Беларуская федэрацыя кіберспорту

З пляцоўкі Вікіпедыя
Jump to navigation Jump to search
Беларуская федэрацыя кіберспорту
Белорусская федерация киберспорта
Членства: Інтэрнацыянальная федэрацыя (Паўднёвая Карэя)
Офіс: Сцяг Беларусі Мінск, Беларусь
Тып арганізацыі: Спартыўная федэрацыя
Афіцыйныя мовы: беларуская
руская
Кіраўнікі
Старшыня Дзяніс Сяргеевіч Богуш
Заснаванне
Заснавана 6 студзеня 2017
www.cybersport.by
УНП 805003512
Мінск, Захарава, 50В, памяшканне 7Н

Белару́ская федэра́цыя кіберспо́рту — рэспубліканскае грамадскае аб’яднанне[1], якое займаецца падтрымкай і развіццём кіберспорта ў Беларусі[2].

Мэты[правіць | правіць зыходнік]

Асноўнай мэтай з’яўляецца садзейнічанне развіццю ў Беларусі кіберспорту як новага віду спартыўнай спаборніцкай дзейнасці і спецыяльнай практыкі падрыхтоўкі чалавека да спаборніцтваў на базе камп’ютарнай тэхнікі, праграмнага забеспячэння, інтэрактыўных прылад і іншых магчымасцяў камп'ютарных тэхналогій, а таксама ўцягванне ў кіберспорт шырокіх слаёў насельніцтва Беларусі.[3]

Акрамя таго, садзейнічае развіццю кіберспорту ў Беларусі як масавага віду спорту, які прапагандуе агульначалавечыя каштоўнасці і здаровы лад жыцця, і эфектыўных формаў фізічнага выхавання дзяцей і падлеткаў, з выкарыстаннем камп’ютарных тэхналогій, накіраваных на фарміраванне здаровага, фізічна і духоўна дасканалага, маральна-ўстойлівага маладога пакалення Беларусі.[4]

Гісторыя[правіць | правіць зыходнік]

У стварэнні прымала ўдзел арганізацыйная кампанія «Пляцоўка».[5] Зарэгістравана Міністэрствам юстыцыі Беларусі як рэспубліканскае грамадскае аб’яднанне 6 студзеня 2017 года.[6] Створана для развіцця кіберспорту ў рэспубліцы як часткі міжнароднага спартыўнага руху.[7] Афіцыйным партнёрам федэрацыі стала кампанія па вытворчасці кампутарных крэслаў «DXRacer».

28 лютага анансавала дзве лігі з прызавымі фондамі рэспубліканскую і студэнцкую, якія пройдуць у 3—4 кварталах 2017 года і завершацца гранд-фіналамі ў Мінску. Дысцыпліны абодвух чэмпіянатаў: Dota 2, Counter-Strike: Global Offensive, World of Tanks і FIFA 17 (таксама магчымы турніраы па NHL 17 і NBA 2K17 на рэспубліканскім чэмпіянаце).[8] Удзельнікі рэспубліканскага чэмпіяната абіраюцца шляхам правядзення адборачных онлайн-турніраў, па выніках кваліфікацыі каманды згуляюць на LAN-фінале ў Мінску. Студэнцкі турнір уключае навучэнцаў 55 беларускіх універсітэтаў і 173 каледжаў з усіх абласцей Беларусі, якія абіраюцца шляхам арганізацыі LAN-кваліфікацый. Лепшыя каманды кожнай вобласці згуляюць згуляюць на фінальным турніры ў Мінску.[9]

4 чэрвеня 2017 года Беларуская федэрацыя кіберспорту падпісала дагавор аб супрацоўніцтве з асацыяцыяй «Беларуская федэрацыя футбола» і хакейным клубам «Дынама Мінск».[10]

Чэмпіянаты[правіць | правіць зыходнік]

  • МЭТА'18: FIFA — кіберспартыўны турнір у дысцыпліне FIFA (арганізаваны сумесна з асацыяцыяй «Беларуская федэрацыя футбола» 10 лютага 2018 года на пляцоўцы фан-дома ХК «Дынама-Мінск»).

Кіруючы склад[правіць | правіць зыходнік]

  • Дзяніс Сяргеевіч Богуш — старшыня федэрацыі[11]
  • Павел Генадзевіч Волкаў — намеснік старшыні
  • Вадзім Уладзіміравіч Аношка — член праўлення
  • Кірыл Аляксандравіч Салановіч — член праўлення
  • Аляксей Андрэевіч Кузняцоў — член праўлення
  • Максім Аляксандравіч Калтанюк — член праўлення

Крытыка[правіць | правіць зыходнік]

Спартыўны эксперт Андрэй Вашкевіч лічыць падзею гістарычнай:[12]

" Гэтая федэрацыя вельмі хутка — яшчэ на нашым жыцці — стане галоўнай у Беларусі. Яна будзе развіваць тое, што сапраўды цікава масам (у адрозненні ад хакея альбо футбола). Тое, што без школы, загадаў, бацькоў і кніжак ведаюць усе дзеці.[13] "

Гл. таксама[правіць | правіць зыходнік]

Зноскі

  1. Минюст зарегистрировал Белорусскую федерацию киберспорта. БелТА (6 студзеня 2017). Праверана 13 красавіка 2017. (руск.) 
  2. Беларуская федэрацыя кіберспорту. Звязда. Праверана 16 красавіка 2018.
  3. В Беларуси появилась федерация киберспорта. TUT.BY (6 студзеня 2017). Праверана 12 красавіка 2017. (руск.) 
  4. У Беларусі з'явілася федэрацыя кіберспорту. Хартыя'97 (6 студзеня 2017). Праверана 12 красавіка 2017.
  5. Белорусская федерация киберспорта. iT-Ground.net (9 чэрвеня 2016). Праверана 12 красавіка 2017. (руск.) 
  6. О государственной регистрации Республиканского общественного объединения «Белорусская федерация киберспорта». Министерство юстиции Республики Беларусь (6 студзеня 2017). Праверана 12 красавіка 2017. (руск.) 
  7. В Беларуси появилась федерация киберспорта. Беларусь сегодня (6 студзеня 2017). Праверана 13 красавіка 2017. (руск.) 
  8. Белорусская федерация киберспорта проведет турниры по CS:GO, Dota 2 и WoT. Компьютерные вести (28 лютага 2017). Праверана 17 красавіка 2018. (руск.) 
  9. Белорусская федерация киберспорта проведёт студенческую и республиканскую лиги. CyberSport.ru (28 лютага 2017). Праверана 12 красавіка 2017. (руск.) 
  10. Белорусский киберспорт стал на шаг ближе к спорту традиционному. TUT.BY (4 чэрвеня 2017). Праверана 17 красавіка 2018. (руск.) 
  11. Федерация киберспорта: это как рок-н-ролл, просто примите. Sputnik Беларусь (7 ліпеня 2017). Праверана 17 красавіка 2018. (руск.) 
  12. Андрей Вашкевич, 2017, с. 1
  13. Кіберспорт у Беларусі – спартовая дысцыпліна. БелСат (7 студзеня 2017). Праверана 16 красавіка 2018.

Літаратура[правіць | правіць зыходнік]

Спасылкі[правіць | правіць зыходнік]