Аляксандра Аляксандраўна Станкевіч

Аляксандра Аляксандраўна Станкевіч
Аляксандра Аляксандраўна Станкевіч
Дата нараджэння	25 снежня 1946 (77 гадоў)
Месца нараджэння	Вялікія Тупалы, Малюшыцкі сельсавет, Карэліцкі раён, Баранавіцкая вобласць, БССР, СССР;
Грамадзянства	СССР; Беларусь;
Род дзейнасці	вучоная
Навуковая сфера	мовазнаўства
Месца працы	Гомельскі дзяржаўны ўніверсітэт імя Францыска Скарыны; Мазырскі педагагічны інстытут імя Н. К. Крупскай;
Навуковая ступень	доктар філалагічных навук (1997)
Навуковае званне	прафесар (2000); член-карэспандэнт Беларускай акадэміі адукацыі[d] (1999);
Альма-матар	ТДУ (1968);
Узнагароды

Аляксандра Аляксандраўна Станке́віч^[1] (нар. 25 снежня 1946) — вучоны ў галіне мовазнаўства, доктар філалагічных навук (1997), прафесар (2000).

Біяграфія

Нарадзілася ў вёсцы Вялікія Тупалы (у Карэліцкім раёне Гродзенскай вобласці Беларусі)^[1]. Скончыла Томскі дзяржаўны ўніверсітэт у 1968 годзе па спецыяльнасці «Руская філалогія». У 1975 годзе скончыла аспірантуру пры Гомельскім дзяржаўным універсітэце па спецыяльнасці «Беларуская мова»^[2]. З 1968 года працавала ў Мазырскім педагагічным інстытуце^[1]. З 1969 года А. А. Станкевіч у Гомельскім дзяржаўным універсітэце (прафесар, у 1991—2012 гадах — загадчык кафедры беларускай мовы філалагічнага факультэта^[2]).

Аўтар навуковых прац па сучаснай і гістарычнай лексікалогіі літаратурнай і народна-дыялектнай беларускай мовы, стылістыцы і культуры мовы, рыторыцы; агульным мовазнаўстве, па лацінскай мове, методыцы выкладання лінгвістычных дысцыплін у вышэйшых навучальных установах.

Сярод апублікаванага:

манаграфія «Лексіка іншамоўнага паходжання ў беларускіх народных гаворках» (1996),
Зборнік практыкаванняў і тэкстаў па лацінскай мове (1978, разам з Н. Старасценка),
Практыкаванні па лексіцы і стылістыцы (1984, разам з В. Ляшчынскай),
Набожнае слова і антычная мудрасць крочаць побач (1997, разам з У. Анічэнкам),
Лацінская мова (1999, разам з С. Лін),
Слоўнік-даведнік асобных імёнаў (2001, разам з Н. Фраловай)^[1].
Рыторыка: падручнік / А. А. Станкевіч; Міністэрства адукацыі Рэспублікі Беларусь, Гомельскі дзяржаўны ўніверсітэт імя Ф. Скарыны. — Гомель: ГДУ імя. Ф. Скарыны, 2016. — 282 с. — 500 экз. — ISBN 978-985-577-169-3.
Лексіка народнай гаспадаркі ў гаворках Мазырска-Прыпяцкага Палесся: манаграфія / А. А. Станкевіч, А. М. Воінава, Л. М. Мінакова; Міністэрства адукацыі РБ, Гомельскі дзяржаўны ўніверсітэт імя Ф. Скарыны. — Гомель: ГДУ імя Ф.Скарыны, 2008. — 346 с.

Таксама з’яўляецца адным з аўтарам «Слоўніка мовы Янкі Купалы» (т. 1—3, 1997—2001)^[1].

Станкевіч Аляксандра Аляксандраўна // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 149. — 10 000 экз. — ISBN 985-11-0035-8. — ISBN 985-11-0251-2 (т. 15).
Станкевіч Аляксандра Аляксандраўна (Да 60-годдзя з дня нараджэння). Бібліяграфічны паказальнік — Гомель: ГДУ імя Ф. Скарыны, 2006. — 37 с.