Джаму і Кашмір
Герб |
Сцяг |
| Краіна | Індыя |
| Насельніцтва (2001) |
10,070 млн (18-е месца) |
| Шчыльнасць | 45,31 чал./км² |
| Плошча | 222 236 км² |
_(disputed_hatched).svg) |
|
| Код ISO 3166-2 | IN-JK |
| Афіцыйны сайт | |
| Джаму і Кашмір на Вікісховішчы | |
Джаму і Кашмір (англ.: Jammu and Kashmir), самы паўночны штат Індыі. Гранічыць са штатамі Хімачал-Прадэш і Пенджаб на поўдні, Пакістанам на захадзе і КНР на поўначы і ўсходзе. Плошча — 222 236 км2, насельніцтва — 10 млн. чалавек (2001; 18-е месца сярод штатаў). Адміністрацыйныя цэнтры — Срынагар (летам) і Джаму (зімой).
Тэрыторыя штата з'яўляецца аб'ектам тэрытарыяльных спрэчак: Пакістан разглядае яе як акупіраваную Індыяй. У сваю чаргу Індыя лічыць пакістанскі Кашмір незаконна адарванай яд яе тэрыторыяй. Частка Кашміра (Ладакх) захоплена Кітаем для яго ваенна-транспартных патрэб (дарога з Сінцзяна ў заходні Тыбет). Тэрытарыяльныя праблемы неаднаразова прыводзілі да міждзяржаўных ваенных сутыкненняў. Адзін з найбольш мілітарызаваных раёнаў свету.
Канстытуцыя Індыі надзяляе Джаму і Кашмір спецыяльным аўтаномным статусам (у парадку часовага прымянення арт. 370). Гэта адзіны штат Індыі, які мае ўласны флаг.
Змест |
Геаграфія[правіць]
Большасць тэрыторыі штата ляжыць у Гімалаях. Джаму і Кашмір складаецца з трох частак: паўднёвай — Джаму, асновы штата — Кашмірскай даліны і паўночнага «маленькага Тыбета» Ладакха.
Па тэрыторыі штата працякаюць рэкі Інд, Таві, Раві, Джхелум. Тут знаходзіцца і найвялікшы гімалайскі ледавік Сячэн.
Эканоміка[правіць]
Адзін з найменш развітых штатаў. Эканоміка Джаму і Кашміра ў асноўным залежыць ад сельскай гаспадаркі (садоўніцтва, рыбалоўства) і турызму (паломніцтва да індуісцкіх, мусульманскіх і будыйскіх святынь).
ВУП — 12 млрд. долл. ЗША (2006) — 19-е месца сярод штатаў.
Насельніцтва[правіць]
Адзіны штат Індыі з пераважна мусульманскім насельніцтвам (65 %). У Кашмірскай даліне мусульман 95 %. У Джаму індуістаў 67 %, мусульман 27 %, сікхаў 5 %. У Ладакху будыстаў 51 %, астатнія — галоўным чынам мусульмане.
Асноўныя мовы — кашмірская, урду, пенджабская, ладакхская. Хіндзі і англійская ўжываюца як другія мовы.
У Сеціве[правіць]
| Штаты і тэрыторыі Індыі | ||
|---|---|---|
| Штаты | Андхра-Прадэш · Аруначал-Прадэш · Арыса · Асам · Біхар · Гоа · Гуджарат · Джаму і Кашмір · Джхаркханд · Заходняя Бенгалія · Карнатака · Керала · Мадх'я-Прадэш · Маніпур · Махараштра · Мегхалая · Мізарам · Нагаленд · Пенджаб · Раджастхан · Сікім · Тамілнад · Трыпура · Утар-Прадэш · Утаракханд · Хар'яна · Хімачал-Прадэш · Чхатысгарх |  |
| Саюзныя тэрыторыі | Андаманскія і Нікабарскія астравы · Дадра і Нагархавелі · Даман і Дыу · Лакшадвіп · Нацыянальная сталічная тэрыторыя Дэлі · Пандышэры · Чандыгарх | |
