Іван Міхайлавіч Паўловіч

Іван Міхайлавіч Паўловіч
Іван Міхайлавіч Паўловіч
Дата нараджэння	24 лютага (7 сакавіка) 1896
Месца нараджэння	Старое Сяло, Мсціслаўскі павет, Магілёўская губерня, Расійская імперыя;
Дата смерці	19 ліпеня 1944 (48 гадоў)
Месца смерці	Брэсцкая вобласць, БССР, СССР;
Месца пахавання	Курашэва;
Грамадзянства	СССР;
Прыналежнасць	Расійская імперыя — ; з 1915 ; СССР
Род войскаў	пяхота
Гады службы	1919—1944
Званне
Часць	399-я стралковая дывізія 2-га фарміравання ; 48-я армія ; 1-ы Беларускі фронт
Бітвы/войны	Грамадзянская вайна ; Вялікая Айчынная вайна

Іван Міхайлавіч Паўловіч (7 сакавіка 1896, в. Старое Сяло, Мсціслаўскі раён — 19 ліпеня 1944) — удзельнік Вялікай Айчыннай вайны, Герой Савецкага Саюза.

Біяграфія[правіць | правіць зыходнік]

У арміі з 1915 г., у Чырвонай Арміі з 1919 г.. Удзельнік Грамадзянскай вайны, потым у пагранічных войсках на Далёкім Усходзе. Скончыў Вышэйшую паграншколу НКУС у 1928 г., Школу ўдасканалення камсаставу НКУС у 1938 г.. З 1943 г. на Цэнтральным, Беларускім і 1-м Беларускім франтах. Удзельнік Курскай бітвы. Намеснік камандзіра стралковай дывізіі палкоўнік Паўловіч Іван Міхайлавіч вызначыўся пры вызваленні Беларусі. 24.06.1944 г. падняў батальён на прарыў варожай абароны на рацэ Друць каля горада Рагачоў і захапіў траншэі праціўніка, 29.06.1944 г. арганізаваў фарсіраванне ракі Бярэзіна, у ліку першых уварваўся ў Бабруйск; 19.07.1944 г. на паўднёвазаходнім напрамку ад Брэста ўзначаліў полк, які адбіў атаку 60 варожых танкаў. Загінуў у гэтым баі.

Прэзідыум Вярхоўнага Савета СССР Указам ад 6 красавіка 1945 г. пасмяротна прысвоіў Паўловічу Івану Міхайлавічу званне Героя Савецкага Саюза.

Памяць[правіць | правіць зыходнік]

У гонар І. М. Паўловіча названы вуліцы ў гарадах Мсціслаў і Хабараўск.

Зноскі

Літаратура[правіць | правіць зыходнік]

Паўловіч Іван Міхайлавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 207. — 10 000 экз. — ISBN 985-11-0035-8. — ISBN 985-11-0198-2 (т. 12).
Паўловіч Іван Міхайлавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — С. 490. — 680 с. — 20 000 экз. — ISBN 5-85700-012-2.
Павлович И. М. // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 223. — 911 с. — 100 000 экз. — ISBN отс., Рег. № в РКП 87-95382.

Спасылкі[правіць | правіць зыходнік]

Іван Міхайлавіч Паўловіч на сайце «Героі краіны»(Праверана 23 красавіка 2010)