Востраў Сен-Поль

Сен-Поль
-38.716667, 77.51666738°43′00″ пд. ш. 77°31′00″ у. д.38.716667° пд. ш. 77.516667° у. д.
Краіна	Францыя
АА першага ўзроўню	Французскія Паўднёвыя і Антарктычныя Тэрыторыі
Сен-Поль
Няма старонкі Шаблон:На карце/Францыя Французскія Паўднёвыя і Антарктычныя Тэрыторыі
Плошча	6 км²
Насельніцтва	0 чал.
Сен-Поль на Вікісховішчы

Сен-Поль (або Сент-Поль, фр.: L'île Saint-Paul) — востраў у Індыйскім акіяне, які ўваходзіць у склад Французскіх Паўднёвых і антарктычных Тэрыторый, размешчаны ў 85 кіламетрах на поўдзень ад вострава Амстэрдам, з якім утварае архіпелаг Амстэрдам і Сен-Поль.

Геаграфія і прырода

Сен-Поль уяўляе сабой вулканічны востраў з дыяметрам каля 12 кіламетраў, практычна пазбаўлены дрэў. У цэнтры вострава знаходзіцца заліў - кальдэра вулкана, запоўненая вадой.

Клімат вострава Сен-Поль падобны да клімата вострава Амстэрдам. Сярэднемесячныя тэмпературы вагаюцца ад 10-11 ° С зімой да 17-17,5 °C летам. На астравах размешчаныя калоніі пінгвінаў, цюленяў і марскіх птушак.

Гісторыя

Адкрыты ў XVII ст. галандцамі.

У кан. XVIII - перш. пал. XIX ст. перыядычна наведваўся паляўнічымі на ластаногіх. У 1825 г. распачаты імі пажар знішчыў мясцовыя эндэмічныя дрэвы philica.

У 1843 г. губернатар Рэюньёну даў дазвол мясцовым гандлярам на атрыманне ўладання на востраве. Дэкрэт ад 3 чэрвеня 1843 г. фактычна далучаў Сен-Поль да Францыі. Аднак уладанне так і не было атрымана. З друг. пал. XIX ст. востраў наведвалі навуковыя экспедыцыі.

21 лістапада 1924 г. далучаны да Мадагаскарскіх уладанняў Францыі. У кан. 1920-ых гг. на Сен-Поле было пабудавана брэтонскае паселішча, жыхары якога займаліся ловам і пераапрацоўкай рыбы. Але з-за эканамічнай дэпрэсіі ў 1931 г. паселішча было ліквідавана.

У жніўні 1955 г. далучаны да Французскіх Паўднёвых і Антарктычных тэрыторый. У 2006 г. уключаны ў склад Нацыянальнага запаведніка Французскіх Паўднёвых тэрыторый.

Востраў незаселены, але яго наведваюць навуковыя экспедыцыі.

Спасылкі

• Фотагалерэя вострава Сен-Поль
• Наведванне вострава Сен-Поль
• Астравы Амстэрдам і Сен-Поль. Архівавана з першакрыніцы 22 красавіка 2009.