Унашава

Сяло Унашава руск.: Уношево Краіна Расія Суб’ект федэрацыі Бранская вобласць Муніцыпальны раён Гардзееўскі раён Каардынаты 53°00′00″ пн. ш. 31°48′35″ у. д. Паштовыя індэксы 243667 Код АКАТП 15211864001 Унашава на карце Расіі ±

Унашава (руск.: У́ношево) — сяло ў Гардзееўскім раёне Бранскай вобласці Расіі. Адміністрацыйны цэнтр Унашаўскага сельскага паселішча.

Гісторыя

Заснавана П. Карэцкім у першай палове XVIII стагоддзя як слабада.

Да Лютаўскай рэвалюцыі сяло ў складзе Суражскага павета Чарнігаўскай губерні. 20 лістапада 1917 года сяло абвяшчалася часткай Севершчыны Украінскай Народнай Рэспублікі. 25 снежня 1917 года сяло ўключана ў склад Украінскай рэспублікі Саветаў.

25 сакавіка 1918 года згодна з Трэцяй Устаўной граматай сяло абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яно ўвайшло ў склад Беларускай ССР, аднак 16 студзеня Масква адабрала сяло разам з іншымі этнічна беларускімі тэрыторыямі ў склад Гомельскай губерні РСФСР, а пасля ліквідацыі губерні ў 1926 годзе ў Бранскую губерню.

З 1929 года ў складзе Клінцоўскай акругі, а з 1932 года ў Заходняй вобласці, у 1937 годзе перададзена ў склад Арлоўскай вобласці. У 1944 годзе ўвайшло ў склад Бранскай вобласці.

Пасля аварыі на ЧАЭС сяло аднесена да зоны радыеактыўнага забруджвання і мае статус зоны пражывання з правам на адсяленне.