Пенджаб, Індыя

Пенджаб (Індыя)
ਪੰਜਾਬ, Punjab

Сцяг
Краіна	Індыя
Адміністрацыйны цэнтр	Чандыгарх
Афіцыйная мова	пенджаби
Насельніцтва (2001)	24,989 млн (15-е месца)
Шчыльнасць	482 чал./км²
Плошча	50 362 км²
Абрэвіятура	IN-PB
Код ISO 3166-2	IN-PB
Афіцыйны сайт
Пенджаб (Індыя) на Вікісховішчы

Пенджаб (англ.: Punjab), штат на паўночным захадзе Індыі, на граніцы з Пакістанам. Займае 15-е месца сярод штатаў па плошчы (50 362 км²) і 15-е па насельніцтву (24,2 млн чалавек, 2001). Адміністрацыйны цэнтр — Чандыгарх, які кіруецца непасрэдна ўрадам Індыі як Саюзная тэрыторыя, таму што ён з'яўляецца адначасова і адміністрацыйным цэнтрам штата Хар'яна.

Геаграфія

Большая частка тэрыторыі штата раўнінная, са шматлікімі рэкамі. Паўднёва-ўсходняя частка паўпустынная.

Эканоміка

Пенджабскі селянін

Эканамічна развіты штат, з высокім (па індыйскіх мерках) узроўнем жыцця. Штат мае набольш развітую інфраструктуру ў краіне, з 1974 усе вёскі штата электрыфікаваныя і падключаны да нацыянальнай электрасістэмы. Урадлівыя глебы дазваляюць атрымліваць вялікія ўраджаі зерневых, Пенджаб лічыцца «жытніцай Індыі»: тут атрымліваюць 20 % індыйскай пшаніцы, 14 % бавоўны і 9 % рысу. Прамысловасць штату вырабляе машыны і механізмы, навуковае абсталяванне, электратэхніку, тэкстыль, угнаенні, спартыўныя тавары. Развіты турызм.

Насельніцтва

61 % насельніцтва штата — сікхі, 37 % — індуісты. Невялікая колькасць мусульман.

У Сеціве

• Урад штата