Дом Мертэнса

Славутасць
Дом Мертэнса
59°56′07″ пн. ш. 30°19′20″ у. д.
Краіна	Расія
Месцазнаходжанне	Цэнтральны раён
Архітэктурны стыль	мадэрн і неакласіцызм
Дата заснавання	1911
Статус	Аб’ект культурнай спадчыны РФ № 7800742000
Медыяфайлы на Вікісховішчы

Дом Мертэнса (руск.: Дом Ме́ртенса) — помнік архітэктуры на Неўскім праспекце ў Санкт-Пецярбургу: гандлёвы дом, стыль якога ўяўляе сабой сумесь мадэрна і неакласіцызму.

Першы будынак на гэтым месцы быў пабудаваны ў 1740-x гадах.

У 1911—1912 гадах па праекце архітэктара М. С. Лялевіча тут быў збудаваны будынак гандлёвага дома для фірмы футравых вырабаў Ф. Л. Мертэнса. Пры праектаванні будынка былі ўжытыя абсалютна новыя інжынерныя і мастацкія рашэнні: маналітная жалезабетонная апорная канструкцыя будынка і тры вялізныя зашклёныя аркі, якія ўпрыгожваюць яго манументальны фасад.

У 1944 годзе ў будынку быў адкрыты першы ў Ленінградзе Дом мадэляў адзення, у дадатак да агульнасаюзнага дома мадэляў адзення ў Маскве (Кузнецкі мост, адкрыты ў 1933 годзе).

У сярэдзіне 2008 года будынак быў адрэстаўраваны і аддадзены ў арэнду — у ім адкрыўся флагманскі магазін Zara ў Санкт-Пецярбургу.