Міхаіл Паўлавіч Касцюк

Міхаіл Паўлавіч Касцюк
Дата нараджэння	26 сакавіка 1940(1940-03-26)
Месца нараджэння	Масцішча, Навагрудскі раён, Баранавіцкая вобласць, БССР, СССР
Дата смерці	5 лютага 2019(2019-02-05) (78 гадоў)
Грамадзянства	СССР  Беларусь
Род дзейнасці	навуковец
Навуковая сфера	гісторыя
Месца працы	Інстытут гісторыі НАНБ Інстытут гісторыі партыі пры ЦК КПБ
Навуковая ступень	доктар гістарычных навук
Навуковае званне	акадэмік НАН Беларусі прафесар
Альма-матар	Гродзенскі дзяржаўны ўніверсітэт імя Янкі Купалы
Навуковы кіраўнік	Іван Сяргеевіч Краўчанка
Партыя	Камуністычная партыя Беларусі
Узнагароды	Ганаровая грамата Прэзідыума Вярхоўнага Савета БССР Ганаровы архівіст Беларусі[d]
Цытаты ў Вікіцытатніку

Міхаі́л Па́ўлавіч Касцю́к (26 сакавіка 1940, в. Масцішча, Навагрудскі раён, Гродзенская вобласць — 5 лютага 2019) — беларускі гісторык. Акадэмік НАНБ (1996, чл.-кар. з 1989), доктар гістарычных навук (1980), прафесар (1987). Ганаровы архівіст Беларусі (2014). Ганаровы грамадзянін Навагрудскага раёна (2010).

Біяграфія

Скончыў гістарычна-філалагічны факультэт Гродзенскага педагагічнага інстытута (1963). З 1969 працаваў у Інстытуце гісторыі АН БССР, у 1970—1975 гадах вучоны сакратар. У 1975—1981 — вучоны сакратар Інстытута гісторыі партыі пры ЦК КПБ. У 1981—1989 гадах намеснік дырэктара Інстытута гісторыі АН БССР, у 1989—1999 дырэктар Інстытута гісторыі НАН Беларусі. З 1999 – загадчык аддзела, з 2007 – галоўны навуковы супрацоўнік Інстытута гісторыі НАН Беларусі.

У 1969 годзе абараніў кандыдацкую дысертацыю, у 1980 — доктарскую. У 1989 годзе абраны членам-карэспандэнтам Акадэміі навук БССР, у 1996 — акадэмікам НАНБ.

Займаўся даследаваннем сацыяльна-эканамічнай і грамадска-палітычнай гісторыі Беларусі ХХ ст.: гісторыі сялянства, рабочых, інтэлігенцыі. Вывучаў гісторыю дзяржаўнага і нацыянальна-культурнага будаўніцтва, пытанні ўсталявання і функцыянавання савецкай сістэмы ўлады, праблемы гістарыяграфіі, крыніцазнаўства і інш.

Аўтар звыш 300 навуковых прац, у тым ліку 4 індывідуальныя і звыш 10 калектыўных манаграфій. Касцюк з’яўляўся галоўным рэдактарам «Нарысаў гісторыі Беларусi» ў 2 частках (1994—1995) і «Гісторыі Беларусi» ў 6-ці тамах (2000—2011)

Працы

• Победа колхозного строя в Белорусской ССР / М. П. Костюк, В. А. Полуян, А. Н. Сорокин и др. — Мн. : Наука и техника, 1981.

Манаграфіі

• Идейно-политическое воспитание крестьянства. Из опыта работы Компартии Белоруссии в период строительства социализма (1926—1937 гг.). — Минск, 1979.
• Трудовой вклад крестьянства в победу и упрочение социализма (на материалах БССР). — Минск, 1986.
• Социалистические ценности тружеников села: история, современность, перспективы. — Минск, 1989.
• Бальшавіцкая сістэма ўлады на Беларусі. — Мінск, 2000.

Артыкулы

• Беларусізацыя як форма нацыянальнай палітыкі // Полымя. — 2012. — № 5. — С. 123-132.
• Сталіншчына і Беларусь // Беларускі гістарыны часопіс. — 1995, № 1-2.

Прызнанне

• Ганаровая грамата Вярхоўнага Савета БССР (1981)
• Медаль Францыска Скарыны (2010)
• Прэмія НАН Беларусі і СА РАН(руск.) бел. (2003) імя акад. В. А. Капцюга(руск.) бел. за кнігу «Нарыс гісторыі беларусаў у Сібіры ў ХІХ-ХХ стст. (руск.) ».

Літаратура

• Касцюк Міхаіл Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 160;

Спасылкі

• Міхаіл Паўлавіч Касцюк у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі
• Сяргей Навумчык. Чалавек, які дапамог «Пагоні» зрабіцца дзяржаўным сымбалем // Радые Свабода, 5 лютага 2019