Эдвін Матысан Макмілан

Эдвін Матысан Макмілан

Эдвін Матысан Макмі́лан (англ.: Edwin Mattison McMillan, 18 верасня 1907 года, Рэдонда-Біч, ЗША — 7 верасня 1991 года, Каліфорнія, ЗША) — амерыканскі фізік, лаўрэат Нобелеўскай прэміі па хіміі ў 1951 годзе разам з Гленам Сібаргам за стварэнне першых трансуранавых элементаў.

Біяграфія

Скончыў Каліфарнійскі тэхналагічны інстытут (1928). У 1933-1973 гадах у Каліфарнійскім універсітэце ў Берклі (з 1946 года прафесар), адначасова ў Радыяцыйнай лабараторыі імя Э.Лоўрэнса (у 1958-1971 гадах дырэктар).

Аўтар навуковых прац па ядзернай фізіцы і тэхніцы паскарэння элементарных часціц. Адкрыў першы штучны трансуранавы элемент - нептуній (1940; разам з Ф.Эйблсанам) і плутоній (1940; разам з Г.Т.Сібаргам). Прапанаваў прынцып аўтафазіроўкі (1945) і пабудаваў электронны сінхратрон на 330 МэВ (1947).

Член Нацыянальнай АН ЗША (1947).

У 1963 годзе атрымаў спецыяльную ўзнагароду за даследаванні ў галіне мірнага прымянення атамнай энергіі.

Публікацыі

• McMillan, E. M.«Focusing in Linear Accelerators», August 24, 1950.
• McMillan, E. M.«A Thick Target for Synchrotrons and Betatrons», September 19, 1950.
• McMillan, E. M.«The Transuranium Elements: Early History (Nobel Lecture)», December 12, 1951.
• McMillan, E. M.«Notes on Quadrupole Focusing», February 9, 1956.
• McMillan, E. M.«Some Thoughts on Stability in Nonlinear Periodic Focusing Systems», September 5, 1967.
• McMillan, E. M.«Some Thoughts on Stability in Nonlinear Periodic Focusing Systems [Addendum]», March 29, 1968.

Літаратура

• Беларуская энцыклапедыя: У 18 т. Т.9: Кулібін - Малаіта / Рэдкал.: Г.П.Пашкоў і інш. - Мн.: БелЭн, 1999. - 560 с.: іл.

Спасылкі

• Нобелеўская лекцыя «Ранняя гісторыя трансуранавых элементаў» (англ.) 
• Апісанне першага ядзернага выбуху, зробленага Макміланам (руск.)