Друцк (Расія)

Вёска Друцк Краіна Расія Суб’ект федэрацыі Смаленская вобласць Муніцыпальны раён Смаленскі раён Каардынаты 54°40′53″ пн. ш. 32°03′19″ у. д. Тэлефонны код 481 Паштовыя індэксы 214518 і 214023 Код АКАТП 66244882029 Друцк на карце Расіі ±

Друцк (руск.: Дрюцк) — вёска Смаленскага раёна Смаленскай вобласці Расіі. Уваходзіць у склад Прыгорскага сельскага паселішча.

За 8 км на поўдзень ад Смаленска, за 5 км на захад ад аўтадарогі А141 Арол — Віцебск. Каля вытокаў ручая, левага прытоку Сажа.

Гісторыя

На тэрыторыі паселішча выяўлена кераміка 2-й паловы XI—XIII ст. Вядома прынамсі з сярэдзіны XVIII ст. як уладанне кн. Друцкіх-Сакалінскіх. У 1770-я гады ўласнасць кн. A. M. Друцкай-Сакалінскай, пазней — надворнага саветніка А. З. Сомава і яго роду, у сярэдзіне — 2-й пал. XIX ст. — штабс-капітана І. М. Сомава, на пачатку XX ст. — М. П. Сіманава.

Інфраструктура

Аўтобусная сувязь са Смаленскам. Вуліцы Адміністрацыйная, Цэнтральная, Маладзёжная, Чаромушкі.

САДАУ «Друцкі псіханеўралагічны інтэрнат», медпункт, крамы (адна ў інтэрнаце, другая — за 0,5 км ад цэнтра ў лесапаласе).

Захаваўся двухпавярховы сядзібны дом канца XVIII ст. у стылі ранняга класіцызму з элементамі барока, драўляныя вежы ў стылі псеўдаготыкі прыбудаваны ў сяр. XIX ст., два аднапавярховыя флігелі простай архітэктуры, фрагменты парка з двума ставамі на розных узроўнях, уяздная алея. Цяпер у сядзібным доме размешчаны САДАУ «Друцкі псіханеўралагічны інтэрнат».

Дэмаграфія

• 1998 год — 420 чалавек
• 2007 год — 505 чалавек

Літаратура

• Бегунова В. В. Древнерусская керамика селища у в. Дрюцк Смоленского района // Музейный вестник. Выпуск X. — Смоленск, 2019. — С. 14-19, илл.
• Чижков А. Б., Гурская Н. Г. Смоленские усадьбы. Каталог с картой расположения усадеб — Смоленск: НП «Русская усадьба», 2009. — 192 с. — ISBN 978-5-9901441-2-5