Альбрэхт Антоні Вільгельм Радзівіл

Альбрэхт Антоні Вільгельм Радзівіл
герб «Трубы»
16-ы Ардынат на Нясвіжы
Папярэднік:	Юры Фрэдэрык Радзівіл
Пераемнік:	Леан Уладыслаў Радзівіл
Нараджэнне:	30 кастрычніка 1885(1885-10-30) Берлін, Германская імперыя
Смерць:	18 снежня 1935(1935-12-18) (50 гадоў) Варшава, Польская Рэспубліка
Пахаваны:	Нясвіж
Род:	Радзівілы
Бацька:	Юры Фрэдэрык Радзівіл
Маці:	Марыя Разалія з Браніцкіх
Жонка:	Дораці Паркер Дзікан
Дзеці:	Эльжбета Марыя Радзівіл

Альбрэхт РАДЗІВІЛ (Антоній Альбрэхт Вільгельм Радзівіл; 30.10.1885, Берлін — 18.12.1935), палітычны дзеяч.

Сын Ежы Фрыдэрыка Радзівіла (1860—1914), ардыната нясвіжскага і клецкага.

У 1906 скончыў Пажскі корпус у Пецярбургу. У 1914 атрымаў ва ўласнасць Нясвіжскую і Клецкую ардынацыі. Фінансаваў стварэнне польскіх вайсковых часцей расійскай арміі, у 1917 — 1-ы польскі корпус Ю. Доўбар-Мусніцкага. Пасля абвяшчэння Беларускай Народнай Рэспублікі ездзіў у лістападзе 1918 разам з Р. Скірмунтам у Берлін і Швейцарыю забяспечыць ёй падтрымку. У лютым-кастрычніку 1919 падхарунжы 12-га палка польскіх уланаў. Пазней стаў адным з лідэраў кансерватыўнага лагера крэсовых землеўладальнікаў, віцэ-прэзідэнтам Саюза абаронцаў «крэсаў усходніх». 3 1922 фінансаваў віленскую газ. «Słowo» («Слова»), дзе публікаваліся матэрыялы па гісторыі і сучасным стане Нясвіжа.

Яго малодшы брат Леан Уладзіслаў Радзівіл у 1935-39 быў апошнім ардынатам нясвіжскім і клецкім.

Альбрэхт Радзівіл памёр у Варшаве, пахаваны ў Нясвіжы.

Літаратура

• Шышыгіна-Патоцкая К.Я. Нясвіж і Радзівілы. 2-е выд. Мн., 2002.