Ганна Аўстрыйская (1528—1590)

Ганна Аўстрыйская
ням.: Anna von Österreich
партрэт герцагіні пэндзля Якаба Зайзенегера, каля 1545
герцагіня Баварыі 7 сакавіка 1550 — 24 кастрычніка 1579
Папярэднік	Марыя Бадэн-Шпангаймская
Пераемнік	Рэната Латарынгская
Нараджэнне	7 ліпеня 1528(1528-07-07) Прага, Каралеўства Багемія, Землі багемскай кароны, Свяшчэнная Рымская імперыя
Смерць	6 кастрычніка 1590(1590-10-06) (62 гады) Мюнхен, Q19964046?, Герцагства Баварыя
Месца пахавання	Фраўэнкірхэ, Мюнхен
Род	Габсбургі, Вітэльсбахі
Бацька	Фердынанд I
Маці	Ганна Ягелонка
Муж	Альбрэхт V
Дзеці	Вільгельм V Набожны, Фердынад Баварскі[d], Марыя Ганна Баварская, Эрнст Баварскі[d] і Марыя Максіміліяна Баварская[d]
Медыяфайлы на Вікісховішчы

Ганна Аўстрыйская (7 ліпеня 1528, Прага — 16 кастрычніка 1590, Мюнхен) — герцагіня Баварыі як жонка герцага Альбрэхта V. Дачка імператара Свяшчэннай Рымскай Імперыі Фердынанда I і Ганны Ягелонкі.

Біяграфія

Ганна была трэцяй з пятнаццаці дзяцей у сям’і. Сярод яе братоў і сясцёр: герцагіня Тасканская Іаана Аўстрыйская (маці французскай каралевы Марыі Медычы), эрцгерцаг Аўстрыі Карл II, імператар Свяшчэннай Рымскай Імперыі Максіміліян II, каралева Польшчы Лізавета Аўстрыйская і эрцгерцаг Фердынанд II.

З боку бацькі яе дзедам і бабкай былі: кастыльскія манархі Філіп I Прыгожы і Хуана I Вар’ятка, а па матчынай лініі яна была ўнучкай караля Чэхіі Уласла II і Ганны дэ Фуа.

Быўшы яшчэ дзіцем, Ганна была некалькі разоў заручана: спачатку з Тэадорам Баварскім, сынам герцага Вільгельма IV, затым з Карлам Арлеанскім, сынам французскага караля Францыска I, але абеда разы да вяселля справа не дайшла праз заўчасную смерць жаніхоў.

У выніку, сямнаццацігадовая Ганна выйшла замуж 4 ліпеня 1546 года за брата свайго першага жаніха, будучага баварскага герцага Альбрэхта. Гэты шлюб быў часткай стратэгіі дзядзькі нявесты імператара Карла V, які хацеў заручыцца падтрымкай Альбрэхта V перад тым як развязаць Шмалькальдэнскую вайну. Вясельным падарункам імператара былі 50 000 гульдэнаў. Да 7 сакавіка 1550 года, калі Альбрэхт стаў герцагам, пара жыла ў замку Траўсніц.

Герцагіня Ганна і духоўнае жыццё герцагства

Асноўны артыкул: Кніга скарбаў герцагіні Ганны Баварскай

Ганна і Альбрэхт аказвалі моцны ўплыў на духоўнае жыццё герцагства. Адкрыўшы некалькі музеяў і заснаваўшы Баварскую дзяржаўную бібліятэку, яны заслужылі для Мюнхена рэпутацыю горада прысвячэння і мастацтваў. Акрамя гэтага Ганна і Альбрэхт таксама аказвалі падтрымку мастаку Гансу Міліху і кампазітару Арланда дзі Ласа. Самай вядомай працай Міліха для герцагіні стала «Кніга скарбаў герцагіні Ганны Баварскай» («Kleinodienbuch der Herzogin Anna von Bayern», BSB-Hss Cod.icon. 429) — манускрыпт, які быў выкананы ў 1555 годзе і прадстаўляе сабой вопіс каштоўнасцей, што належалі ёй. На адной з мініяцюр вопісу намаляваная выйграная Ганнай у мужа партыя ў шахматы.

Дзеці

• Карл (7 верасня 1547 — 7 снежня 1547);
• Вільгельм V (1548—1626), герцаг Баварыі;
• Фердынанд (20 студзеня 1550—30 студзеня 1608), уступіў у марганатычны шлюб;
• Марыя Ганна (1551—1608), выйшла замуж за Аўстрыйскага эрцгерцага Карла II;
• Максіміліяна Марыя (4 ліпеня 1552—11 ліпеня 1614);
• Фрэдэрык (26 ліпеня 1553—18 красавіка 1554);
• Эрнест (17 снежня 1554—17 лютага 1612), архібіскуп і курфюрст Кёльна ў 1583—1612.

Літаратура

• Constantin Wurzbach, Biographisches Lexikon des Kaisertums Österreich, Vienna, 1860, Vol. VI, p. 151 (versione online)