Сабакі Эўропы (раман)

З пляцоўкі Вікіпедыя
Перайсьці да навігацыі Перайсьці да пошуку
Сабакі Эўропы
Sabaki Europy.jpg
Аўтар Альгерд Бахарэвіч
Жанр раман
Мова арыгінала беларуская
Выдавецтва Логвінаў
Выпуск 2017
Старонак 896
ISBN 9786098213218
Папярэдняя Бэзавы і чорны. Парыж праз акуляры беларускай літаратуры
Наступная Мае дзевяностыя

«Сабакі Эўропы» — раман Альгерда Бахарэвіча, выдадзены ў 2017 годзе ў выдавецтве Логвінаў.

Сюжэт[правіць | правіць зыходнік]

Раман складаецца з шасці вялікіх гісторый, сплеценых у адну. Што злучае вёску Белыя Росы-13, якая знаходзіцца на тэрыторыі Расейскага Райху, і constructed language, таемную мову бальбута? Чаму беларуская шаптуха выпраўляецца на далёкую выспу, дзе будуецца ідэальная краіна Крыўя? Што за пасланне закапалі ў лесе вучні звычайнай сярэдняй школы, і чый труп знаходзяць у 2049 годзе ў танным берлінскім гатэлі?

Цікавыя факты[правіць | правіць зыходнік]

  • У 2019 годзе ў выдавецтве «Время» выйшаў рускамоўны аўтарскі пераклад рамана[1].
  • У 2018 годзе кніга заняла 2 месца Прэміі Гедройца, што паслужыла прычынай заснавання альтэрнатыўнай Чытацкай прэміі для рамана «Сабакі Эўропы». На платформе Talaka.org распачаўся збор грошай. За месяц планавалі сабраць 3000 рублёў, за ўнёскі ад 5 рублёў абяцалі запрашэнне на «бесцырымоннае ўручэнне» і «Дыплом Вялікага Аматара» або «Вялікай Аматаркі» кнігі, напісаны на бальбуце — мове, выдуманай Бахарэвічам для «Сабак Эўропы». Збор грошай вёўся ад імя перакладчыцы Ганны Янкуты. Сам Бахарэвіч заявіў, што не мае ніякага дачынення да кампаніі.[2]
  • Беларускі Свабодны тэатр у ліпені 2019 года анансаваў хуткую прэм’еру спектакля паводле рамана. У Мінску запланаваная беларуская прэм’ера спектакля, а ў Лондане — сусветная[3].

Узнагароды[правіць | правіць зыходнік]

  • Лаўрэат прэміі «Кніга году — 2017», абвешчанай Беларускім ПЭН-цэнтрам.[4]
  • У 2018 годзе Альгерд Бахарэвіч з раманам «Сабакі Эўропы» атрымаў 2 месца Прэміі Гедройца.[5]
  • У 2019 годзе расійскамоўны пераклад рамана ўвайшоў у кароткі спіс расійскай літаратурнай прэміі «Большая книга». Імёны трох фіналістаў прэміі будуць вядомыя ў снежні 2019 года[6].

Зноскі

Спасылкі[правіць | правіць зыходнік]