Аргазм

З пляцоўкі Вікіпедыя
Перайсці да: рух, знайсці
Уладзіслаў Падкавінскі — Унясенне, 1894

Арга́зм (стар.-грэч.: ὀργασμός ад ὀργάω — брыняю ад вільгаці, палаю запалам) — адзін з этапаў палавога акту, які характарызуецца атрыманнем найвышэйшай асалоды.

Фізіялогія аргазму[правіць | правіць зыходнік]

Падчас аргазму дыханне пачашчаецца, частата сардэчных скарачэнняў павялічваецца да 180 удараў у хвіліну і больш; значна падвышаецца артэрыяльны ціск. Такі рэжым працы сэрца параўнаем з экстрэмальнай фізічнай нагрузкай. Часта адзначаюцца пачырваненні скуры грудзей і твару.

У мужчын аргазм суправаджаецца рытмічнымі мускульнымі скарачэннямі, якія звычайна доўжацца некалькі секунд. Пры гэтым амаль заўсёды адбываецца эякуляцыя — выкід спермы і сокаў прадсталёвай залозы з урэтры.

Фізіялагічным пачаткам аргазму ў жанчын служаць рытмічныя скарачэнні мышцаў палавых органаў, якія ўзнікаюць у вонкавай траціне похвы. Рытмічныя скарачэнні таксама ўзнікаюць у мускулатуры маткі.

Звычайна паўторнага аргазму можна дасягнуць толькі пасля паўзы ў 10-30 хвілін. Але некаторыя жанчыны здольныя выпрабоўваць аргазм праз 1-2 хвіліны пасля папярэдняга, пры гэтым некалькі аргазмаў могуць вынікаць адзін за адным. Мужчыны могуць дамагчыся шматкратнага аргазму, толькі звяртаючыся да адмысловых практыкаванняў, накіраваных на стрымліванне эякуляцыі.

Суб'ектыўнае ўспрыманне[правіць | правіць зыходнік]

Аргазм у мужчын звычайна пікападобны, кароткачасовы. Юрлівае адчуванне хутка нарастае і хутка спадае.

У многіх жанчын аргазм з'яўляецца кароткачасовым, толькі некалькі больш доўгім, чым у мужчын. Магчымы і працяглы аргазм, які бесперапынна доўжыцца 30-60 секунд і болей. Працяглы аргазм можа мець хвалепадобны характар, то ўзмацняючыся, то слабеючы, на працягу гадзіны і больш.

Многія жанчыны пры надыходзе аргазму адчуваюць раптоўнае здранцвенне, а затым пачуццё моцнага штуршку ў вобласці клітара або ў глыбіні похвы і адчуванне цеплыні, якая распаўсюджваецца ва ўсім целе. Узнікае адчуванне, нібы нешта выціскаецца з арганізма. Пачуццё цеплыні змяняецца міжвольнымі рытмічнымі скарачэннямі ў вобласці похвы, малога тазу, часам і вонкавых палавых органаў. Гэтыя адчуванні суправаджаюцца пачуццямі надзвычайнага задавальнення.

На Беларусі вядома наступная прыпеўка:

Там была, там была,
Дзе коні пасуцца;
Так дала, так дала,
Што рукі трасуцца.

Віды аргазмаў[правіць | правіць зыходнік]

Некаторыя сексолагі (A. Kinsey, W. Masters, V. Jonhson, S. Schnabl) не прымаюць наяўнасці розных відаў аргазмаў.

Генітальны аргазм

Генітальны (звычайны, лакальны) аргазм — гэта тое, што адбываецца па змаўчанні. Гэта значыць, калі чалавек дасягае аргазму, то хутчэй за ўсё гэта генітальны аргазм. Па-анатамічнаму, генітальны аргазм з'яўляецца следствам скарачэнняў мышц у тазавай вобласці з вызначанай частатой. Гэта лёгка пацвярджаецца нескладаным практыкаваннем.

У мужчын звычайна суправаджаецца эякуляцыяй — выкідам спермы з урэтры. У некаторых жанчын суправаджаецца выкідам характэрнай вадкасці, так званай жаночай эякуляцыі.

Сваю назву гэты від аргазму атрымаў ад яго ўласцівасці праяўляцца лакальна, звычайна ў вобласці палавых органаў, ахапляючы вельмі малую частку ўсяго арганізма. Такі від аргазму таксама вельмі нядоўгачасовы, гэта значыць моцна лакалізаваны і ў часе.

У жанчын бывае некалькі відаў аргазму:

Частка вучоных не прымае наяўнасці ў жанчын маткавага аргазму. Аднак, паводле назіранняў лекараў-рэнтгенахірургаў, якія выконвалі ўсталёўку катэтэра ў маткавую артэрыю і наступных хуткіх уводзін рэнтгенакантрастнага рэчыва «Ураграфін» для дыягностыкі некаторых захворванняў маткі, у большасці жанчын назіраўся маткавы аргазм[Крыніца?].

У мужчын адрозніваюцца аргазмы пры стымуляцыі пеніса і прастаты (пры анальным сексе). Устойлівых назваў гэтыя два віды аргазмаў не атрымалі.

Грудны аргазм

Самавольна адбываецца досыць рэдка і ў асноўным у жанчын. Аднак, многія людзі могуць дамагчыся гэтага перажывання пасля адмысловых практыкаванняў.

Аргазм усяго цела

Гэты від аргазму кардынальна адрозніваецца ад папярэдніх.

  • Па-першае, ён ахоплівае ўсё цела, уключаючы галаву, рукі, ногі, вочы, язык і г.д. Часам складаецца суб'ектыўнае ўражанне, што ён ахоплівае і некаторую прастору за межамі цела.
  • Па-другое, гэты аргазм вельмі доўгі і ўстойлівы. Некаторыя людзі, якія перажылі яго на ўласным досведзе, пацвярджаюць, што ён можа доўжыцца некалькі сутак. Верхняя мяжа па часе не ўсталяваная толькі таму, што ў такіх людзей перыяд палавой блізкасці з партнёрам менш, чым «час дзеяння» аргазму цела.

Аргазм і эзатэрыка[правіць | правіць зыходнік]

Дасягненне стану аргазму цела з'яўляецца адной з прамежкавых мэт у некаторых усходніх сексуальна-арыентаваных духоўна-эзатэрычных традыцыях, такіх як некаторыя кірункі тантры. У апошняй аргазм цела завуць далінным аргазмам, параўноўваючы яго са спускам у горную даліну, у проціпастаўленне ўзыходжанню на вяршыню з наступным імклівым спускам, чым у дадзенай традыцыі лічыцца звычайны аргазм.

Паводле эзатэрычных гледжанняў на пытанне сексуальнасці, палавыя органы чалавека ўяўляюць сабой паменшаную копію ўсяго цела. Г. ё. пры ўздзеянні на вызначаныя кропкі палавых органаў стымулююцца вызначаныя вузлы ЦНС, або так званыя «чакры» чалавека. Пры вызначаных камбінацыях уздзеяння ў жанчын адзначаецца глыбокі аргазм з адключэннем ад рэальнасці, слыхавымі і глядзельнымі галюцынацыямі і часам поўнай стратай прытомнасці.

Мабыць, правільней было бы зваць гэту з'яву не аргазмам, а экстатычным станам, бо напрамую да сферы сяксуальнай узрушанасці ён стаўлення не мае.

Спасылкі[правіць | правіць зыходнік]

Літаратура[правіць | правіць зыходнік]

Спасылкі[правіць | правіць зыходнік]