Гранд Гатэль Еўропа
| Славутасць | |
| Гранд Гатэль Еўропа | |
|---|---|
 Гранд Гатэль Еўропа | |
| 59°56′08″ пн. ш. 30°19′49″ у. д.HGЯO | |
| Краіна | |
| Месцазнаходжанне | |
| Архітэктурны стыль | мадэрн |
| Дата заснавання | 1875 |
| Статус |
 Аб’ект культурнай спадчыны РФ № 7802368000 |
| Сайт | grandhoteleurope.com/web… |
 |
|
 Медыяфайлы на Вікісховішчы | |
«Гранд Гатэль Еўропа» (да 1991 года — гасцініца «Еўрапейская») — пяцізоркавая гасцініца ў Санкт-Пецярбургу, размешчаная на Міхайлаўскай вуліцы, займае ўвесь яе левы бок (калі глядзець ад Неўскага праспекта ў бок плошчы Мастацтваў). Гатэль належыць кампаніі Belmond.
У 1873—1875 гадах на аснове былога гатэля Клее і даходнага дома А. С. Рогава будынак быў перабудаваны ў гасцініцу ў формах эклектыкі па праекце архітэктара Людвіга Францавіча Фантана. У 1905 годзе зроблены частковыя перабудовы будынка і быў створаны рэстаран «Еўропа».
З 1907 года і па 19 жніўня 1914 года пад кіраўніцтвам архітэктара Ф. І. Лідваля ажыццяўляліся рамонтныя работы, частковыя перабудовы (галоўная лесвіца, хол бельэтажа, чытальня), надбудова пятага і мансарднага паверхаў з рэстаранам «Дах». Таксама былі змененыя інтэр’еры і ўнутранае аздабленне. У 1918-м — пачатку 1920-х гадоў у будынку гасцініцы размяшчаўся Цэнтральны дзіцячы карантынна-размеркавальны пункт.
У 1932—1934 гадах была зроблена поўная перапланіроўка будынка, створана сістэма аднолькавых нумароў (арх. М. Анолік). У 1933 годзе гасцініца была перададзеная з акцыянернага таварыства «Гатэль Лімітэд» у акцыянернае таварыства «Інтурыст».
Падчас блакады Ленінграда ў верасні 1941 — красавіку 1942 года ў будынку размяшчаўся эвакашпіталь № 991 на 1300 ложкаў. У 2005—2008 гадах быў праведзены трэці этап рэканструкцыі з агульным аб’ёмам інвестыцый каля 2 млн долараў ЗША. Аўтарам праекта абнаўлення кафэ і нумароў гатэля стаў французскі дызайнер Мішэль Жуанэ.
Літаратура[правіць | правіць зыходнік]
- Санкт-Петербург. Петроград. Ленинград: Энциклопедический справочник / Ред. коллегия: Белова Л. Н., Булдаков Г. Н., Дегтярев А. Я. и др. — М.: научное издательство «Большая Российская Энциклопедия». 1992. — 687 с.; ил. ISBN 5-85270-037-1
