Пліскі раён

З Вікіпедыі, свабоднай энцыклапедыі
Пліскі раён
Краіна  Беларуская ССР
Статус Раён
Уваходзіць у Вілейская вобласць (1940—1944), Полацкая вобласць (1944—1954), Маладзечанская вобласць (1954—1960), Віцебская вобласць (1960—1962)
Адміністрацыйны цэнтр Пліса (да 1950), Падсвілле (пасля 1950)
Дата ўтварэння 15 студзеня 1940
Дата скасавання 25 снежня 1962
Плошча 1 000 км²
Пліскі раён на карце

Плі́скі раён — адміністрацыйна-тэрытарыяльная адзінка ў БССР у 1940—1962 гадах. Цэнтр — вёска Пліса, з 1950 года — вёска Падсвілле.

Гісторыя[правіць | правіць зыходнік]

Утвораны 15 студзеня 1940 года ў складзе Вілейскай вобласці. Плошча раёна 1 тыс. км² (на 1941 год). 12 кастрычніка 1940 года падзелены на 18 сельсаветаў: Асінаўскі, Валодзькаўскі, Верацейскі, Востраўскі, Вуглоўскі, Галубіцкі, Драбаўшчынскі, Зашчэсленскі, Каралевіцкі, Кукроўскі, Кульгайскі, Лужкоўскі, Міцькаўскі, Пліскі, Празароцкі, Прошкаўскі, Свільскі, Стральцоўскі. З 20 верасня 1944 года Пліскі раён у Полацкай, з 8 студзеня 1954 года ў Маладзечанскай абласцях.

16 ліпеня 1954 года скасаваны Асінаўскі, Валодзькаўскі, Верацейскі, Востраўскі, Вуглоўскі, Зашчэсленскі, Каралевіцкі, Кукроўскі, Міцькаўскі сельсаветы, утвораны Зябкаўскі, Псуеўскі і Ясевіцкі сельсаветы, Стральцоўскі сельсавет быў перайменаваны ў Дворнаўскі сельсавет, Кульгайскі сельсавет — у Старынкаўскі[1]. 10 сакавіка 1958 года Старынкаўскі сельсавет быў перададзены Дзісенскаму раёну. 28 чэрвеня 1958 года вёска Падсвілле атрымала статус пасёлка гарадскога тыпу, скасаваны Свільскі сельсавет, усе яго населеныя пункты перададзены ў падпарадкаванне Падсвільскага пасялковага савета. 24 красавіка 1959 года скасаваны Прошкаўскі сельсавет. 3 кастрычніка 1959 года да раёна былі далучаны Завуццеўскі, Малінаўскі, Старынкаўскі і Язненскі сельсаветы скасаванага Дзісенскага раёна. З 20 студзеня 1960 года Пліскі раён у Віцебскай вобласці. 15 кастрычніка 1960 года скасаваны Драбаўшчынскі, Малінаўскі і Ясевіцкі сельсаветы.

25 снежня 1962 года раён скасаваны, яго тэрыторыя перададзена ў Глыбоцкі (гарадскі пасёлак Падсвілле, Галубіцкі, частка Дворнаўскага, Зябкаўскі, Пліскі, Псуеўскі сельсаветы) і Мёрскі (Дворнаўскі, Завуццеўскі, Лужкоўскі, Празароцкі, Старынкаўскі, Язненскі сельсаветы) раёны.

Крыніцы[правіць | правіць зыходнік]

  1. Указ Президиума Верховного Совета Белорусской ССР от 16 июля 1954 г. Об объединении сельских советов Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.

Літаратура[правіць | правіць зыходнік]

  • Пліскі раён // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — С. 514. — 10 000 экз. — ISBN 985-11-0141-9.
  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.