Стывен Уільям Хокінг

Запыт «Хокінг» перанакіроўваецца сюды; гл. таксама іншыя значэнні.

Стывен Уільям Хокінг
Stephen William Hawking
Дата нараджэння:	8 студзеня 1942(1942-01-08) (71 год)
Месца нараджэння:	Оксфард, Вялікабрытанія
Краіна:	Вялікабрытанія
Навуковая сфера:	тэарэтычная фізіка, прыкладная матэматыка, астрафізіка
Месца працы:	Кембрыджскі ўніверсітэт, Канадскі Інстытут тэарэтычнай фізікі (англ.: Perimeter Institute)
Альма-матэр:	Оксфардскі ўніверсітэт, Кембрыджскі ўніверсітэт
Навуковы кіраўнік:	Дэніс Сіяма (англ.: Dennis Sciama)
Узнагароды і прэміі	Прэмія Вольфа (1988) Літаратурная прэмія прынца Астурыйскага (1989) Медаль Коплі (2006) Прэзідэнцкі медаль Свабоды (2009)
Сайт:	http://www.hawking.org.uk/

Стывен Уільям ХОКІНГ (Stephen William Hawking; нар. 8 студзеня 1942, г. Оксфард, Вялікабрытанія) — англійскі фізік-тэарэтык. Член Лонданскага каралеўскага таварыства (1974), Нацыянальнай АН ЗША (1992).

Біяграфічныя звесткі

Скончыў Оксфардскі ўніверсітэт (1962), затым Кембрыджскі ўніверсітэт (1966), у якім і працаваў, з 1977 прафесар.

3 1962 паралізаваны, з 1985 страціў магчымасць маўлення, выкарыстоўвае камп'ютарны галасавы сінтэзатар.

Навуковая дзейнасць

Навуковыя працы па агульнай тэорыі адноснасці, тэарэтычнай астрафізіцы і касмалогіі. Даказаў тэарэму аб сінгулярнасці прасторы-часу (тэарэма Xокінга—Пенроўза, 1960-я г.). Паказаў, што на пачатковых этапах эвалюцыі Сусвету маглі ўтварацца чорныя міні-дзіры (памерам з элементарную часціцу). У сярэдзіне 1970-х г. распрацаваў тэорыю «выпарэння» чорных дзір за кошт квантавых эфектаў і нараджэння пар часціц і антычасціц (выпрамяненне Xокінга). Аўтар шэрагу навукова-папулярных кніг.

Прэміі і ўзнагароды

Прэміі А.Эйнштэйна 1978, Вольфа 1988.

Літаратура

• Касцюковіч М. Хокінг // БЭ ў 18 т. Т. 17. Мн., 2003.

У Сеціве

• Афіцыйны сайт Стывена Хокінга (англ.)