Давыдаўскі сельсавет (Светлагорскі раён)
| Давыдаўскі сельсавет | |
|---|---|
| Краіна |
 Беларусь |
| Статус | сельсавет |
| Уваходзіць у | Светлагорскі раён |
| Уключае | 15 населеных пунктаў |
| Адміністрацыйны цэнтр | Загор’е |
| Дата ўтварэння | 20 жніўня 1924 |
| Старшыня сельсавета | Віктар Харытонавіч Траццякоў |
| Насельніцтва (2019) | 1 309 |
| Часавы пояс | UTC+03:00 |
| Тэлефонны код | +375 2342 |
| Паштовыя індэксы | 247406 |
| Код аўтам. нумароў | 3 |
| Афіцыйны сайт | |
Давы́даўскі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці. Цэнтр — аграгарадок Загор’е.
Гісторыя
[правіць | правіць зыходнік]Утвораны 20 жніўня 1924 года як Давыдаўскі (Слабададавыдаўскі) сельсавет у складзе Азарыцкага раёна Мазырскай акругі БССР. Цэнтр — вёска Слабада Давыдаўка. 24 верасня 1926 года вёска Слабада Давыдаўка перайменавана ў Давыдаўку, а сельсавет — у Давыдаўскі нацыянальны яўрэйскі сельсавет. Пасля скасавання акруговай сістэмы 26 ліпеня 1930 года ў Азарыцкім раёне БССР. З 8 ліпеня 1931 года ў Парыцкім раёне БССР. 3 лістапада 1934 года сельсавет рэарганізаваны ў беларускі сельсавет. З 12 лютага 1935 года ў складзе Даманавіцкага раёна, з 21 чэрвеня 1935 года — Мазырскай акругі, з 20 лютага 1938 года — Палескай вобласці, з 8 студзеня 1954 года — Гомельскай вобласці. 16 ліпеня 1954 года ў склад Шацілкаўскага сельсавета Парыцкага раёна перададзена вёска Жэрдзь[1]. 8 красавіка 1957 года ў склад Асташкавіцкага сельсавета перададзена вёска Асінаўка[2]. З 20 студзеня 1960 года ў складзе Парыцкага раёна, які 29 ліпеня 1961 года перайменаваны ў Светлагорскі. 14 красавіка 1960 года ў склад сельсавета з Хаміцкага сельсавета Калінкавіцкага раёна перададзены 2 населеныя пункты (Карані і Мартынавічы)[3]. 1 снежня 2009 года да сельсавета далучана частка скасаванага Палескага сельсавета (5 населеных пунктаў: аграгарадок Палессе, вёскі Віша, Мехаўшчына, Мыслаў Рог і Уюнішчы)[4]. У 2011 годзе цэнтр сельсавета перанесены ў аграгарадок Загор’е. 12 лістапада 2013 года ў склад новаўтворанага Сасноваборскага сельсавета перададзена вёска Узнаж[5].
Геаграфія
[правіць | правіць зыходнік]- Агульная плошча: 332,8 км².
- Па тэрыторыі сельсавета праходзяць аўтамабільныя дарогі: Р31 · Н5009 · Н5011 · Н5026 · Н5027 · Н5030
- Рэкі: Іпа.
На тэрыторыі сельсавета знаходзіцца Давыдаўскае нафтавае радовішча, частка Рэчыцка-Вішанскай зоны ўзняццяў Прыпяцкага прагіну.
Клімат
[правіць | правіць зыходнік]Клімат умерана-кантынентальны. Сярэднегадавая тэмпература паветра +6 °C — +7 °C. Сярэднегадавая колькасць ападкаў складае 550—600 мм. Пераважныя вятры — заходнія.
Насельніцтва
[правіць | правіць зыходнік]Насельніцтва сельсавета паводле перапісу 2009 года (11 населеных пунктаў) — 1454 чалавекі[6], з іх 94,9 % — беларусы, 3,0 % — рускія, 1,4 % — украінцы[7]; паводле перапісу 2019 года (15 населеных пунктаў) — 1309 чалавек[8].
Памятныя мясціны
[правіць | правіць зыходнік]- Гарадзішча перыяду ранняга жалезнага веку (1-е тысячагоддзе да н.э. — 1-е тысячагоддзе н.э.), за 3 км на паўночны захад ад вёскі, урочышча Гарадзінка —
Гісторыка-культурная каштоўнасць Беларусі, шыфр 313В000752 - Магіла воіна-інтэрнацыяналіста Скурчаева Г. Ц. у вёсцы Карані.
- Магіла ахвярам фашызму ў лясным масіве каля вёскі Давыдаўка.
- Памятныя знакі воінам-аднавяскоўцам, загінулым на франтах у гады Вялікай Айчыннай вайны ў населеных пунктах: Давыдаўка, Прасвет, Мармавічы, Залле, Карані, Мартынавічы, Палессе.
- Брацкія магілы савецкіх воінаў і партызан, якія загінулі ў гады Вялікай Айчыннай вайны ў населеных пунктах: Давыдаўка, Мармавічы, Карані, Палессе.
Зноскі
- ↑ Указ Президиума Верховного Совета БССР от 16 июля 1954 г. Об объединении сельских советов Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Рашэнне выканкома Гомельскага абласнога Савета дэпутатаў працоўных ад 8 красавіка 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 5.
- ↑ Рашэнне выканкома Гомельскага абласнога Савета дэпутатаў працоўных ад 14 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
- ↑ Решение Гомельского областного Совета депутатов от 1 декабря 2009 г. № 288 Об изменении административно-территориального устройства Светлогорского района Гомельской области Архівавана 29 кастрычніка 2013.
- ↑ Решение Гомельского областного Совета депутатов от 12 ноября 2013 г. № 286 О некоторых вопросах административно-территориального устройства Светлогорского района Гомельской области Архівавана 10 снежня 2020.
- ↑ Колькасць насельніцтва населеных пунктаў Гомельскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Колькасць насельніцтва населеных пунктаў Гомельскай вобласці Беларусі паводле перапісу 2019 года
Літаратура
[правіць | правіць зыходнік]- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
 | |
|---|---|
| Цэнтр | |
| Аграгарадкі | |
| Вёскі | Віша · Вялікая Людзвінаўка · Горкі · Давыдаўка · Залле · Карані · Малая Людзвінаўка · Мармавічы · Мартынавічы · Мехаўшчына · Мыслаў Рог · Прасвет · Уюнішчы |
