Міхаіл Паўлавіч Касцюк

Міхаіл Паўлавіч Касцюк
Міхаіл Паўлавіч Касцюк
Дата нараджэння	26 сакавіка 1940
Месца нараджэння	Масцішча, Навагрудскі раён, Баранавіцкая вобласць, БССР, СССР;
Дата смерці	5 лютага 2019 (78 гадоў)
Грамадзянства	СССР; Беларусь;
Род дзейнасці	навуковец
Навуковая сфера	гісторыя
Месца працы	Інстытут гісторыі НАНБ; Інстытут гісторыі партыі пры ЦК КПБ;
Навуковая ступень	доктар гістарычных навук (1980)
Навуковае званне	прафесар[d] (1987); акадэмік НАН Беларусі (1996);
Альма-матар	гістарычны факультэт Гродзенскага педагагічнага інстытута імя Янкі Купалы (1963);
Навуковы кіраўнік	Іван Сяргеевіч Краўчанка
Партыя	Камуністычная партыя Беларусі;
Член у	Беларуская асацыяцыя гісторыкаў;
Узнагароды	; Ганаровы архівіст Беларусі[d] (2014)
	Цытаты ў Вікіцытатніку

Міхаі́л Па́ўлавіч Касцю́к (26 сакавіка 1940, в. Масцішча, Навагрудскі раён, Гродзенская вобласць — 5 лютага 2019^[1]) — беларускі гісторык. Акадэмік НАНБ (1996, член-карэспандэнт з 1989), доктар гістарычных навук (1980), прафесар (1987). Ганаровы архівіст Беларусі (2014). Ганаровы грамадзянін Навагрудскага раёна (2010).

Біяграфія

Скончыў гістарычна-філалагічны факультэт Гродзенскага педагагічнага інстытута (1963). З 1969 года працаваў у Інстытуце гісторыі АН БССР, у 1970—1975 гадах вучоны сакратар. У 1975—1981 гадах — вучоны сакратар Інстытута гісторыі партыі пры ЦК КПБ. У 1981—1989 гадах намеснік дырэктара Інстытута гісторыі АН БССР, у 1989—1999 гадах дырэктар Інстытута гісторыі НАН Беларусі. З 1999 года — загадчык аддзела, з 2007 — галоўны навуковы супрацоўнік Інстытута гісторыі НАН Беларусі.

У 1969 годзе абараніў кандыдацкую дысертацыю, у 1980 годзе — доктарскую. У 1989 годзе абраны членам-карэспандэнтам Акадэміі навук БССР, у 1996 — акадэмікам НАНБ. У 1998 годзе М. П. Касцюк стаў акадэмікам Цэнтральнай Еўрапейскай Акадэміі навук і мастацтва, Міжнароднай акадэміі навук Еўразіі^[2].

Адзін з ініцыятараў стварэння Беларускай асацыяцыі гісторыкаў у 1993 годзе, яе старшыня з 1997 года.

Навуковая дзейнасць

Займаўся даследаваннем сацыяльна-эканамічнай і грамадска-палітычнай гісторыі Беларусі XX стагоддзя: гісторыі сялянства, рабочых, інтэлігенцыі. Вывучаў гісторыю дзяржаўнага і нацыянальна-культурнага будаўніцтва, пытанні ўсталявання і функцыянавання савецкай сістэмы ўлады, праблемы гістарыяграфіі, крыніцазнаўства і інш.

Аўтар звыш 300 навуковых прац, у тым ліку 4 індывідуальныя і звыш 10 калектыўных манаграфій. Касцюк з’яўляўся галоўным рэдактарам «Нарысаў гісторыі Беларусі» ў 2 частках (1994—1995) і «Гісторыі Беларусі» ў 6-ці тамах (2000—2011)

Працы

Победа колхозного строя в Белорусской ССР / М. П. Костюк, В. А. Полуян, А. Н. Сорокин и др. — Мн. : Наука и техника, 1981.

Манаграфіі

Идейно-политическое воспитание крестьянства. Из опыта работы Компартии Белоруссии в период строительства социализма (1926—1937 гг.). — Минск, 1979.
Трудовой вклад крестьянства в победу и упрочение социализма (на материалах БССР). — Минск, 1986.
Социалистические ценности тружеников села: история, современность, перспективы. — Минск, 1989.
Бальшавіцкая сістэма ўлады на Беларусі. — Мінск, 2000.

Артыкулы

Беларусізацыя як форма нацыянальнай палітыкі // Полымя. — 2012. — № 5. — С. 123-132.
Сталіншчына і Беларусь // Беларускі гістарыны часопіс. — 1995, № 1-2.

Прызнанне

Ганаровая грамата Вярхоўнага Савета БССР (1981)
Медаль Францыска Скарыны (2010)
Прэмія НАН Беларусі і СА РАН^?! (2003) імя акад. В. А. Капцюга (руск.) (бел. за кнігу «Нарыс гісторыі беларусаў у Сібіры ў XIX-XX стст. (руск.)».

Крыніцы

↑ Памёр Міхаіл Касцюк — адзіны ў Беларусі акадэмік-гісторык // nashaniva.by, 05.02.2019, 11:49
↑ Касцюк Міхаіл Паўлавіч на сайце анлайн-энцыклапедыі «Беларусь у асобах і падзеях»

Літаратура

Касцю́к Міхаіл Паўлавіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 160. — 10 000 экз. — ISBN 985-11-0035-8. — ISBN 985-11-0144-3 (т. 8).
Касцю́к Міхаіл Паўлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 378. — 800 с. — 5 000 экз. — ISBN 985-11-0026-9.

Спасылкі

Міхаіл Паўлавіч Касцюк у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі
Сяргей Навумчык. Чалавек, які дапамог «Пагоні» зрабіцца дзяржаўным сымбалем // Радые Свабода, 5 лютага 2019

[1] Памёр Міхаіл Касцюк — адзіны ў Беларусі акадэмік-гісторык // nashaniva.by, 05.02.2019, 11:49

[БАП-2] Касцюк Міхаіл Паўлавіч на сайце анлайн-энцыклапедыі «Беларусь у асобах і падзеях»

[1]

[2]