Віктар Аляксандравіч Грамыка

Віктар Аляксандравіч Грамыка
Імя пры нараджэнні	Віктар Аляксандравіч Грамыка
Дата нараджэння	1 студзеня 1923(1923-01-01)
Месца нараджэння	вёска Сенькава, Магілёўскі раён, Магілёўская вобласць, БССР, СССР
Дата смерці	10 ліпеня 2019(2019-07-10) (96 гадоў)
Месца пахавання	Усходнія могілкі
Грамадзянства	СССР  Беларусь
Род дзейнасці	мастак
Месца працы	Беларуская акадэмія мастацтваў Патрыёт
Жанр	пейзаж, партрэт і тэматычная карціна[d]
Вучоба	Мінскае мастацкае вучылішча (1951) Беларускі дзяржаўны тэатральна-мастацкі інстытут (1958)
Уплыў на	Q125163236?
Партыя	КПСС
Член у	Беларускі саюз мастакоў
Узнагароды	Заслужаны дзеяч мастацтваў БССР (1970)

Ві́ктар Алякса́ндравіч Грамы́ка (1 студзеня 1923, вёска Сянькова, Магілёўскі раён — 10 ліпеня 2019) — беларускі жывапісец. Ганаровы член Нацыянальнай акадэміі навук Беларусі (2000), прафесар (1981). Заслужаны дзеяч мастацтваў Беларусі (1970). Народны мастак Беларусі (1991). Удзельнік Вялікай Айчыннай вайны.

Біяграфія

Скончыў Беларускі тэатральна-мастацкі інстытут (1958). У 1959—1997 гг. выкладаў у Беларускай акадэміі мастацтваў. У 1962—1972 гг. і 1977—1982 гг. — Старшыня праўлення Саюза мастакоў БССР.

Творчасць

Працаваў ў станковым жывапісе ў жанрах карціны, пейзажа, партрэта. У яго творчасці шырока адлюстравана тэма Вялікай Айчыннай вайны. Асноўныя працы: палотны «Салдаты» (1967), «1941 год. Над Прыпяццю» (1970), «Жанчынам Вялікай Айчыннай прысвячаецца» (1972), «Песня аб маім атрадзе» (1978), «Яблыкі ўраджаю 1941 года» (1987); партрэты Янкі Брыля (1968), камісара А. Ф. Юр’ева (1982), Васіля Быкава (1984); краявіды «Льны беларускія» (1970), «Ліпень пахне травой» (1990), «Над старымі акопамі — цішыня» (1995) і інш. Яго творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, Магілёўскім абласным мастацкім музеі імя П. Масленікава, Траццякоўскай галерэі ў Маскве.

Узнагароджаны медалем Францыска Скарыны (1996).

Літаратура

• Бойка У. А. Віктар Аляксандравіч Грамыка. Мн.: Беларусь, 1979.
• Фатыхава Г. Талент ад роднай зямлі // Мастацтва. 2003. № 2.
• Сурскі А. А. Віктар Аляксандравіч Грамыка: Чырвоныя глебы Полаччыны // Советский художник, 1978

Спасылкі

• «Простыя» прыпавесці Віктара Грамыкі — zviazda.by