Воўчын (возера)

З пляцоўкі Вікіпедыя
Jump to navigation Jump to search
Воўчын
Краіна Flag of Belarus.svg Беларусь
Плошча 0,53 км²
Сярэдняя глыбіня 32,9 м
Плошча вадазбору 3,68 км²

Воўчын, Воўчына — возера ў Мядзельскім раёне Мінскай вобласці. Плошча 0,53 км². Найбольшая глыбіня 32,9 м. Даўжыня 1,8 км, найбольшая шырыня 0,45 км. Даўжыня берагавой лініі 4,29 км. Аб′ём вады 7,87 млн м³. Плошча вадазбору 3,68 км².

Геаграфія[правіць | правіць зыходнік]

Возера знаходзіцца ў басейне р. Мядзелка, за 12 км на поўначы ад г.п. Мядзел, каля вёскі Кабайлы, на поўначы ад воз. Мядзел. Выцякае ручай у Мядзелку.

Азёрная катлавіна[правіць | правіць зыходнік]

Катлавіна лагчыннага тыпу, выцягнута з поўначы на поздзень. Схілы вышынёй 10—15 м (на поўначы 4—5 м), пад лесам і хмызняком, месцамі разараныя.

Берагавая лінія звілістая. Берагі зліваюцца са схіламі, участкамі на захадзе і ўсходзе вышынёй 0,3—0,5 м, у паўночным заліве нізкія, забалочаныя. На захадзе і поўначы пойма шырынёй 10—30 м.

Падводная частка катлавіны конусападобнай формы, літараль вузкая і спадзістая, сублітараль і прафундаль стромкія. Глыбіні да 2 м займаюць 13% плошчы возера. Дно да глыбіні 4—7 м высцілаюць пяскі, да 10 м — апясчаненыя ілы. У паўночным заліве пашыраны крэменязёмістыя сапрапелі з вялікай колькасцю карбанатаў.

Водны рэжым[правіць | правіць зыходнік]

Мінералізацыя вады каля 250 мг/л, празрыстасць 4,6 м. Мезатрофнае. Слабапраточнае, упадае 1 ручай, на паўночным усходзе выцякае ручай у р. Мядзелка.

Расліннасць і жывёльны свет[правіць | правіць зыходнік]

Надводная расліннасць амаль адсутнічае, падводная ўкрывае дно да глыбіні 4 м.

Водзяцца шчупак, акунь, гусцяра, верхаводка, плотка, мянтуз, лінь, карась, краснапёрка; ёсць ракі.

Літаратура[правіць | правіць зыходнік]

  • Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.
  • Государственный водный кадастр: Водные ресурсы, их использование и качество вод (за 2004 год). — Мн.: Министерство природных ресурсов и охраны окружающей среды, 2005. — 135 с.
  • Природа Белоруссии: Попул. энцикл. / БелСЭ; Редкол.: И. П. Шамякин (гл.ред.) и др. — Мн.: БелСЭ, 1986. — 599 с., 40 л. ил. (руск.) 
  • Ресурсы поверхностных вод СССР. Описание рек и озёр и расчёты основных характеристик их режима. Т. Ч.