Ханс Бальдунг

Ханс Бальдунг
ням.: Hans Baldung
Аўтапартрэт. Музей вытанчаных мастацтваў. Страсбург
Імя пры нараджэнні	ням.: Hans Baldung
Дата нараджэння	не раней за 1484 і не пазней за 1485
Месца нараджэння	Швебіш-Гмюнд[d], Свяшчэнная Рымская імперыя[…]
Дата смерці	верасень 1545 (61 год)
Месца смерці	Страсбур, Страсбур-Віль[d], дэпартамент Ніжні Рэйн, Эльзас, Метраполія Францыі, Францыя
Грамадзянства	Германія
Род дзейнасці	мастак, ілюстратар, гравёр, мастак-гравёр, графічны дызайнер, вітражыст, book artist, архітэктурны чарцёжнік
Жанр	партрэт і рэлігійны жывапіс[d]
Мастацкі кірунак	Верхнегерманская школа
Вядомыя працы	карціны, гравюры, малюнкі
Уплыў	Альбрэхт Дзюрэр
Медыяфайлы на Вікісховішчы

Ханс Бальдунг (ням.: Hans Baldung, мянушка Грын ням.: Grien; 1480, 1484 ці 1485, Швебіш-Гмюнд — 1545, Страсбург) — адзін з выбітных мастакоў так званай Верхнегерманскай школы, вядомы як жывапісец, гравёр і малявальшчык. Лічыцца самым таленавітым вучнем Дзюрэра.

Біяграфія

Родам з гуманістычна адукаванай сям'і юрыста. Неўзабаве пасля нараджэння Ханса сям'я пераехала ў Страсбург. У 1503 годзе Бальдунг ужо знаходзіцца ў майстэрні Дзюрэра ў Нюрнбергу, дзе застаецца да 1507 года, Бальдунг разам з Кульмбахам і Шэйфеленам робіць самастойна ілюстрацыі, зарабляючы на жыццё. Бальдунг адным з першых сярод жывапісцаў адкрыта далучыўся да Рэфармацыі.

Працаваў у Брэйсгау, Швейцарыі і Эльзасе. Пасяліўшыся з 1538 ў Страсбургу, быў прыдворным мастаком пры двары біскупа.

Самымі выбітнымі з яго прац лічацца карціны, якія знаходзяцца ў Ліхтэнтальскім жаночым манастыры, напісаныя ім у 1496 г., і галоўны алтар Фрайбургскага сабора, скончаны ў 1516 годзе.

Доўгі час Бальдунгу прыпісвалася аўтарства Ізенгеймскага алтара, які захоўваецца зараз у Кальмарскім музеі Унтэрліндэн. Сапраўдным аўтарам алтара з'яўляецца Маціяс Груневальд.

Літаратура

• Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — 480 с. — 10 000 экз. — ISBN 985-11-0035-8. — ISBN 985-11-0061-7 (т. 2).