Курасоўшчына (жылы раён, Мінск)

Курасоўшчына
Курасоўшчына
	53°51′05″ пн. ш. 27°31′10″ у. д.HGЯO
Краіна	Беларусь;
Горад	Мінск
Адміністрацыйны раён горада	Кастрычніцкі раён
Першае згадванне	1580
Ранейшы статус	пасёлак
Год уключэння ў межы горада	1956
Ранейшыя назвы	Курашаўшчызна
Паштовыя індэксы	220108, 220024
Насельніцтва	50 тыс. чал.
Медыяфайлы на Вікісховішчы

Курасо́ўшчына — жылы раён у паўднёва-заходняй частцы Мінска ў Кастрычніцкім раёне горада паміж МКАД на поўдні і далінай ракі Лошыца і Лошыцкім вадасховішчам на поўначы. З паўночнага-захада мяжуе з жылым раёнам Брылевічы, а з поўдня — з прамзонай. Кампазіцыйны цэнтр раёна — плошча Казінца, створаная на перакрыжаванні вуліц Казінца і Каржанеўскага. Тры кварталы займаюць мікрараёны, чацвёрты — карпусы навукова-вытворчага аб'яднання «Інтэграл».

Асноўныя вуліцы

Інфраструктура

Грамадская інфраструктура

У жылым раёне існуе развітая гарадская інфраструктура. Раён абслугоўвае 29-я гарадская паліклініка і 11-я гарадская клінічная бальніца. У жылым раёне размешчаны 5 устаноў сярэдняй адукацыі і Мінскі дзяржаўны каледж электронікі. У жылым раёне знаходзіцца бібліятэка ім. І. С. Лупіновіча і гарналыжны цэнтр «Сонечная даліна». Гандлёвыя плошчы (найбольшыя) прадстаўлены: рынкам «Курасоўшчынскі» і універсамам «Каржанеўскі». Акрамя гэтага, гандлёва-бытавая інфраструктура меншага маштабу разгрупавана па перыметры жылога раёна.

Транспарт

Праз раён праходзяць аўтобусныя і тралейбусныя маршруты. Раён абслугоўвае дыспетчарская станцыя Курасоўшчына. Побач з раёнам знаходзіцца чыгуначны прыпыначны пункт Курасоўшчына. На скрыжаванні вуліц Кіжаватава і Каржанеўскага плануецца ўзвесці станцыю метро «Слуцкі Гасцінец» і новае метрадэпо, якое будзе абслугоўваць трэцюю лінію мінскага метрапалітэна.

Транспартная інфраструктура мікрараёна^[1]
Нумар маршрута:	Назва маршрута:	Заўвагі:
Аўтобусныя маршруты:
7	д/с Курасоўшчына — Калядзічы
7а	д/с Курасоўшчына — ч. ст. Калядзічы — Калядзічы
28	д/с Сярова — Масюкоўшчына
30а	Мінскрыбпрам — Красны Бор	Панядзелак — пятніца
30с	Каржанеўскага — Красны Бор
40	д/с Кунцаўшчына — Ландэра
45	д/с Дружная — Мінскрыбпрам
47с	Вакзал — Філіял БДУ
48	д/с Чыжоўка — Ландэра
53	д/с Дружная — Ландэра
82с	д/с Серабранка — Каржанеўскага	Панядзелак — пятніца
88с	д/с Ангарская-4 — Ландэра	Панядзелак — пятніца
97	д/с Сярова — Малінаўка-8	Панядзелак — пятніца
104	д/с Малінаўка-4 — Сеніца
107	д/с Кунцаўшчына — Каржанеўскага
114с	д/с Чыжоўка — Аўтарынак	Акрамя панядзелка
134с	д/с Чыжоўка — д/с Малінаўка-4
144с	д/с Кунцаўшчына — д/с Курасоўшчына	Панядзелак — пятніца
148с	д/с Шабаны — Ландэра	Субота, нядзеля
176э	д/с Сярова — д/с Шабаны
Тралейбусныя маршруты:
19	д/с Курасоўшчына — ст.м. Аўтазаводская
27	д/с Курасоўшчына — д/с Дружная
51	д/с Курасоўшчына — д/с Дружная
Прыгарадны электратранспарт: прыпыначны пункт Курасоўшчына

Гісторыя

У актах менскага гродскага суда за 1580—1590 гг. у ваколіцах Менска згадваецца двор пэўнага Яна Кураша, уладальніка маёнтку Лошыца. Двор Кураша называлі Курашаўшчызнай, з часам двор стаў фальваркам, а потым — вёскай. У XIX ст. вёска звалася ўжо Курасоўшчынай, на пачатку XX ст. у ёй жыло каля 50 чалавек. У XIX — пачатку XX ст. ваколіцы Курасоўшчыны былі адным з улюблёных месцаў дачнага адпачынку мінчукоў.

У 1956 годзе Курасоўшчына ўключана ў межы горада, а ў 1967 годзе пачалося будаўніцтва жылога раёна.

Славутасці

Адной з выдатных мясцін мікрараёна з'яўляецца помнік архітэктуры XIX стагоддзя — маёнтак «Белая дача» (сучасны адрас — вул. Казінца, 76). Маёнтак, як і сам парк, з'яўляюцца помнікам сядзібна-паркавай архітэктуры неакласіцызму. Парк і маёнтак былі пабудаваны ў канцы XIX ст. Будынак размешчаны на ўзгорку, па схілах якога размешчаны парк пейзажнага тыпу.

Крыніцы

↑ Афіцыйная старонка ДП "Мінсктранс" Архівавана 28 снежня 2014..

Спасылкі

«Белая дача» ў Юркавым куточку(недаступная спасылка)
Районы, кварталы: история минской Курасовщины (руск.)

[1] Афіцыйная старонка ДП "Мінсктранс" Архівавана 28 снежня 2014..

[1]