Дрычынскі яслі-сад

Дрычынскі яслі-сад
Заснавана	1866
Тып	школа
Сайт	sad-drychyn.schools.by

Дзяржаўная ўстанова адукацыі «Дрычынскі яслі-сад Пухавіцкага раёна» — былая ўстанова сярэдняй адукацыі, цяпер яслі-сад у аграгарадку Дрычын Пухавіцкага раёна Мінскай вобласці.

Гісторыя

У 1866 годзе адкрыта народнае вучылішча, якое размяшчалася ў грамадскім будынку. Навучалася 39 хлопчыкаў і 7 дзяўчынак.

У 1886 годзе вучылішча наведвалі 59 хлопчыкаў і 5 дзяўчынак.

У 1900 годзе ў школе займаліся 54 хлопчыкі і 3 дзяўчынкі, настаўнікам быў Міхаіл Васілеўскі.

У 1904 годзе для школы пабудавалі новы драўляны будынак.

Пасля Кастрычніцкай рэвалюцыі народнае вучылішча было ператворана ў працоўную школу першай ступені, у якой у 1922 годзе вучыліся 80 хлопчыкаў і дзяўчынак, працавала 2 настаўніка.

У 1932 годзе школа стала сямігадовай, а ў 1956 годзе — сярэдняй.

У 2003 годзе займаліся 211 вучняў, працавала 25 настаўнікаў.

Вядомыя выпускнікі

• Лілія Станіславаўна Ананіч — беларускі дзяржаўны дзеяч, Міністр інфармацыі Беларусі (2014—2017).
• Уладзімір Фёдаравіч Кукарэка — беларускі вучоны, кандыдат ваенных навук, дацэнт, палкоўнік.
• Алег Васілевіч Прышчэпчык — беларускі навуковец-біёлаг, кандыдат біялагічных навук (2002), дацэнт (2003).

Дырэктары школы

• Фёдар Фёдаравіч Кукарэка (1963—1976);
• Ірына Рыгораўна Вабішчэвіч.

Цікавыя факты

• У музеі школы знаходзіцца ліст ад касманаўта Юрыя Гагарына з асабістым аўтографам. Ліст быў адрасаваны піянерскім атрадам 6 класа.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. — ISBN 985-01-0251-9.