Гадуцішскі раён

Гадуцішскі раён
Краіна	Беларуская ССР
Статус	Раён
Уваходзіць у	Вілейская вобласць
Адміністрацыйны цэнтр	Гадуцішкі
Дата ўтварэння	15 студзеня 1940
Дата скасавання	25 лістапада 1940

Гаду́цішскі раён — адміністрацыйна-тэрытарыяльная адзінка ў БССР у 1940 годзе. Цэнтр — мястэчка Гадуцішкі.

Гісторыя

Гадуцішскі раён быў утвораны 15 студзеня 1940 года ў складзе Вілейскай вобласці, на тэрыторыі Заходняй Беларусі пасля яе ўз’яднання з БССР. Да ўтварэння раёна яго тэрыторыя была часткай Свянцянскага павета.

25 лістапада 1940 года раён быў скасаваны ў сувязі з перадачай часткі яго тэрыторыі Літоўскай ССР. Частка тэрыторыі, якая адышла да Літвы, увайшла ў склад Швянчоніскага павета; частка, якая засталася ў БССР (7 сельсаветаў — Камайскі, Магунскі, Навасёлкаўскі, Оцкавіцкі, Палескі, Радуцкі, Старчунскі), была перададзена ў склад Пастаўскага раёна.

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 20 000 экз. — ISBN 5-85700-142-0.
• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.