Кузняцы (Гардзееўскі раён)

Сяло
Кузняцы
руск.: Кузнецы
52°57′ пн. ш. 31°43′ у. д.
Краіна	Расія
Суб’ект федэрацыі	Бранская вобласць
Муніцыпальны раён	Гардзееўскі раён
Гісторыя і геаграфія
Насельніцтва
Насельніцтва	▼215 чал. (2013)
Лічбавыя ідэнтыфікатары
Паштовы індэкс	243650
Код АКАТП	15211872004
Паказаць/схаваць карты
Кузняцы

Кузняцы (руск.: Кузнецы) — сяло ў Гардзееўскім раёне Бранскай вобласці Расіі. Уваходзіць у склад Унашаўскага сельскага паселішча.

Гісторыя

Заснавана П. Карэцкім у сярэдзіне XVIII стагоддзя як слабада; пазней ва ўладанні Кулябка-Карэцкіх і іх спадкаемцаў (казацкага насельніцтва не мела).

Да Лютаўскай рэвалюцыі сяло ў складзе Суражскага павета Чарнігаўскай губерні. 20 лістапада 1917 года сяло абвяшчалася часткай Севершчыны Украінскай Народнай Рэспублікі. 25 снежня 1917 года сяло ўключана ў склад Украінскай рэспублікі Саветаў.

25 сакавіка 1918 года згодна з Трэцяй Устаўной граматай сяло абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яно ўвайшло ў склад Беларускай ССР, аднак 16 студзеня Масква адабрала сяло разам з іншымі этнічна беларускімі тэрыторыямі ў склад Гомельскай губерні РСФСР, а пасля ліквідацыі губерні ў 1926 годзе ў Бранскую губерню.

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзена ў склад Арлоўскай вобласці. У 1944 годзе ўвайшло ў склад Бранскай вобласці.

Пасля аварыі на ЧАЭС вёска аднесена да зоны радыеактыўнага забруджвання і мае статус зоны пражывання з правам на адсяленне.