Вітольд Каэтанавіч Бялыніцкі-Біруля

Вітольд Бялыніцкі-Біруля
Імя пры нараджэнні:	Вітольд Каэтанавіч Бялыніцкі-Біруля
Дата нараджэння:	12 лютага 1872(1872-02-12)
Месца нараджэння:	в. Крынкі, Магілёўская губерня Расійская імперыя цяпер Бялыніцкі раён Беларусь
Дата смерці:	18 чэрвеня 1957(1957-06-18) (85 гадоў)
Месца смерці:	Дача «Чайка» (Удомля) Цвярская вобласць
Грамадзянства:	→
Жанр:	Пейзаж
Вучоба:	Кіеўская рысавальная школа Мурашка М. І., МВЖЛД
Стыль:	рэалізм
Уплыў:	Левітан І. І.
Уплыў на:	Бархаткоў А. С.
Узнагароды:	Народны мастак БССР (пасля 1944), Народны мастак РСФСР (1947), правадзейны член Акадэміі мастацтваў СССР (1947), залаты медаль Каўказскай юбілейнай выстаўкі (1901), медалі за карціну «Зімовы сон» (1911) (выстаўкі ў Мюнхене, Барселоне)
Працы на Вікісховішчы

Вітольд Каэтанавіч БЯЛЫНІЦКІ-БІРУЛЯ (29 лютага 1872, в. Крынкі Аршанскага павета Магілёўскай губерні, цяпер Бялыніцкі раён Магілёўскай вобласці — 18 чэрвеня 1957, Масква) — беларускі жывапісец-пейзажыст.

Біяграфія

Нарадзіўся ў шляхецкай сям'і. Дзяцінства прайшло на Віцебшчыне. Вучыўся ў Кіеве і Маскве пад кіраўніцтвам такіх майстроў, як М. Мурашка, С. Неўраў, І. Пранішнікаў. Быў сябрам вядомага Таварыства Перасоўных Выстаў, Таварыства імя Куінджы, Саюза Рускіх Мастакоў. Жыў пераважна ў Маскве.

Творчасць

Развіваў традыцыю лірычнага пейзажа канца XX ст. Палотны В. Бялыніцкага-Бірулі ўражваюць эмацыйнасцю, удалым спалучэннем мяккага серабрыста-бэзавага і зеленаватага колераў.

У Беларусі знаходзяцца 444 палатна В. Бялыніцкага-Бірулі. Шмат твораў захоўваецца ў Маскве (Дзяржаўная Трацьякоўская галерэя, прыватныя зборы), іншых гарадах Расіі, Украіны, Кіргізіі.

Жыўшы збольшага ў цэнтральных губернях Расіі, Маскве, Бялыніцкі-Біруля рэгулярна наведваў Беларусь. У Беларусі былі напісаны яго пейзажы, пераважна вясновыя, «Зялёны май», «Яблыні ў квецені», «Беларусь. Ізноў зацвіла вясна» і іншыя. Беларуская тэматыка знайшла адлюстраванне ў многіх карцінах.

Памяць

Імем В. Бялыніцкага-Бірулі названы Бялыніцкі мастацкі музей. У Магілёве адчынены музей В. Бялыніцкага-Бірулі, філіял Нацыянальнага мастацкага музея, дзе шырока прадстаўлена творчая спадчына мастака.

У Магілёве і Бялынічах названыя вуліцы ў гонар мастака.

Літаратура

• Беларуская энцыклапедыя. Т. 3. — Мн., 1996. — С. 402.
• Беларусь: энцыкл. давед. — Мн., 1995. — С. 140.
• Национальная Академия наук Беларуси: персональный состав. — Мн., 2004. — С. 312—313.
• Энцыклапедыя гісторыі Беларусі. Т. 2. — Мн., 1994. — С. 164.
• Энцыклапедыя літаратуры і мастацтва Беларусі. Т. 1. — Мн., 1984. — С. 545.

Спасылкі

• На ВікіСховішчы ёсць медыяфайлы па тэме Вітольд Каэтанавіч Бялыніцкі-Біруля
• Бялыніцкі-Біруля Вітольд Каэтанавіч у базе даных «Гісторыя беларускай навукі ў тварах» Цэнтральнай навуковай бібліятэкі імя Я.Коласа НАН Беларусі
• Творы В. Бялыніцкага-Бірулі