Джаан Роўлінг

Джаанна Мюрэй Роўлінг
Joanne Murray Rowling
Джаан Роўлінг
Асабістыя звесткі
Псеўданімы:	Дж. К. Роўлінг
Дата нараджэння:	31 ліпеня 1965(1965-07-31)[…] (53 гады)
Месца нараджэння:	Yate[d], Паўднёвы Глостэршыр[d], Глостэршыр, Паўднёва-Заходняя Англія[d], Англія, Вялікабрытанія
Грамадзянства:	Вялікабрытанія
Альма-матар:	Эдынбургскі ўніверсітэт Эксетэрскі ўніверсітэт[d] Wyedean School[d] (1983)
Прафесійная дзейнасць
Род дзейнасці:	кінапрадзюсар, пісьменніца, раманіст, настаўніца, дзіцячы пісьменнік, сцэнарыст, аўтар, выканаўчы прадзюсар
Гады творчасці:	1997 — цяп. час
Кірунак:	фэнтэзі
Жанр:	раман
Мова твораў:	англійская
Дэбют:	Гары Потэр і філасофскі камень
Грамадская дзейнасць
Член у	Каралеўскае літаратурнае таварыства[d]
Прэміі:	Прэмія Х'юга (2001)
Узнагароды:	Hans Christian Andersen Literature Award[d] (2010) Princess of Asturias Award for Concord[d] (2003) Nestlé Children's Book Prize[d] (1997) Nestlé Children's Book Prize[d] (1998) Nestlé Children's Book Prize[d] (1999) Locus Award for Best Fantasy Novel[d] (2000) Hugo Award for Best Novel[d] (2001) Andre Norton Award[d] (2007) прэмія Джэймса Джойса[d] член Каралеўскага таварыства Эдынбурга[d] (2002) Q2018176? (2001) Hotze de Roos Prize[d] (2002) Children's bookshop prize[d] (1999) Prijs van de Jonge Jury[d] (2002) Prijs van de Nederlandse Kinderjury[d] (2002) honorary doctor of the University of Aberdeen[d] член Каралеўскага літаратурнага таварыства[d] ганаровы доктар Гарвардскага ўніверсітэта[d] (2008)
Подпіс:
jkrowling.com
Творы на сайце Lib.ru
Выявы на Вікісховішчы

Джаан Роўлінг (англ.: Joanne Rowling; 31 ліпеня 1965) — англійская пісьменніца, якая піша пад псеўданімам Джаан Кэтлін Роўлінг (англ.: Joanne Katheline Rowling) — аўтарка серыі раманаў пра Гары Потэра (1997—2007), якія перакладзеныя больш чым на 60 моў, у тым ліку на беларускую (толькі аматарскія электронны варыянты). У 2001 годзе Джаан Роўлінг за кнігу «Гары Потэр і Кубак Агню» атрымала прэмію Х'юга. Кавалер Ордэна Ганаровага легіёна (2009).

Імя

Сапраўднае імя пісьменніцы — Джаанна Мюрэй Роўлінг, а не Джаан Кэтлін Роўлінг, як многія думаюць. Перад першай публікацыяй выдавецтва баялася, што хлопчыкі будуць неахвотна купляць кнігу, напісаную жанчынай. Таму Роўлінг папрасілі паставіць ініцыялы замест поўнага імя. Пры гэтым, у выдавецтве хацелі, каб ініцыялы складаліся з дзвюх літар. Роўлінг абрала для другога ініцыяла імя сваёй бабулі, Кэтлін. Таксама гэта імя яна абрала яшчэ і праз пэўную сугучнасць — у англійскай мове літара «К» вымаўляецца сугучна з «J».

Творы

• 1997 — «Гары Потэр і філасофскі камень»
• 1998 — «Гары Потэр і таемны пакой»
• 1999 — «Гары Потэр і вязень Азкабана»
• 2000 — «Гары Потэр і Кубак Агню»
• 2001 — «Чароўныя істоты і дзе іх шукаць»
• 2001 — «Квідыш скрозь стагоддзі»
• 2003 — «Гары Потэр і ордэн Фенікса»
• 2005 — «Гары Потэр і прынц-паўкроўка»
• 2007 — «Гары Потэр і рэліквіі смерці»
• 2007 — «Казкі барда Бідля»
• 2008 — «Гары Потэр: прыквел»

Беларускія пераклады

Кнігі з серыі пра Гары Потэра — «Гары Потэр і філасофскі камень», «Гары Потэр і таемны пакой», «Гары Потэр і вязень Азкабана» на беларускую пераклаў Дзяніс Мускі, пераклады выдадзены belpotter.by у 2013 годзе зыходна для электронных кніг, у фармаце .pdf. Варта дадаць, што ўсе беларускія пераклады — аматарскія, і выконвалі іх людзі неабазнаныя ў мове ў дастатковай ступені, таму беларускія версіі змяшчаюць у сабе даволі шмат моўных памылак і зусім не беларускіх канструкцый.

Экранізацыі

Паводле жадання Роўлінг усе фільмы здымаліся ў Вялікабрытаніі і акцёры таксама ўсе брытанскія. Кампанія Warner Bros. строга прытрымліваецца гэта жадання аўтара.

• «Гары Потэр і філасофскі камень» (2001)
• «Гары Потэр і таемны пакой» (2002)
• «Гары Потэр і вязень Азкабана» (2004)
• «Гары Потэр і Кубак Агню» (2005)
• «Гары Потэр і ордэн Фенікса» (2007)
• «Гары Потэр і прынц-паўкроўка» (2009)
• «Гары Потэр і рэліквіі смерці: частка I» (2010)
• «Гары Потэр і рэліквіі смерці: частка II» (2011)

Камерцыйны поспех кніг

Кнігі былі перакладзены больш чым на 60 моў. Прададзена больш за 400 млн асобнікаў.

• ЗША: 80 млн.
• Германія: 15,5 млн.
• Расія: 13,5 млн.
• Вялікабрытанія: 8 млн.
• Канада: 6 млн.
• Аўстралія і Новая Зеландыя: 5,3 млн.
• Італія: 3,7 млн.
• Польшча: 2,2 млн.
• Літва: 2,1 млн.

Паводле даных брытанскай газеты Sunday Times, маёмасць пісьменніцы ў 2008 годзе ацэньвалася ў 560 млн фунтаў стэрлінгаў, 12-ае месца сярод найбагацейшых жанчын у Вялікабрытаніі.

Цікавыя факты

• Джаан Роўлінг была за сакратарку ў дабрачыннай арганізацыі Amnesty International.
• Першая кніга пра Гары Потэра была напісана на старой пішучай машынцы.
• Астэроід № 43844 з прапановы чыкагскага астранома Марка Хамергрэна, які адкрыў яго, атрымае імя Роўлінг у гонар знакамітай пісьменніцы.
• У чэрвені 2006 года брытанская публіка назвала Джаан Роўлінг «найвялікшым аўтарам сучаснасці». Роўлінг заняла ў апытанні першае месца, сабраўшы галасоў амаль у тры разы больш за Тэры Пратчэт, аўтара твораў у жанры фэнтэзі.

Спасылкі

• Афіцыйны сайт
• Беларускі партал пра Гары Потэра