Рыгор Маркавіч Трухноў

Рыгор Маркавіч Трухноў
Дата нараджэння	2 (15) кастрычніка 1908
Месца нараджэння	Шамкі, Барысаўскі павет, Мінская губерня, Расійская імперыя
Дата смерці	26 лістапада 1986(1986-11-26) (78 гадоў)
Месца смерці	Мінск, БССР, СССР
Грамадзянства	Расійская імперыя  СССР
Навуковая сфера	гісторыя і Германістыка
Месца працы	БДУ Самаркандскі дзяржаўны ўніверсітэт[d]
Навуковая ступень	доктар гістарычных навук
Навуковае званне	прафесар
Альма-матар	Беларускі дзяржаўны вышэйшы педагагічны інстытут (1934)
Узнагароды

Рыгор Маркавіч Трухно́ў (15 кастрычніка 1908 — 26 лістапада 1986) — гісторык, доктар гістарычных навук (1966), прафесар (1967), Заслужаны работнік вышэйшай школы Беларускай ССР (1982).

Біяграфія

Нарадзіўся ў вёсцы Шамкі Барысаўскага павета Мінскай губерні (зараз у Крупскім раёне Мінскай вобласці Беларусі). У 1929 годзе скончыў савецкую партыйную школу і да 1931 года выкладаў гісторыю на рабфаку ў горадзе Дуброўна. У 1934 годзе скончыў Мінскі педагагічны інстытут (сацяльна-эканамічны факультэт) і ў 1934—1938 гадах выкладаў гісторыю і геаграфію ў Барысаве. У 1941 годзе скончыў аспірантуру пры кафедры новай гісторыі Беларускага дзяржаўнага ўніверсітэта. У ліпені—кастрычніку 1941 года працаваў выкладчыкам новай гісторыі Узбекскага дзяржаўнага ўніверсітэта. Удзельнік Вялікай Айчыннай вайны з кастрычніка 1941 года. Ваяваў на Паўднёва-Заходнім, Стэпавым, Данскім, 1-м Беларускім франтах. Удзельнік Сталінградскай бітвы. Дэмабілізаваны ў 1946 годзе ў званні гвардыі капітана. З 1946 года Р. М. Трухноў у Беларускім дзяржаўным універсітэце, прафесар кафедры новай і навейшай гісторыі гістарычнага факультэта. У 1948 годзе абараніў кандыдацкую дысертацыю на тэму «Германская імперыялістычная палітыка на Балканах у перыяд першай Балканскай вайны 1912—1913 гг.», у 1964 годзе — доктарскую на тэму «Рэвалюцыйны ўздым у Германіі (з 1918 года да пачатку Рурскай акупацыі 1923 году)».

Памёр 26 лістапада 1986 года.

Навуковая дзейнасць

Асноўныя працы Р. М. Трухнова па пытаннях гісторыі Германіі і савецка-германскіх адносінах першай паловы XX стагоддзя, гісторыі міжнародных адносін і рабочага руху.

Сярод апублікаванага:

• Германский вопрос на Лондонской репарационной конференции (16 июля — 16 августа 1924 г.). — Мн., 1959.
• Классовая борьба в Германии в 1922—1923 гг. — Мн., 1969.
• Рапалло в действии: Из истории советско-германских отношений (1926—1929 гг.) — Мн., 1982.

Узнагароды і званні

• 2 ордэны Чырвонай Зоркі (1943, 1944)
• Ордэн Айчыннай вайны I ступені (1945)
• Ордэн Айчыннай вайны II ступені (1945)
• Медаль «За перамогу над Германіяй у Вялікай Айчыннай вайне 1941—1945 гг.» (1945)
• Медаль «За вызваленне Варшавы»
• Медаль «За ўзяцце Берліна»
• Заслужаны работнік вышэйшай школы Беларускай ССР (1982).

Літаратура

• Бараноўскі П. М. Трухноў Рыгор Маркавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 540. — 10 000 экз. — ISBN 985-11-0035-8. — ISBN 985-11-0251-2 (т. 15).
• Пётр Бараноўскі. Трухноў Рыгор Маркавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — 10 000 экз. — ISBN 985-11-0214-8. — С. 525.

Спасылкі

• Трухноў, Рыгор Маркавіч (доктар гістарычных навук; 1908—1986) // Нацыянальная бібліятэка Беларусі
• Рыгор Маркавіч Трухноў (02.10.1908—26.11.1986) Архівавана 3 снежня 2022. // Гістарычны факультэт БДУ
• З АЎТАБІЯГРАФІІ ПРАФЕСАРА БДУ Г. М. ТРУХНОВА // Архіў БДУ. Ф. 205. Воп. 10. Спр. 328. Л. 4. Машынапіс.
• Трухнов Григорий Маркович // Память народа — электронный банк документов периода Великой Отечественной войны(недаступная спасылка) (руск.)
• Трухнов Григорий Маркович // Министерство обороны Российской Федерации. Портал «Память народа» (руск.)
• Праект «Подвиг народа» (руск.)