Галубцы

З пляцоўкі Вікіпедыя
Перайсці да: рух, знайсці
Lebensmittel-Kohlroulade1a-Asio.jpg

Галубцы́ — даўняя традыцыйная страва, вядомая большасці народаў Цэнтральнай і Усходняй Еўропы.

Гатуецца найчасцей з капуснага лісця, бланшаванага ў кіпені (або з разабранай заквашанай у цэлых галоўках капусты), начыненага мясным фаршам з адвараным да напаўгатоўнасці рысам, тушыцца ў соусе. Да з'яўлення ў нашай кухні рысу (XVII ст.) і часта пазней гатаваліся з бланшаванай грубай ячневай крупы (груца) і нарэзанай на дробныя кавалкі ялавічыны з дадаткам пасераванай цыбулі, грыбоў і прыпраў. Хуткія або «лянівыя» галубцы не начыняюць, а робяць з нашаткаванага капуснага лісця, змяшанага з фаршам. Заміж капусты даўней выкарыстоўвалася і іншая зеляніна (напрыклад, лісце хрэну). У Беларусі, Польшчы, Літве робяць і галубцы з тоўчанай варанай бульбы. Галубцы з вінаграднага лісця, вядомыя ў Міжземнамор'і, на Блізкім Усходзе, на Каўказе называюцца «далма».

Крыніцы[правіць | правіць зыходнік]

  • Белы А. Галубцы // Праект «Наша ежа»