Няслуха
| Няслуха | |
|---|---|
| Характарыстыка | |
| Даўжыня | 32 км |
| Басейн | 422 км² |
| Расход вады | 1,5 м³/с (вусце) |
| Вадацёк | |
| Выток | |
| • Каардынаты | 52°09′53,9″ пн. ш. 25°14′54,11″ у. д.HGЯO |
| Вусце | Піна |
| • Каардынаты | 52°03′26,30″ пн. ш. 25°39′05,38″ у. д.HGЯO |
| Ухіл ракі | 0,51 м/км |
| Размяшчэнне | |
| Водная сістэма | Піна → Прыпяць → Дняпро → Чорнае мора |
|
|
|
| Краіна | |
| Рэгіён | Брэсцкая вобласць |
   |
|
 выток вусце |
|
|
— выток, — вусце |
|
Няслу́ха, Неслуха — рака ў Драгічынскім і Іванаўскім раёнах Брэсцкай вобласці, левы прыток ракі Піна. У верхнім цячэнні называецца Стрымня.
Назва
[правіць | правіць зыходнік]На думку У. Тапарова, гідранімічны аналаг назвы Няслуха — верхнепадняпроўскія рачныя назвы Несла і Неслаўка, верагодна, з балцкага (Лер-Сплавінскі лічыў назву Неслаўка славянскай)[1].
Корань *Nes- таксама ў назвах Нес(с)а[2] (у басейне дзесенскай ракі Нярусы), у назвах бярэзінскага прытока Нясета, пціцкага прытока Нясетня (< *Nes-et-)[3].
Гідраграфія
[правіць | правіць зыходнік]Даўжыня 32 км[4]. Плошча вадазбору 422 км²[5]. Сярэднегадавы расход у вусці каля 1,5 м³/с. Сярэдні нахіл воднай паверхні 0,51 ‰.
Пачынаецца каля вёскі Заплессе Драгічынскага раёна, у верхнім цячэнні называецца Стрымня. Цячэ ў межах раўніны Загароддзе і нізіны Прыпяцкае Палессе. Вусце насупраць вёскі Патапавічы Іванаўскага раёна. Асноўныя прытокі — Самароўка і Струга (леваруч).
Даліна пераважна невыразная, у ніжнім цячэнні трапецападобная (шырыня да 2 км). Пойма двухбаковая, шырыня 50—100 м (правабярэжная) і 10—50 м (левабярэжная). Рэчышча каналізаванае, яго шырыня ў вярхоўі 4—10 м, у нізоўі 16—20 м. Берагі стромкія, пясчаныя, вышынёй 2–3 м.
На перыяд вясновага разводдзя прыпадае каля 30 % аб’ёму гадавога сцёку. Максімальны ўзровень разводдзя ў канцы сакавіка, максімальная вышыня над межанным узроўнем 2,6 м. Вясновы крыгаход 1–3 сутак.
Рака выкарыстоўваецца як водапрыёмнік меліярацыйных сістэм.
Крыніцы
[правіць | правіць зыходнік]- ↑ В. Н. Топоров, О. Н. Трубачев. Лингвистический анализ гидронимов Верхнего Поднепровья. Москва, 1962. С. 198—199.
- ↑ Топоров В. Н. Балтийский элемент в гидронимии Поочья III // Балто-славянские исследования 1988—1996. Москва, 1997. С. 281—282.
- ↑ В. Н. Топоров, О. Н. Трубачев. Лингвистический анализ гидронимов Верхнего Поднепровья. Москва, 1962. С. 198.
- ↑ Агульная характарыстыка рачной сеткі Брэсцкай вобласці / Даведнік «Водныя аб’екты Рэспублікі Беларусь» Архівавана 6 верасня 2021. (руск.)
- ↑ Асноўныя характарыстыкі рачных басейнаў Брэсцкай вобласці / Даведнік «Водныя аб’екты Рэспублікі Беларусь» Архівавана 22 верасня 2021. (руск.)
Літаратура
[правіць | правіць зыходнік]- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Республика Беларусь. Брестская область. Дрогичинский район: карта. Дрогичин: план / Ред. В.А. Змачинская.. — Минск: РУП «Белкартография», 2012. — 3 000 экз.
- Республика Беларусь. Брестская область. Ивановский район: карта. Иваново: план / Ред. В.А. Змачинская.. — Минск: РУП «Белкартография», 2007. — 3 000 экз.
Спасылкі
[правіць | правіць зыходнік]- НЯСЛУХА на сайце анлайн-энцыклапедыі «Беларуская энцыклапедыя»