1971 года фонд падпарадкоўваецца Генеральнай Асамблеі ААН[4][5][6].

У 1987 годзе арганізацыя змяніла назву на сучасную.

ЮНФПА і мэты ўстойлівага развіцця

[правіць | правіць зыходнік]

У верасні 2015 года 193 дзяржавы-члены Арганізацыі Аб’яднаных Нацый аднагалосна прынялі Мэты ўстойлівага развіцця, якія ўключаюць з 17 пунктаў, накіраваных на ўдасканаленне свету на працягу наступных 15 гадоў. Гэтыя мэты накіраваны на ліквідацыю беднасці, дыскрымінацыі і гвалту, зніжэнне ўплыва на навакольнае асяроддзе, каб уступіць у эпоху стабільнага развіцця для ўсіх людзей ва ўсім свеце.

Мэты ўстойлівага развіцця патрабуюць велізарных намаганняў усіх краін на ўсіх кантынентах, але яны дасягальныя. ЮНФПА супрацоўнічае з урадамі розных дзяржаў, партнёрамі і іншымі ўстановамі ААН для непасрэднага рашэння шматлікіх задач — у прыватнасці, мэты 3 (пытанні аховы здароўя), мэты 4 (пытанні адукацыі) і мэты 5 (пытанні гендэрнай роўнасці). Арганізацыя ўносіць свой уклад у дасягненне і іншых мэтаў[7].

Кіраўнікі

[правіць | правіць зыходнік]

Выканаўчыя дырэктары і намеснікі генеральнага сакратара ААН:

Паслы добрай волі

[правіць | правіць зыходнік]

Мецэнатам Фонду з’яўляецца кронпрынцэса Мэры Дацкая.

Паслы добрай волі:

Галіны працы

[правіць | правіць зыходнік]

ЮНФПА з’яўляецца буйнейшай у свеце крыніцай фінансавання праграм бяспекі народанасельніцтва і рэпрадуктыўнага здароўя. Фонд працуе з урадавымі і няўрадавымі арганізацыямі ў больш чым 150 краінах, падтрымліваючы праграмы, дзейнасць якіх накіравана на:

  • дапамогу маладым людзям самастойна і добраахвотна планаваць колькасць дзяцей;
  • пазбяганне непажаданых цяжарнасцяў;
  • забяспечэнне бяспечнасці цяжарнасці і родаў;
  • пазбяганне распаўсюджвання інфекцый, якія перадаюцца палавым шляхам;
  • памяншэнне гвалту у дачыненні да жанчын;
  • садзейнічанне выкарыстання кантролю над нараджальнасцю[8].

Паводле ЮНФПА, гэтыя элементы запяспечваюць права на «рэпрадуктыўнае здароўе», што значыць фізічнае, псіхічнае і сацыяльнае здароўе рэпрадукцыйнай сістэмы.

Фонд інфармуе па гэтых пытаннях і падтрымлівае намаганні задавальнення гэтых патрэб, выступае за пільную ўвагу да праблем насельніцтва і дапамагае развітым краінам распрацоўваць палітыку і нацыянальную стратэгію ў галіне ўстойлівага развіцця[8].

Як працуе ЮНФПА

[правіць | правіць зыходнік]

ЮНФПА як і іншыя ўстановы Арганізацыі Аб’яднаных Нацый супрацоўнічае з дзяржавамі, суполкамі, няўрадавымі арганізацыямі, фондамі і прыватным сектарам, каб павысіць інфармаванасць і атрымаць падтрымку і рэсурсы, неабходныя для дасягнення місіі па забеспячэнню правоў насельніцтва.

За 2016 год ЮНФПА атрымаў фінансаванне ад дзяржаў і прыватнага сектара 848 мільёнаў долараў. Сума расходуецца на асноўныя рэсурсы арганізацыі (353 мільёна долараў) і на канкрэтныя праграмы і ініцыятывы (495 мільёнаў долараў).

Іншыя агенцтвы і структуры ААН у галіне народанасельніцтва

[правіць | правіць зыходнік]

Органы ААН, якія валодаюць кампетэнцыяй у галіне народанасельніцтва:

Зноскі

  1. ↑ About us - UNFPA - United Nations Population Fund. Праверана 21 December 2016.
  2. ↑ [1] Retrieved 16 July 2018.
  3. ↑ UNFPA in the United Nations System(недаступная спасылка). United Nations Population Fund. Архівавана з першакрыніцы 2 верасня 2009. Праверана 25 ліпеня 2019.
  4. ↑ https://www.un.org/ga/search/view_doc.asp?symbol=A/RES/2815(XXVI)
  5. ↑ https://www.un.org/ga/search/view_doc.asp?symbol=A/RES/3019(XXVII)
  6. ↑ https://www.un.org/ga/search/view_doc.asp?symbol=A/RES/34/104
  7. ↑ Sustainable development goals - United Nations. Праверана 21 December 2016.
  8. ↑ а б "Ministry of Social Solidarity announces national strategy for birth control". Daily News Egypt. 27 May 2018. Праверана 16 October 2018.

Спасылкі

[правіць | правіць зыходнік]
Узята з "https://be.wikipedia.org/wiki/Фонд_ААН_у_галіне_народанасельніцтва"