Андрэй Андрэевіч Ракаў
Андрэй Андрэевіч Ракаў | |
---|---|
Дата нараджэння | 7 кастрычніка 1931 ці 1931[1] |
Месца нараджэння | |
Дата смерці | 17 кастрычніка 2011 ці 2011[1] |
Месца смерці | |
Грамадзянства | |
Род дзейнасці | навуковец, эканаміст, сацыёлаг, дэмограф |
Навуковая сфера | эканоміка і сацыялогія |
Месца працы | |
Навуковая ступень | доктар эканамічных навук (1985) |
Навуковае званне | |
Альма-матар | |
Узнагароды |
Андрэй Андрэевіч Ра́каў[2] (7 кастрычніка 1931 — 17 кастрычніка 2011) — вучоны, эканаміст і сацыёлаг, доктар эканамічных навук (1985), прафесар (1990).
Біяграфія[правіць | правіць зыходнік]
Нарадзіўся ў вёсцы[2] Церахоўка (зараз у складзе гарадскога пасёлка Церахоўка Добрушскага раёна Гомельскай вобласці Беларусі). Скончыў сярэднюю школу і паступіў у 1949 годзе на філасофскае аддзяленне Беларускага дзяржаўнага ўніверсітэта, які скончыў у 1959 годзе. У 1957 годзе скончыў аспірантуру пры кафедры палітычнай эканоміі[3]. У 1957—1961 гадах малодшы, старшы навуковы супрацоўнік у Інстытуце эканомікі сельскай гаспадаркі. У 1961—1963 гадах у Мінскім абласным камітэце КПБ. Са студзеня 1963 года працаваў у Навукова-даследчым інстытуце эканомікі і эканоміка-матэматычных метадаў пры Дзяржплане БССР (сучасны Навукова-даследчы эканамічны інстытут Міністэрства эканомікі Рэспублікі Беларусь), дзе ўзначаліў аддзел насельніцтва і працоўных рэсурсаў[4][3].
Памёр А. А. Ракаў у Мінску 17 (18[3]) кастрычніка 2011 года.
Навуковая дзейнасць[правіць | правіць зыходнік]
Аўтар навуковых прац па сацыяльнай і эканамічнай дэмаграфіі, тэорыі і метадалогіі сацыяльна-дэмаграфічных працэсаў, праблемах дэмаграфічных вынікаў катастрофы на Чарнобыльскай АЭС і інш. У пачатку 1970-х гадоў прапанаваў сацыяльна-дэмаграфічнае абгрунтаванне, якое дазволіла паскорыць будаўніцтва Мінскага метрапалітэна[3]. У 1988—1991 гадах быў кансультантам па народанасельніцтве Еўрапейскай эканамічнай камісіі ААН[2]. У 1990-х гадах кіраваў распрацоўкай шэрагу дэмаграфічных праграм[3]. Падрыхтаваў 11 кандыдатаў навук[3].
Сярод апублікаваных прац:
- Население БССР. — Мн., 1969.
- Белоруссия в демографическом измерении. — Мн., 1974.
- Методологические проблемы согласования планов экономического и социального развития и программ развития народонаселения. — Йошкар-Ола, 1987.
- Демографические основы народохозяйственного планирования. — Мн., 1990.
- Демографические проблемы социума: состояние и тенденции развития в Республике Беларусь. — Мн., 2005 (у сааўтарстве).
Зноскі
- ↑ а б Czech National Authority Database Праверана 8 чэрвеня 2022.
- ↑ а б в БелЭн 2001.
- ↑ а б в г д е Раков Андрей Андреевич // Партал ЭКОНОМИКА.BY (руск.)
- ↑ З 1981 года аддзел насельніцтва і працоўных рэсурсаў увайшоў у склад Інстытута эканомікі Акадэміі навук БССР, у 1990 годзе — у склад Інстытута сацыялогіі, а ў 2004 годзе пераўтвораны ў Цэнтр дэмаграфіі і чалавечага развіцця Інстытута эканомікі Нацыянальнай акадэміі навук Беларусі
Літаратура[правіць | правіць зыходнік]
- Ракаў Андрэй Андрэевіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 279. — 10 000 экз. — ISBN 985-11-0035-8. — ISBN 985-11-0216-4 (т. 13).
Спасылкі[правіць | правіць зыходнік]
- Раков Андрей Андреевич // Партал ЭКОНОМИКА.BY (руск.)
- Памяти Андрея Андреевича ракова — белорусского учёного демографа (руск.) // Часопіс «Демографія та соціальна економіка»
- Беларусь у асобах і падзеях: Ракаў Андрэй Андрэевіч // Нацыянальная бібліятэка Беларусі
- 85 лет со дня рождения Андрея Андреевича Ракова // Демоскоп Weekly (руск.)
- Нарадзіліся 7 кастрычніка
- Нарадзіліся ў 1931 годзе
- Нарадзіліся ў Добрушскім раёне
- Памерлі 17 кастрычніка
- Памерлі ў 2011 годзе
- Памерлі ў Мінску
- Супрацоўнікі Інстытута сацыялогіі НАНБ
- Дактары эканамічных навук
- Прафесары
- Выпускнікі факультэта філасофіі і сацыяльных навук БДУ
- Узнагароджаныя Граматай Прэзідыума Вярхоўнага Савета БССР
- Асобы
- Вучоныя паводле алфавіта
- Эканамісты СССР
- Эканамісты Беларусі
- Сацыёлагі СССР
- Сацыёлагі Беларусі
- Супрацоўнікі Нацыянальнай акадэміі навук Беларусі
- Дэмографы
- Члены КПСС