Amaroka (гурт)

З пляцоўкі Вікіпедыя
Jump to navigation Jump to search
AMAROKA
Жанры панк-рок
поп-панк
альтэрнатыўны рок
Гады 20052016
Краіна Flag of Belarus.svg Беларусь
Мова песень беларуская
Лэйбл Незалежныя лэйблы
Склад Зміцер Афанасенка
Міхаіл Шэстак
Аляксей Вінакураў
Аляксандр «Санчэс» Кунскі
Старонка УКантакце

AMAROKA — беларускі панк-гурт, утвораны ў Мінску ў снежні 2005 года. Стылёвыя рамкі бліжэй да пазітыўнага панк-року. Гурт запісаў альбомы «Raketa» (2007), «Trably» (2009), «PULS» (2011), «Pastka» (2013) і некалькі сінглаў, а таксама прымаў удзел у некалькіх зборніках беларускай музыкі «Чарнобыльскі вецер» і «НезалежныЯ».

На сёння гэта адзіны гурт у Беларусі, які працуе ў класічнай стылістыцы амерыканскага панк-року, дапаўняючы гэты стыль беларускай мовай.

Назва гурта[правіць | правіць зыходнік]

Лідар гурта знайшоў слова «Амарока» ў слоўніку Вацлава Ластоўскага 1924 года. Яно азначае прывід, або здань, якая ўплывае на ўсё вакол, паводле іншых крыніц, «амарока» значыць «галюцынацыі»[1].

Гісторыя[правіць | правіць зыходнік]

Першапачатковыя склады гурта. Альбом «Raketa» (2005—2008)[правіць | правіць зыходнік]

Гурт быў створаны ў снежні 2005. На той час сярод удзельнікаў гурта былі:

  • Зміцер Афанасенка — вакал, гітара
  • Стас «Sid» Млявы — бас
  • Сяржук Белабоцкі — ударныя

Праца пачалася, як і ў большасці маладых гуртоў: уласнага матэрыялу не было (толькі невялічкія распрацоўкі), таму музыкі гралі каверы на свае ўлюбёныя каманды. З цягам часу гурт напрацаваў свае «амарокаўскія» спевы, распачалася падрыхтоўка да канцэртаў. З самага пачатку ўдзельнікі імкнуліся да якаснага ўзроўню і добрага гуку. Неўзабаве да гурта далучыўся другі гітарыст — Уладзіслаў.

Ужо ў студзені 2006 года быў запісаны першы сінгл гурта — «Людзі», які трапляе на зборнік «Чарнобыльскі вецер», прымеркаваны да 20-х угодкаў аварыі на ЧАЭС. Дарэчы, гэта песня была перазапісана і ўвайшла ў склад новага альбома «Pastka». Першым поспехам для гурта стаў канцэрт культавага «N.R.M.», дзе «АМАRОКА» разагравала публіку. Але ў хуткім часе гурт пакідае другі гітарыст (у гэты перыяд хлопцы граюць на такіх канцэртах, як «Панк Рэвалюцыя 1,2,3»).

У вясну 2007 года справы пачынаюць паляпшацца — у гурт прыходзіць Міхаіл Млявы (сола-гітара). Ён актыўна далучаецца да працы, прымае ўдзел у стварэнні новых спеваў, распрацоўвае партыі да ўжо існуючых. Пачалося плённае супрацоўніцтва, вынікам якога стаў першы альбом гурта — «Raketa» (снежань 2007). Альбом атрымаўся неадназначным, што можна патлумачыць рознабаковым стаўленнем да музыкі кожнага ўдзельніка, неакрэсленасцю стылю, пошукам сябе. Альбом быў запісаны на хатняй студыі вакаліста — «Karantin Rec.» (акрамя бубновых партый), але па гучанні наўрад ці магчыма аднесці яго да DIY.

Не гледзячы на гэты поспех, гурт пакідаюць адразу два ўдзельнікі — Стас Млявы (бас-гітара) і Сяргей Белабоцкі (барабаны). Вакансію бас-гітарыста займае даўні сябар гурта — Міхаіл Шэстак, а на месца ударніка прыходзіць Айзік (Стас Навіцкі). Менавіта новаму ўдарніку гурт абавязаны сучаснай стылістыкай: на змену дэпрэсіўнаму цяжкаму року з элементамі хард-кору прыходзіць пазітыўны і вясёлы панк-рок. У гэты час з’яўляюцца такія песні, як «Траблы», «Верагоднасць», робяцца аранжыроўкі на ўжо добра вядомыя творы, песня «Імёны Свабоды» трапляе на зборнік «НезалежныЯ». Летам 2008 года гурт прыпыняе працу з-за адсутнасці пастаяннага склада ўдзельнікаў.

Станаўленне стылю. EP «Trably» (2008—2009)[правіць | правіць зыходнік]

Восенню 2008 года гурт распачынае актыўную працу: вяртаюцца бас-гітарыст і ўдарнік з першага склада, месца другога гітарыста часова займае Міхаіл Шэстак (Міхаіл Млявы знаходзіўся ў войску), Зміцер Афанасенка стала ўтрымлівае пазіцыю лідара гурта.

З верасня па снежань 2008 года «АМАRОКА» грае на шэрагу фэстаў: у падтрымку Міхаіла Млявага адбываецца безпрыцэндэнтны канцэрт «Military STOP» у ваеннай частцы, граюцца гаражнікі (на якія часам збіралася да 50 чалавек — да апарату прарвацца амаль што не магчыма).

У кастрычніку да гурта далучаецца трубач Пятрусь (Андрэй Шулякоўскі), што дадае яшчэ больш пазітыву. У пачатку 2009 года гурт прымае ўдзел у такіх канцэртах, як PUNK-ROCK (AMAROKA & !OtHERos!) і UnReal Student Life 2009.

Май прыносіць «папаўненне» — трамбон (Максім Канавалаў з гурта «Делай Зарядку»). У жніўні вяртаецца з войска гітарыст, акрэсліваецца стыль выканання (паміж алдовым брытанскім і каліфарнійскім панк-рокам), вядзецца падрыхтоўка да новай канцэртнай праграмы.

З верасня па снежань 2009 года гурт прымае ўдзел у такіх імпрэзах, як «Rock Battle 2009», «Positive Punk Rock», «Такія Пернікі» і інш.

У лістападзе быў запісаны EP пад назвай «Trably», у склад якога ўвайшлі толькі новыя спевы: «Cry Baby», «Сэрца ў Нью-Ёрку», «MTV», «Траблы». А ўжо 20 снежня адбылася яго прэзетацыя ў клубе «Добрыя Мыслі». На жаль, за некалькі дзён да прэзентацыі гурт ужо назаўсёды пакідаюць Стас Млявы і Сяргей Белабоцкі. Канцэрт адбываецца ў міні-складзе: Зміцер Афанасенка (вакал, ударныя), Міхаіл Млявы (сола-гітара) і Міхаіл Шэстак (бас-гітара).

Канцэртны перыяд (2010)[правіць | правіць зыходнік]

Невялікі перапынак і ў лютым да гурта далучаецца ўдарнік Санчэс, высокі ўзровень валодання інструментам дадае гурта больш выразнасці і стылістычнай акрэсленасці.

Канцэрты за гэты час: «Kill your TV set», «Tribute to RAMONES in Minsk», фестываль «Второе Дыхание», «PunkRock Show», «NoN-stop Punk Gig», «Positive Punk-rock AMAROKA in Эндорфин», «Палац мастацтваў», «AMAROKA at FleshMobFest». Канец восені — адбываецца змена складу, прыходзяць новы лідар-гітарыст Аляксей Вінакураў і бубнач Ціхан Батура. Рыхтуецца новая праграма, адбываюцца канцэрты ў Мінску.

EP «PULS». Рост папулярнасці (2011—2012)[правіць | правіць зыходнік]

Май 2011. Выходзіць альбом «Puls»[2]. Запіс адбыўся ў Ваўкавыску на студыі «Seventh Heaven Records», мастэрынг рабіў удзельнік з Гродна — Ян Каламыцкі, выдавецтвам займаліся самі ўдзельнікі. Прэзентацыя праходзіць пры поўнай зале ў клубе «Салтайм».

Далей гурт прымае ўдзел у фестывалях: «Басовішча» (Польшча), «The Second Wave» (Слуцк), таксама ў прэзентацыі гульні «World of Tanks», грае на «Рок дзяды 2011».

У жніўні ў гурта крадуць усе інструменты і абсталяванне, але канцэртная дзейнасць не спыняецца, а следства па справе нічога не дае. З інструментамі дапамагаюць сябры, прыходзіцца перабівацца і прасіць інструменты ў музыкантаў з розных гуртоў.

У снежні 2011 адбываецца прэзентацыя першага афіцыйнага кліпу на песню «Пульс», на новай культурніцкай пляцоўцы — «Арт Сядзіба».

У вясну 2012 гурт выпраўляецца і грае некалькі канцэртаў у Польшчы: «Салідарныя з Беларуссю» (Гданьск, Шчэцін), удзельнічае ў фестывалі «Прамень сонца» з гуртамі «N.R.M.» і «Папрыка Корпс».

15 верасня 2012 гурта забараняюць канцэрт у клубе «Салтайм» з-за крамольнай назвы «Вусатая вечарына». Гурт запрашаюць на фестываль «Амбасовішча» ў пасольстве ЗША ў Мінску. Амерыканскі консул высока ацэньвае музыку і выкананне гурта.

Восенню 2012 гурт рыхтуецца да запісу новага альбома і грае некалькі канцэртаў у Польшчы (Варшава і Беласток).

Альбом «Pastka» (2013)[правіць | правіць зыходнік]

Люты 2013 — прэзентацыя кліпаў на песні «Budź ščaślivaj» і «Naš čas», якія былі запісаны зімой 2012 і ўваходзяць у склад альбома «PULS». У сакавіку з гурта сыходзіць па сямейных абставінах ударнік Ціхан Батура і на яго месца вяртаецца стары ўдзельнік Аляксандр Кунскі. Пачынаецца праца над чацвёртым альбомам «Pastka».

Запіс інструментаў адбываецца ў Мінску на студыі «Mapletree», вакал музыкі едуць пісаць у Ваўкавыск да старога ўдзельніка — гукарэжысёра Андруся Шлыка, мастэрынг робіць Ян Каламыцкі на студыі «BigBrain Production» у Гданьску (Польшча). Прэзентацыя альбома адбылася 26 мая ў клубе «Re:Public», горад Мінск.

У 2014 годзе годзе гурт скончыў працу над альбомам «Virus». Альбом распаўсюджваўся нетрадыцыйным метадам: той, хто жадаў атрымаць яго, запаўняў спецыяльную форму і атрымоўваў паштоўку з QR-кодам, праз які можна было спампаваць песні[3]. У 2014 годзе адбываліся забароны выступаў гурта, у тым ліку была забаронена прэзентацыя альбома «Virus»[4].

У 2016 годзе было абвешчана пра спыненне існавання калектыва[5]. Пазней былы фронтмэн Зміцер Афанасенка прадставіў публіцы некалькі рэлізаў, якія гурта Амарока не паспеў прэзентаваць.

Дыскаграфія[правіць | правіць зыходнік]

Альбомы[правіць | правіць зыходнік]

Удзел у зборніках[правіць | правіць зыходнік]

Зноскі

Спасылкі[правіць | правіць зыходнік]