Ліга арабскіх дзяржаў

Ліга арабскіх дзяржаў
Дзяржавы — члены Лігі арабскіх дзяржаў
Штаб-кватэра	Каір, Егіпет
Тып арганізацыі	Міжнародная арганізацыя
Афіцыйная мова	арабская
Кіраўнікі
Генеральны сакратар	Набіль аль-Арабі
Старшыня Арабскага парламента	Набіх Беры
Заснаванне
Пратакол пра намер стварэння	7 кастрычніка 1944
Афіцыйная дата стварэння	22 сакавіка 1945
Член у	22 + 4 Члены: ААЭ Алжыр Аман Бахрэйн Джыбуці Егіпет Емен Іарданія Ірак Каморы Катар Кувейт Ліван Лівія Марока Маўрытанія Палесціна Самалі Саудаўская Аравія Сірыя Судан Туніс Назіральнікі: Бразілія (2003) Венесуэла (2006) Індыя (2006) Эрытрэя (2007)
Узнагароды
www.arableagueonline.org
Медыяфайлы на Вікісховішчы

Ліга арабскіх дзяржаў (араб. جامعة الدول العربية‎, Dżamea Al-Dul Al-Arabija), міжнародная арганізацыя, заснаваная 22 сакавіка 1945 на аснове Каірскага пратаколу ў Каіры краінамі, звязанымі арабскай мовай, агульнай гісторыяй, культурай і рэлігіяй, з мэтай паляпшэння супрацоўніцтва паміж арабскімі краінамі ў палітычнай, эканамічнай, адукацыйнай і культурнай сферах. Утварэнне Лігі было зацверджана падпісаннем 7 краінамі Александрыйскага пратакола. У наш час у гэту арганізацыю ўваходзяць 22 краіны і Палесцінская аўтаномія.

Мэты

Мэты Лігі вызначаны ў пагадненні, падпісаным у 1945 годзе, і прадугледжваюць «узмацненне сувязяў паміж дзяржавамі, якія прымаюць у ёй удзел, выпрацоўку адзінай палітычнай плыні для рэалізацыі супрацоўніцтва паміж імі, абароны іх незалежнасці і суверэнітэту, для разгляду спраў і інтарэсаў арабскіх краін».

Супрацоўніцтва не абмяжоўваецца палітычнымі справамі, таксама распаўсюджваецца на гаспадарчыя, фінансавыя, камунікацыйныя, культурныя, сацыяльныя і санітарныя справы. Акрамя таго, дзейнасць арганізацыі кранае пытанні падданства, пашпартоў, віз, выдавання злачынцаў.

Органы арганізацыі

Вышэйшыя органы:

• Савет Лігі
• Савет сумеснай абароны
• Эканамічны савет
• Генеральны сакратарыят

Створаны таксама розныя пастаянныя камітэты і спецыялізаваныя агенцтвы:

• Інстытут арабскай пісьменнасці (1946)
• Інстытут арабскіх навуковых даследаванняў (1953)
• Арабскі камітэт па выстаўках (1964)
• Арабскі рэгіянальны орган, скіраваны супраць непісьменнасці (1966)
• Арабскі цэнтр прамысловасці і развіцця (1968)
• Арабскі фонд эканамічнага і сацыяльнага развіцця (1968)
• Інстытут арабскіх лесанасаджэнняў (1969)
• Музычная арабская асацыяцыя (1970)
• Адміністрацыйны суд Лігі арабскіх дзяржаў (1964).