Асташкава (Вілейскі раён)

Вёска Асташкава Краіна Беларусь Вобласць Мінская Раён Вілейскі Сельсавет Крывасельскі Каардынаты 54°32′28″ пн. ш. 27°10′28″ у. д. Насельніцтва ▼25 чал. (2009) Часавы пояс UTC+3 Тэлефонны код +375 1771 Паштовыя індэксы 222429 Аўтамабільны код 5 Асташкава на карце Беларусі ±

Аста́шкава (трансліт.: Astaškava, руск.: Осташково) — вёска ў Вілейскім раёне Мінскай вобласці. Уваходзіць у склад Крывасельскага сельсавета.

Геаграфія

Знаходзіцца за 22 км на паўночны ўсход ад горада Вілейка, 124 км ад Мінска.

Гісторыя

У 1690 г. маёнтак у Вілейскім старостве Ашмянскага павета ВКЛ, сумесная ўласнасць С. Харэвіча, П. і М. Невяровічаў.

Пасля другога падзелу Рэчы Паспалітай (1793) у Расійскай імперыі. У 1794 г. вёска і фальварак у маёнтку Куранец, уладанне Ромераў — падкаморыяў трокскіх. У 1800 г. вёска ў складзе Вілейскага павета Мінскай губерні, уласнасць Ю. Ромера. У 1897 г. вёска ў Рабуньскай воласці Віленскага ваяводства, у Вілейскім павеце, побач сядзіба (10 жыхароў).

З 1921 года вёска ў складзе Польскай Рэспублікі, Віленскага ваяводства, Вілейскага павета, гміны Касцяневічы.

З лістапада 1939 года ў БССР. З 4 снежня 1939 г. ў Вілейскім павеце Вілейскай вобласці, з 15 студзеня 1940 г. ў Куранецкім раёне, з 12 кастрычніка 1940 г. ў Рабунскім сельсавеце. У Вялікую Айчынную вайну з 25 чэрвеня 1941 г. да 3 ліпеня 1944 г. акупіравана нацыстамі. З фронту не вярнуліся 8 жыхароў вёскі. З 20 верасня 1944 г. ў Куранецкім, з 5 ліпеня 1946 г. ў Вілейскім раёнах Маладзечанскай вобласці. 6 студзеня 1950 г. створаны калгас «8 Сакавіка»; з 19 студзеня 1949 г. — калгас імя Сталіна. З 20 студзеня 1960 г. ў Мінскай вобласці. З 1979 г. ў Касцяневіцкім сельсавеце, землі знаходзіліся ў складзе калгаса «Зара», працаваў магазін.

З 1991 года ў незалежнай Беларусі. Да 28 мая 2013 года вёска ўваходзіла ў склад Касцяневіцкага сельсавета.

Насельніцтва

• 1800 год — 41 жыхар, 6 двароў.
• 1866 год — 70 жыхароў, 6 двароў.
• 1908 год — 191 жыхар.
• 1931 год — 177 жыхароў, 36 двароў.
• 1960 год — 185 жыхароў.
• 1988 год — 72 жыхары, 31 двор.
• 2008 год — 28 жыхароў, 16 гаспадарак.

Літаратура

• Ostaszków albo Ostaszkowo, wieś, powiat wilejski, gmina Rabuń // Słownik geograficzny Królestwa Polskiego i innych krajów słowiańskich. Tom VII: Netrebka — Perepiat (польск.). — Warszawa, 1886. — S. 663.
• Гарады і вёскі Беларусі: Энцыклапедыя. Т. 8: Мінская вобласць, кн. 1 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2010. — 736 с.: іл. — 2 000 экз. — ISBN 978-985-11-0520-1. 

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх