Беларусы Нарвегіі
Белару́сы Нарве́гіі ― беларуская дыяспара ў Каралеўстве Нарвегія.
Першыя беларускія грамадзяне, якія пераехалі ў Нарвегію, зарэгістраваны Цэнтральным статыстычным бюро Нарвегіі (SSB) ў 1993 годзе. Станам на 2021 год у Нарвегіі зарэгістравана 1286 выхадцаў з Беларусі[1], яны жывуць у розных рэгіёнах краіны, найбольшая колькасць ў сталічным рэгіёне Нарвегіі — Осла.
Беларускія ваеннапалонныя ў гады Другой сусветнай вайны[правіць | правіць зыходнік]
Падчас Другой сусветнай вайны некалькі тысяч ваеннапалонных беларусаў, а таксама остарбайтараў , выкарыстоўвалі на тэрыторыі Нарвегіі як рабочую сілу на буйных прадпрыемствах, у тым ліку Нарвежскіх дзяржаўных чыгунках (NSB), Norsk Hydro , Нарвежскай дарожнай адміністрацыі (Statens Veivesen) і Orkla . Многія ваеннапалонныя змаглі вярнуцца на радзіму пасля вайны. Падчас вайны на тэрыторыі Нарвегіі нарадзілася 11 беларускіх дзяцей, якія са сваімі маці таксама вярнуліся ў Беларусь. Некалькі сотняў беларусаў пахавана на ваенных могілках ў розных месцах Нарвегіі. Пасля 2020 года ідэнтыфікацыяй месцаў паходжання суайчыннікаў, чые магілы знаходзяцца на тэрыторыі Нарвегіі, займаецца суполка «РАЗАМ»[2].
Суполка беларусаў Нарвегіі «РАЗАМ»[правіць | правіць зыходнік]
У Нарвегіі дзейнічае згуртаванне беларусаў «Суполка беларусаў Нарвегіі РАЗАМ»[3], заснаванае ў 2020 годзе. Суполка прадстаўляе інтарэсы беларусаў і іх сем’яў у Нарвегіі, мае мэтай наладжванне камунікацыі паміж беларускай і нарвежскай культурай і грамадствам, беларусамі і нарвежцамі.[4]
Суполка праводзіць сустрэчы і мерапрыемства, у тым ліку Дні беларускага кіно ў Нарвегіі.
Адной з важных задач суполкі была змена афіцыйнай назвы Беларусі ў нарвежскай мове з «Hviterussland» (літаральна «Белая Расія») на «Belarus». Афіцыйная змена назвы Беларусі ў Нарвегіі адбылася 29 траўня 2022 года.
У чэрвені 2023 года пад уплывам арганізацыі створана парламенцкая група у падтрымку дэмакратычнай Беларусі на чале з дэпутатамі з Цэнтральнай, Левай і Правай партыі.[5]
Заўвагі[правіць | правіць зыходнік]
- ↑ Innvandrere og norskfødte med innvandrerforeldre - Tabeller - SSB . web.archive.org (1 красавіка 2023). Архівавана з першакрыніцы 1 красавіка 2023. Праверана 5 жніўня 2023.
- ↑ Søk etter krigsgraver i Norge- Krigsgraver.no . krigsgraver.no. Праверана 5 жніўня 2023.
- ↑ Belarusisk forening i Norge Razam . Belarusisk forening i Norge RAZAM (11 кастрычніка 2020). Праверана 5 жніўня 2023.
- ↑ Belarusisk Forening i Norge RAZAM . www.facebook.com. Праверана 5 жніўня 2023.
- ↑ Altinget - Alt om politikk: altinget.no . www.altinget.no. Праверана 5 жніўня 2023.