Каменная Горка (жылы раён, Мінск)

З пляцоўкі Вікіпедыя
(Пасля перасылкі з Жылы раён Каменная Горка, Мінск)
Jump to navigation Jump to search
Мікрараён
Каменная горка
Выява
Горад: Мінск
Адміністрацыйны раён горада: Фрунзенскі раён
Дата заснавання: 2008
Год уключэння ў межы горада: 2004
Паштовыя індэксы: 220017
Плошча: 4,5 км²
Насельніцтва: 65 тыс. чал.

Вясёлка над вуліцай Налібоцкай

Каменная Горка — жылы раён на захадзе Мінска. Размешчаны на тэрыторыі плошчай 450 га ў межах МКАД — вуліцы Прытыцкага — Кунцаўшчына — Калеснікава (4-е гарадское кальцо), абмежавана з поўначы катэджным пасёлкам Масюкоўшчына. Разлічаны на 65 тысяч чалавек.

Мяркуецца пабудаваць пяць мікрараёнаў з квартальным тыпам забудовы, канцэнтрацыяй грамадскіх і камунальных функцый у прымагістральнай зоне МКАД і размяшчэннем высокашчыльнага жылля ў непасрэднай блізкасці да лініі метро. Школы і дашкольныя ўстановы выдзяляюцца ў асобную зону, адасобленую ад жылой забудовы паласой зялёных насаджэнняў. Аснову забудовы складаюць дамы вышынёй у 9 і 16 паверхаў.[1]

Пры гэтым дамы ўзводзяцца групамі, тым самым ствараецца адзіная дваровая прастора, на якой арганізаваны дзіцячыя пляцоўкі, месцы адпачынку. У раёне прадумана схема размяшчэння асабістага аўтатранспарту. Паркоўкі размешчаны па перыметры кожнага квартала, а не ў дварах.[1]

У першую чаргу (да 2010) забудоўваліся першы і пяты мікрараёны на поўдні раёна. Чакаецца, што горадабудаўнічы воблік жылога раёна Каменная Горка будзе канчаткова сфарміраваны да 2015.[2]

Асноўныя вуліцы[правіць | правіць зыходнік]

Від у бок Кунцаўшчыны.
  • Прытыцкага
  • Кунцаўшчына
  • Нёманская
  • Казіміраўская
  • Каменнагорская
  • Лідская
  • Налібоцкая
  • Люцынская
  • Калеснікава

Інфраструктура[правіць | правіць зыходнік]

Грамадская інфраструктура[правіць | правіць зыходнік]

У жылым раёне вядзецца актыўнае будаўніцтва гарадской інфраструктуры. У цэнтры жылога раёна запраектаваны мясцовы рынак, прадпрыемствы бытавога абслугоўвання, ФАК з басейнам, запланаваны кінатэатр, музычная школа, рэстаран і кафэ, бібліятэка, маладзёжна‑забаўляльны цэнтр і іншыя аб'екты. У жылым раёне будзе створана сетка гандлёвых кропак, аптэк, а таксама аддзяленняў паштовай сувязі РУП «Белпошта» і ААБ «Беларусбанк». Мэдыцынскія ўстановы прадстаўленыя паліклінікай № 26 і гарадской падстанцыяй хуткай медыцынскай дапамогі. Галоўныя гандлёвыя кропкі раёну — ГЦ «ProStore», ГБЦ «Мацярык» і ГЦ «Green City».

Транспарт[правіць | правіць зыходнік]

Праз раён праходзяць аўтобусныя і тралейбусныя маршруты. Раён абслугоўваюць дыспетчарская станцыя Кунцаўшчына і дыспетчарская станцыя Каменная горка-5. Побач з мікрараёнам знаходзіцца станцыя метрапалітэна Каменная Горка. Мінгарвыканкам агучваў планы пабудаваць яшчэ адну станцыю — Красны Бор.

Нумар маршрута: Назва маршрута: Заўвагі:
Аўтобусныя маршруты:
8 д/с Сухарава-5 — Люцынская
12 д/с Кунцаўшчына — д/с Сухарава-5
17 д/с Сухарава-5 — д/с Кунцаўшчына
29 д/с Кунцаўшчына — д/с Карастаянавай
36 д/с Кунцаўшчына — в. Тарасава
40 д/с Кунцаўшчына — д/с Ландэра
41 д/с Адоеўскага — Каменная Горка-5 Панядзелак — пятніца
42 д/с Сухарава-5 — Люцынская
54 д/с Захад-3 — ст. м. Спартыўная
60 д/с Захад-3 — ГЦ Ждановічы
78 д/с Каменная Горка 5 — Бабруйская
83э д/с Малінаўка-4 — ГЦ Ждановічы Акрамя панядзелка
101 д/с Дружная — ГЦ Ждановiчы
107 д/с Кунцаўшчына — Каржанеўскага
116 д/с Каменная горка-5 — Малінаўка-8
125 д/с Захад-3 — ГЦ Ждановічы
137 д/с Кунцаўшчына — Водаачышчальная станцыя Панядзелак — пятніца
138 д/с Кунцаўшчына — Прамвузел Заходні
140 д/с Сухарава-5 — ГЦ Ждановічы Панядзелак — пятніца
144с д/с Кунцаўшчына — д/с Курасоўшчына
149 д/с Захад-3 — р/к Люцынская
159 д/с Захад-3 — Каменная Горка-5
Тралейбусныя маршруты:
9 д/с Кунцаўшчына — Гарадскі вал
13 д/с Захад-3 — Гарадскі вал
25 д/с Кунцаўшчына — д/с Малінаўка-4
31 д/с Кунцаўшчына — Сямашка
48 д/с Кунцаўшчына — р/к Лабанка Панядзелак — пятніца
52 д/с Малінаўка-4 — д/с Кунцаўшчына
Бліжэйшыя станцыі метро: станцыя Каменная Горка

Славутасці[правіць | правіць зыходнік]

Паміж мікрараёнамі Каменная Горка-1 і Каменная Горка-2 створана агульнараённая зона адпачынку, якая атрымала імя былога прэзідэнта Венесуэлы Уга Чавеса. Урачыстае адкрыццё новай зоны адпачынку адбылося 18 кастрычніка 2014 года. Плануецца, што тут будзе працаваць некалькі гульнявых пляцовак, у тым ліку для дзяцей-інвалідаў.[4]

Зноскі

Гл. таксама[правіць | правіць зыходнік]