Канстанцін Іванавіч Максімцаў

Канстанцін Іванавіч Максімцаў
Канстанцін Іванавіч Максімцаў
Дата нараджэння	20 верасня 1919
Месца нараджэння	Гомель, Гомельскі павет, Гомельская губерня, РСФСР;
Дата смерці	2004
Месца смерці	Баранавічы, Брэсцкая вобласць, Беларусь;
Грамадзянства	СССР; Беларусь;
Род дзейнасці	мастак
Жанр	сюжэтна - тэматычная карціна, пейзаж, партрэт, нацюрморт
Вучоба	Гомельская мастацкая студыя-школа імя М. Урубеля[d] (1932); Віцебскае народнае мастацкае вучылішча;
Мастацкі кірунак	рэалізм
Уплыў	Сяргей Аляксандравіч Каўроўскі, Акім Міхайлавіч Шаўчэнка, Леў Мееравіч Лейтман і Іван Восіпавіч Ахрэмчык
Член у	Беларускі саюз мастакоў;
Узнагароды	За заслугі ў выяўленчым мастацтве[d]

Канстанцін Іванавіч Максімцаў (Максімцоў) [20 верасня 1919, г. Гомель — 2004, г. Баранавічы] — беларускі мастак – жывапісец.

Кароткая біяграфія

Вучыўся ў Гомельскай студыі выяўленчага мастацтва ў С. Каўроўскага (1930–1932), потым у А. Шаўчэнка (1932–1936), і ў Віцебскім мастацкім вучылішчы (1937–1938) у Л. Лейтмана і І. Ахрэмчыка. З 1945 жыў і працаваў у г. Баранавічы.

Ад 1945 браў удзел у савецкіх мастацкіх выстаўках.

Сябра Саюза мастакоў БССР з 1949 г.

Узнагароджаны медалём Беларускага саюза мастакоў «За заслугі ў выяўленчым мастацтве».

Творчасць

Працаваў у станковым жывапісе ў жанрах пейзажа, карціны, нацюрморта, партрэта. Асноўныя творы: «Жнівень» (1950), «Сакавік» (1953), «Шэры дзень» (1959), «Зіма. Замяло» (1962), «Яблані цвітуць» (1965), «Ранняя вясна» (1970), «Восеньская мелодыя» (1980), «Растае снег» (1982), «Пара веснавая» (1989), «Веснавыя воды» (1989), «Пяшчотная вясна» (1990), «Ціхая ноч» (1997), «Ветраны дзень» (1996-97), а таксама «На Слонімшчыне», «Кастрычнік», «Калгасныя сажалкі», «Квітнеючы май», «Тарфяны масіў», «Наступ на балоты», «Дэпо», «Будаўніцтва калійнага камбіната», «Першынцы Салігорска», «Верасень. Надвячорак», «Надышоў красавік» і інш. Творы адметныя мягкім каларытам, гарманічным суладдзем кампазіцыі і колеравых суадносін, лірычным спакоем.

Працы мастака знаходзяцца ў Нацыянальным мастацкім музеі Рэспублікі Беларусь, фондзе Беларускага саюза мастакоў, Магілёўскім абласным мастацкім музеі імя П. Масленікава, у Брэсцкім краязнаўчым музеі, у прыватных калекцыях шэрагу замежных краін.

Зноскі

Літаратура

МАКСІМЦОЎ Канстанцін Іванавіч // Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. С. 547
Максімцаў Канстанцін Іванавіч // Беларускі саюз мастакоў : 1938—1998 : энцыкл. даведнік / аўт.-склад. Б. А. Крэпак [і інш.]. — Мн. : ВТАА «Кавалер Паблішэрс», 1998. — С. 343. — На беларус. і англ. мовах.

Спасылкі