Перайсці да зместу

Знаменскі сельсавет (Слуцкі раён)

З Вікіпедыі, свабоднай энцыклапедыі
У паняцця ёсць і іншыя значэнні, гл. Знаменскі сельсавет.
Знаменскі сельсавет
Краіна  Беларусь
Уваходзіць у Слуцкі раён
Уключае 25 населеных пунктаў
Адміністрацыйны цэнтр Знамя
Дата ўтварэння 20 жніўня 1924
Насельніцтва (2019) 2 572
Знаменскі сельсавет на карце
Часавы пояс UTC+03:00
Тэлефонны код 1795
Код аўтам. нумароў 5
Афіцыйны сайт (бел.)

Зна́менскі сельсавет — адміністрацыйна-тэрытарыяльная адзінка ў складзе Слуцкага раёна Мінскай вобласці Беларусі. Цэнтр — вёска Знамя.

Утвораны 20 жніўня 1924 года як Сераднікоўскі сельсавет у складзе Слуцкага раёна Слуцкай акругі БССР. Цэнтр — вёска Сераднякі. З 9 чэрвеня 1927 года ў складзе Бабруйскай акругі. Пасля скасавання акруговай сістэмы 26 ліпеня 1930 года ў Слуцкім раёне БССР. З 21 чэрвеня 1935 года ў Слуцкім раёне Слуцкай акругі. Пасля ўвядзення абласнога падзелу 20 лютага 1938 года ў Слуцкім раёне Мінскай вобласці. У 1939 годзе цэнтр сельсавета перанесены ў вёску Старцавічы. З 20 верасня 1944 года па 8 студзеня 1954 года сельсавет у складзе Бабруйскай вобласці. У 1964 годзе цэнтр сельсавета перайменаваны ў Знамя. 10 красавіка 1969 года скасаваны пасёлак Курганы[1]. 1 кастрычніка 1973 года Сераднікоўскі сельсавет перайменаваны ў Знаменскі[2]. На 1 студзеня 1974 года ў складзе сельсавета было 15 населеных пунктаў[3]. 20 снежня 2012 года скасаваны пасёлак Сераднякі[4]. 28 мая 2013 года да сельсавета далучана тэрыторыя скасаванага Ленінскага сельсавета (9 населеных пунктаў: Заляддзе, Кажушкі, Леніна, Нявязцы, Падлессе, Славінск, Ульянаўка, Цяраспаль, Шалавічы) і частка скасаванага Акцябрскага сельсавета (вёска Селішча)[5].

Паводле перапісу 2009 года насельніцтва сельсавета (16 населеных пунктаў) — 1005 чалавек[6], з іх 95,0 % — беларусы, 2,7 % — рускія, 1,1 % — украінцы[7]; паводле перапісу 2019 года (25 населеных пунктаў) — 2572 чалавекі[8].

Зноскі

  1. ↑ Рашэнне выканкома Мінскага абласнога Савета дэпутатаў працоўных ад 10 красавіка 1969 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1969, № 16 (1246).
  2. ↑ Указ Прэзідыума Вярхоўнага Савета Беларускай ССР ад 1 кастрычніка 1973 г. № 452 Аб перайменаванні асобных сельсаветаў Мінскай вобласці // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 28 (1402).
  3. ↑ Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 157. — 248 с. — 10 000 экз.
  4. ↑ Решение Слуцкого районного Совета депутатов от 20 декабря 2012 г. № 197 Об упразднении поселка Середняки Знаменского сельсовета Слуцкого района
  5. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 19 верасня 2020.
  6. ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
  7. ↑ Этнічны склад насельніцтва сельсаветаў Беларусі паводле перапісу 2009 года
  8. ↑ Колькасць насельніцтва населеных пунктаў Мінскай вобласці Беларусі паводле перапісу 2019 года

Літаратура

[правіць | правіць зыходнік]
  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Узята з "https://be.wikipedia.org/w/index.php?title=Знаменскі_сельсавет_(Слуцкі_раён)&oldid=4851906"