Гары Потэр і Кубак агню (англ.: Harry Potter and the Goblet of Fire) — чацвёрты раман з серыі пра Гары Потэра, напісанай Джаан Роўлінг. Раман распавядае пра чацвёрты год Гары Потэра, маладога чараўніка, у школе вядзьмарства і чараўніцтва «Хогвартс» і таямніцу, звязаную з заяўкай на ўдзел Гары ў «Турніры трох чараўнікоў», у якім ён вымушаны ўдзельнічаць.
Экранізацыя рамана, прэм’ера якой адбылася 18 лістапада 2005 года, атрымала больш за $896 мільёнаў у пракаце (на $100 тысяч больш, чым трэцяя частка), а таксама спрыяльныя ацэнкі ад крытыкаў. Апроч таго, па матывах раману «Гары Потэр і Кубак агню» кампанія «Electronic Arts» выпусціла відэагульню.
