Перайсці да зместу

Фантастычныя істоты: Злачынствы Грындэльвальда

З Вікіпедыі, свабоднай энцыклапедыі
Фантастычныя істоты: Злачынствы ГрындэльвальдаM:
Fantastic Beasts: The Crimes of Grindelwald
Постар фільма
Жанр фэнтэзі
прыгоды
сямейны
дэтэктыў
Рэжысёр Дэвід Ейтс
Прадзюсар

Дэвід Хэйман[1]
Дж. К. Роўлінг[1]

Стыў Клоўз[1]
Лаянел Уігрэм[1]
Сцэнарыст Дж. К. Роўлінг[2]
У галоўных
ролях
Аператар Філіп Русла
Кампазітар Джэймс Ньютан Ховард[3]
Кінакампанія Heyday Films
Warner Bros. Pictures
Працягласць 134 хвілін [4]
Бюджэт $ 200 000 000 [5]
Зборы $ 439 717 238 [6]
Краіна Сцяг Вялікабрытаніі Вялікабрытанія
Сцяг ЗША ЗША
Мова англійская
Год 2018
Папярэдні фільм Фантастычныя істоты і дзе іх адшукаць
Наступны фільм Фантастычныя істоты: Таямніцы Дамблдора
IMDb ID 4123430
Афіцыйны сайт (англ.)
Лагатып Вікісховішча Медыяфайлы на Вікісховішчы

«Фантастычныя істоты: Злачынствы Грындэльвальда» (англ.: Fantastic Beasts: The Crimes of Grindelwald) — фантастычная драма рэжысёра Дэвіда Ейтса[7][8] пра супрацьстаянне Ньюта Скамандэра, Альбуса Дамблдора, сясцёр Гальдштэйн і не-мага Якаба Кавальскага з аднаго боку і злога чараўніка Грындэльвальда — з іншай. Працяг фільма «Фантастычныя істоты і дзе іх адшукаць», дзеянне развіваецца ў тым жа свеце, што і серыі фільмаў пра Гары Потэра . Прэм’ера фільма ў Вялікабрытаніі адбылася 14 лістапада[9], у ЗША 16 лістапада 2018[10][11].

Сюжэт

[правіць | правіць зыходнік]

1927 год. МАКУСА збіраецца дэпартаваць Грындэльвальда ў Еўропу. У час транспартавання той збягае.

У Англіі Ньют Скамандэр спрабуе вярнуць сабе права падарожнічаць, аднятае Міністэрствам магіі пасля вяртання Ньюта з Нью-Ёрка. Міністэрства згоднае вярнуць права падарожнічаць пры ўмове, што Ньют будзе працаваць на яго пад кіраўніцтвам свайго брата Тэзэюса — главы аддзела аўрораў. У прыватнасці, Ньюту даручаецца высачыць і ліквідаваць Крыдэнса, які выжыў пасля нью-ёркскіх падзей. Ньют наадрэз адмаўляецца. Міністэрства адмаўляе Ньюту ў зняцці забароны на падарожжы і даручае высачыць Крыдэнса аўрору Грымсану. Ньют сустракаецца з прафесарам Дамблдорам. Той просіць яго адшукаць Крыдэнса, сцвярджаючы, што яго яшчэ можна выратаваць, і перашкодзіць Грындэльвальду. Дамблдор гаворыць, што Крыдэнс, верагодна, з’яўляецца згубленым нашчадкам сям’і Лестранж і малодшым братам сяброўкі юнацтва Ньюта, Літы Лестранж. Тым часам Ціна таксама шукае Крыдэнса. Ньют адпраўляецца ў Парыж разам з Якабам, які спадзяецца знайсці там Квіні — яны пасварыліся з прычыны таго, што Якаб адмовіўся ажаніцца з Квіні, не жадаючы падвяргаць яе небяспецы.

У Парыжы Крыдэнс працуе ў вандроўным цырку «Арканус», які жорстка эксплуатуе магічных істот, у тым ліку і праклятую дзяўчыну (маледыктус) Нагіні. У час аднаго з выступленняў Нагіні яны з Крыдэнсам уцяклі. Ціна, якая заспела гэта, у мітусні губляе Крыдэнса з вачэй. Яна пытаецца пра яго ў гаспадара цырка і той адказвае, што Крыдэнс шукае сваю маці.

Атабарыўшыся ў Парыжы, Грындэльвальд збірае прыхільнікаў. Ён мае намер прыцягнуць на свой бок Крыдэнса — адзінага, хто здольны забіць Дамблдора. Грындэльвальд ведае ўсё пра перамяшчэнні Крыдэнса, але не жадае выкарыстоўваць сілу — Крыдэнс мусіць прыйсці да яго добраахвотна.

Квіні, якая не знайшла ў Парыжы сястру, прыходзіць у роспач. Ёй прапануе дапамогу незнаёмка, якая апынулася памагатай Грындэльвальда. Грындэльвальд пераконвае Квіні далучыцца да яго, запэўніўшы, што яго перамога прынясе ёй магчымасць свабодна быць з Якабам.

Крыдэнс і Нагіні прыходзяць туды, дзе, як яны лічаць, жыве маці Крыдэнса. Але там яны знаходзяць толькі служанку-паўэльфійку Ірму. Ірма цяпло сустракае Крыдэнса і распавядае яму, што шмат гадоў назад яна аддала яго Мэры Лу, думаючы, што прыёмная маці пра яго паклапоціцца. Іх гутарка перарывае раптоўнае з’яўленне Грымсана. Яго атака забівае Ірму. Крыдэнс абараняе сябе і Нагіні, ператварыўшыся на абскура. Грымсан жа, як высвятляецца, працуе на Грындэльвальда — усё гэта было спланавана, каб вывесці Крыдэнса з раўнавагі.

Ціна выходзіць на кантакт з магам Юсуфам Кама, якому таксама патрэбен Крыдэнс. Юсуф распавядае Ціне пра прароцтва, звязаным з Лестранжамі. Ньют і Якаб знаходзяць Ціну праз Юсуфа. Сабраўшы ўсіх траіх у адным месцы, апошні замыкае іх, паабяцаўшы выпусціць, калі Крыдэнс будзе мёртвы. Ньюту, Ціне і Якабу ўдаецца зладзіцца з ім. Дапытаўшы Юсуфа, Ньют і Ціна адпраўляюцца ў парыжскае міністэрства магіі, дзе знаходзіцца нешта, здольнае праліць святло на тайну сям’і Лестранж. Якаб ідзе на мітынг Грындэльвальда, даведаўшыся, што Квіні знаходзіцца там. Тым часам аўроры, сярод якіх Літа і Тэзэюс, адпраўляюцца ў Парыж.

Грындэльвальд сустракаецца з Крыдэнсам. Ён абяцае, што Крыдэнс даведаецца, хто ён, калі прыйдзе ў фамільны склеп Лестранжаў. Ньют, Ціна і Літа прыходзяць у склеп, куды была перанесена шкатулка з міністэрства. Там яны сустракаюць Юсуфа, Крыдэнса і Нагіні.  Юсуф распавядае гісторыю сваёй сям’і. Шмат гадоў назад глава сям’і Лестранж зачараваў яго маці. Яна памерла, нараджаючы Літу. Неўзабаве пасля гэтага Лестранж ажаніўся. Сын ад гэтага шлюбу быў адзіным, каго ён кахаў. Юсуф прынёс свайму бацьку непарушны зарок — забіць таго, хто даражэй за ўсё чалавеку, які разбурыў іх сям’ю. Ведаючы пра гэта, Лестранж адправіў сына ў Амерыку ў суправаджэнні Літы і Ірмы.

Юсуф збіраецца забіць Крыдэнса, таму што ў адваротным выпадку памрэ сам. Літа спыняе яго, абвясціўшы, што яе брат даўно мёртвы — яна сама мімаволі забіла яго. Па дарозе ў Нью-Ёрк маленькі Корвус увесь час плакаў, не даючы ёй адпачыць, і Літа вырашыла ненадоўга памяняць яго месцамі са спакойным немаўлём з іншай каюты. Калі пачалося караблекрушэнне, яна не паспела памяняць дзяцей месцамі назад, і выйшла так, што яе брат патануў.

У шкатулцы ж было фамільнае дрэва Лестранжаў, якое захавала ўсё гэта.

Сустрэтыя ў склепе раптам трапляюць на мітынг. Усіх іх завабіў сюды Грындэльвальд. Грындэльвальд паказвае прысутным выявы хуткай Другой Сусветнай вайны, каб абгрунтаваць неабходнасць заваявання маглаў чараўнікамі. На мітынг прыходзяць аўроры на чале з Тэзэюсам. Грындэльвальд адпраўляе сваіх прыхільнікаў расказаць ўсім пра ўбачанае і пачутае тут. Абараняючы сябе падабенствам Пякельнага полымя, ён патрабуе ад астатніх у склепе далучыцца да яго. Не слухаючы Якаба і Нагіні, Квіні і Крыдэнс згаджаюцца. Прыкінуўшыся, Літа спрабуе затрымаць Грындэльвальда, каб астатнія маглі сысці, але ў выніку гіне ў полымі як і многія аўроры. Ціна, Ньют, Якаб, Юсуф, Нагіні і Тэзэюс збягаюць са склепа. Полымя выходзіць са склепа намерваючыся знішчыць увесь раён. Героям пры падтрымцы Нікаласа Фламеля ўдаецца знішчыць страшэннае полымя. Ніфлер прыносіць Ньюту выкрадзеную ў Грындэльвальда бутэлечку з крывёй — сімвал клятвы, якая не давала Дамблдору і Грындэльвальду ісці адзін супраць аднаго. Выжылыя вяртаюцца ў Хогвартс, і Ньют аддае бутэлечку Дамблдору.

Грындэльвальд, пасля гутаркі з Квіні, падыходзіць да Крыдэнса ў сваёй крэпасці ў Аўстрыі (Нурменгарды) і дорыць яму чароўную палачку. Крыдэнс назірае за птушанём фенікса і Грындэльвальд ператварае таго ў дарослага фенікса са словамі, што ў хвіліну сумневу і роспачы любому з сям’і Дамблдора з’яўляецца фенікс (у пачатку фільма Дамблдар распавядае гэту гісторыю Ньюту, гаворачы, што яго прадзед знік з феніксам шмат гадоў назад), і адкрывае юнаку яго сапраўднае імя — Аўрэліюс Дамблдор. Таксама Грындэльвальд хлусіць Крыдэнсу, гаворачы, што яго брат (Альбус Дамблдор) жадае яго смерці. Крыдэнс злуецца, верачы словам Грындэльвальда, і адпраўляе вогненны шар у скалу, разбураючы яе.

У ролях

[правіць | правіць зыходнік]

Здымкі

[правіць | правіць зыходнік]

Асноўныя здымкі пачаліся 3 ліпеня 2017 года на студыі Warner Bros.[16][24]. У верасні 2017 года Джуд Лоў скончыў здымкі сцэн у якасці Дамблдора[25].

Музыка

[правіць | правіць зыходнік]
Original Track Listing
№ Назва Працягласць
1. «The Threstal Chase» 8:04
2. «Newt and Leta» 2:32
3. «Dumbledore» 2:11
4. «The Kelpie» 1:32
5. «Newt and Jacob Pack for Paris» 2:27
6. «Nagini» 4:15
7. «Newt Tracks Tina» 2:27
8. «Queenie Searches for Jacob» 1:35
9. «Irma and the Obscurus» 2:56
10. «Blood Pact» 2:29
11. «Capturing the Zouwu» 1:33
12. «Traveling to Hogwarts» 1:06
13. «Leta’s Flashback» 4:40
14. «Salamander Eyes» 2:28
15. «Matagots» 2:15
16. «Your Story is Our Story» 3:21
17. «Leta’s Confession» 5:14
18. «Vision of War» 3:49
19. «Spread the Word» 4:01
20. «Wands into the Earth» 4:04
21. «Restoring Your Name» 6:20
22. «Fantastic Beasts: The Crimes of Grindelwald» 2:40
23. «Dumbledore’s Theme (Piano Solo)» 1:27
24. «Fantastic Beasts Theme (Piano Solo)» 1:37
25. «Leta’s Theme (Piano Solo)» 2:04
77:17

Працяг

[правіць | правіць зыходнік]

У ліпені 2016 года Дэвід Ейтс пацвердзіў, што Роўлінг напісала сцэнарый для другога фільма і мае ідэі для трэцяга[2]. У кастрычніку 2016 года Роўлінг пацвердзіла, што серыя будзе складацца з пяці фільмаў.[26] Трэці фільм будзе выпушчаны ў лістападзе 2020 года.[27]

Крыніцы

[правіць | правіць зыходнік]
  1. ↑ а б в г д Maane Khatchatourian, Dave McNary (2016-10-13). "'Fantastic Beasts and Where to Find Them' to Be Five-Film Franchise". Variety [амерыканская англійская]. Праверана 2017-12-19.
  2. ↑ а б Amanda Bell (2016-07-01). "Fantastic Beasts Movie Sequel Has Already Been Written". Screen Rant [амерыканская англійская]. Праверана 2017-12-19.
  3. ↑ McIntyre, Hugh. "James Newton Howard Talks Scoring 'Fantastic Beasts' And Entering The Wizarding World". Forbes(англ.). Праверана 2017-12-19.
  4. ↑ Amanda Bell. "Fantastic Beasts: The Crimes of Grindelwald Written". {{cite news}}: line feed character у |title= на пазіцыі 18 (даведка)
  5. ↑ "Fantastic Beasts:The Crimes of Grindelwald".
  6. ↑ "Fantastic Beasts:The Crimes of Grindelwald".
  7. ↑ "WB names David Yates 'Fantastic Beasts' director". Hypable [амерыканская англійская]. 2014-10-15. Архівавана з арыгінала 14 студзеня 2015. Праверана 2017-12-19.
  8. ↑ Lieberman, David (2014-10-15). "Warner Bros' Kevin Tsujihara Outlines Major Film & TV Push Amid Cost Cuts: Time Warner Investor Day". Deadline [амерыканская англійская]. Праверана 2017-12-19.
  9. ↑ Лоў з дачкой, Дэп і ўбор савы: як прайшла прэм’ера «Істот 2». Каманда фільма «Фантастычнай істоты: Злачынствы Грындэльвальда» прадставіла карціну ў Лондане
  10. ↑ "Сюжет сиквела «Фантастических тварей» попал в СМИ". lenta.ru. 3 июля 2017. Праверана 2017-12-19. {{cite news}}: Праверце значэнне даты ў: |date= (даведка)
  11. ↑ Barraclough, Leo (2016-08-03). "'Fantastic Beasts' Sequel in the Works With J.K. Rowling and David Yates, Release Date Set". Variety [амерыканская англійская]. Праверана 2017-12-19.
  12. ↑ а б в г Ashley Lee (April 12, 2017). "Jude Law to Play Young Dumbledore in 'Fantastic Beasts' Sequel". The Hollywood Reporter(англ.). Праверана 2017-12-19.
  13. ↑ Kroll, Justin (2017-01-26). "Joby Harold to Do Page-One Rewrite of 'The Flash' Script (EXCLUSIVE)". Variety [амерыканская англійская]. Праверана 2017-12-19.
  14. ↑ Rebecca Ford (August 10, 2016). "'Harry Potter' Spinoff 'Fantastic Beasts' Adds Zoe Kravitz (Exclusive)". The Hollywood Reporter(англ.). Праверана 2017-12-19.
  15. ↑ Kroll, Justin (2017-04-21). "'Fantastic Beasts 2': Callum Turner to Play Eddie Redmayne's Brother (EXCLUSIVE)". Variety [амерыканская англійская]. Праверана 2017-12-19.
  16. ↑ а б в г д Tartaglione, Nancy (2017-07-03). "'Fantastic Beasts' Sequel Reveals Plot Details, Adds Cast As Shooting Starts". Deadline [амерыканская англійская]. Праверана 2017-12-19.
  17. ↑ а б в г д е ё Megan McCluskey. Pottermore Just Dropped Some Important Fantastic Beasts News. Time (6 кастрычніка 2017). Праверана 19 снежня 2017.
  18. ↑ "Jude Law cast as Albus Dumbledore in next Fantastic Beasts film". Pottermore(англ.). 12th April 2017. Праверана 2017-12-19. {{cite news}}: Праверце значэнне даты ў: |date= (даведка)
  19. ↑ Jr, Mike Fleming (2016-11-01). "Johnny Depp To Co-Star In J.K. Rowling's 'Fantastic Beasts' Sequel At Warner Bros". Deadline [амерыканская англійская]. Праверана 2017-12-19.
  20. ↑ "Davids Yates and Heyman Spill Fantastic Beasts Secrets: Paris, Dumbledore, Depp, Credence and more!". The-Leaky-Cauldron.org [амерыканская англійская]. 2016-11-08. Праверана 2017-12-19.
  21. ↑ а б "Everything we know about The Crimes of Grindelwald so far". Pottermore(англ.). Праверана 2017-12-19.
  22. ↑ "The real Nicolas Flamel and the Philosopher's Stone". Pottermore(англ.). Праверана 2017-12-19.
  23. ↑ N'Duka, Amanda (2017-09-22). "'Fantastic Beasts And Where To Find Them' Sequel Adds David Sakurai". Deadline [амерыканская англійская]. Праверана 2017-12-19.
  24. ↑ A Thrilling New Adventure in J.K. Rowling’s Wizarding World is Underway (англ.). businesswire.com (3 ліпеня 2017). Праверана 19 снежня 2017.
  25. ↑ Kroll, Justin (2017-09-27). "Jude Law in Talks to Join Blake Lively in 'Rhythm Section' (EXCLUSIVE)". Variety [амерыканская англійская]. Праверана 2017-12-19.
  26. ↑ McNary, Maane Khatchatourian,Dave (2016-10-13). "'Fantastic Beasts and Where to Find Them' to Be Five-Film Franchise". Variety [амерыканская англійская]. Праверана 2018-09-25.{{cite news}}: Папярэджанні CS1: розныя назвы: authors list (спасылка)
  27. ↑ Barraclough, Leo (2016-08-03). "'Fantastic Beasts' Sequel in the Works With J.K. Rowling and David Yates, Release Date Set". Variety [амерыканская англійская]. Праверана 2018-10-24.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Фантастычныя_істоты:_Злачынствы_Грындэльвальда&oldid=4831238"