Іван Мікалаевіч Тамашэвіч

Іван Мікалаевіч Тамашэвіч
Іван Мікалаевіч Тамашэвіч
Дата нараджэння	4 сакавіка 1949 (74 гады)
Месца нараджэння	Мерч, Шклоўскі раён, Магілёўская вобласць, БССР, СССР;
Альма-матар	Мінскі дзяржаўны педагагічны інстытут імя А. М. Горкага (1979);
Месца працы	Наваполацкі дзяржаўны музычны каледж; Полацкі каледж; Беларуская дзяржаўная філармонія; Мінскі дзяржаўны музычны каледж імя М. І. Глінкі;
Музычная дзейнасць
Прафесіі	спявак, баяніст, педагог
Інструменты	вакал[d]
Грамадская дзейнасць
Член у	Беларускі саюз музычных дзеячаў[d];
Узнагароды

Іван Мікалаевіч Тамашэ́віч (нар. 4 сакавіка 1949, в. Мерч, Шклоўскі раён, Магілёўская вобласць) — беларускі спявак (барытон), баяніст, педагог. Народны артыст Беларусі (2000). Лаўрэат Рэспубліканскага (1989), Усесаюзнага і Міжнароднага конкурсаў (абодва 1990) выканаўцаў камернай музыкі.

Біяграфія[правіць | правіць зыходнік]

Скончыў у 1979 годзе Мінскі педагагічны інстытут. З 1969 года працаваў ва ўстановах культуры Шклова і Бабруйска, з 1979 года выкладчык Наваполацкага музычнага і Полацкага педагагічнага вучылішчаў. З 1988 года арганізатар і мастацкі кіраўнік канцэртнага аб'яднання пры Беларускім таварыстве інвалідаў па зроку, з 2001 года саліст Белдзяржфілармоніі. Адначасова з 1992 выкладчык Мінскага музычнага вучылішча, з 1970 года саліст сімфанічнага аркестра і камерна-інструментальнага ансамбля Белтэлерадыёкампаніі, з 1992 года — аркестра духавых інструментаў «Няміга», з 1993 — Дзяржаўнага аркестра сімфанічнай і эстраднай музыкі Беларусі пад кіраўніцтвам М. Фінберга.

Творчасць[правіць | правіць зыходнік]

У рэпертуары песні замежных і беларускіх кампазітараў (некаторыя выконваў упершыню), рамансы, арыі з опер. Сярод канцэртных праграм: «О калі б мог выказаць у гуку» (1990), «Я не шкадую сэрца добрым людзям» (1995), «Раманс забыты, але цудоўны», «І адкрыліся вочы ў душы» (абодва 1996), «Жамчужны россып мелодый кахання» (1997), «Зямны паклон вялікім юбілярам» (1998—1999, прысвечаны А. Пушкіну і П. Чайкоўскаму), «Букет прэм'ер ад юбіляра» (2000), «О раманс, ты любоў мая вечная» (2001).

Зноскі

Літаратура[правіць | правіць зыходнік]

Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).