Сегянеўшчына (Брэсцкі раён)

Вёска Сегянеўшчына Краіна Беларусь Вобласць Брэсцкая Раён Брэсцкі Сельсавет Лышчыцкі Каардынаты 52°17′04″ пн. ш. 23°25′44″ у. д. Насельніцтва ▼20 чал. (2019) Часавы пояс UTC+3 Тэлефонны код +375 162 Паштовыя індэксы 225044 Аўтамабільны код 1 СААТА 1212820071 Сегянеўшчына на карце Беларусі ±

Сегянеўшчына на Вікісховішчы

Сегяне́ўшчына (трансліт.: Siehianieŭščyna, руск.: Сегеневщина) — вёска ў Брэсцкім раёне Брэсцкай вобласці. Уваходзіць у склад Лышчыцкага сельсавета. Размешчана за 30 кіламетраў на паўночны захад ад Брэста, 6 кіламетраў ад чыгуначнай станцыі Лышчыцы.

Гісторыя

У XIX стагоддзі вёска ў Брэсцкім павеце Гродзенскай губерні. У 1863 годзе ўладальнікам маёнтка быў Г. Гажыц. За ўдзел у паўстанні 1863—1864 гадоў паводле царскага ўказа ён быў вымушаны прадаць свой маёнтак у двухгадовы тэрмін, а сам высланы з краю. У 1890 годзе маёнткам валодала М. Гажыч. У 1905 годзе 75 жыхароў, у Лышчыцкай воласці Брэсцкага павета.

Паводле Рыжскага мірнага дагавора ў складзе Польшчы, у Лышчыцкай гміне Брэсцкага павета Палескага ваяводства. У 1939 годзе ў складзе БССР. У Вялікую Айчынную вайну загінулі 3 вяскоўцы.

Да 20 мая 1957 года вёска ўваходзіла ў склад Воўчынскага сельсавета, да 18 кастрычніка 1982 года — у склад Малазводскага сельсавета Камянецкага раёна.

Насельніцтва

• 19 гаспадарак, 33 жыхары (2005)
• 16 двароў, 70 жыхароў (1921)
• 24 двары, 106 жыхароў (1940)
• 26 гаспадарак, 64 жыхары (1997)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Сегянеўшчына (Брэсцкі раён)
• Сегенеўшчына на сайце Radzima.org