Слонімская брыгада БСА

1-я Брыгада Беларускае Самааховы
Гады існавання	лета (верагодна, жнівень) 1942 года
Краіна	Трэці рэйх
Падпарадкаванне	Рэйхскамісарыят Остланд
Уваходзіць у	Беларускі корпус самааховы
Тып	дапаможная паліцыя
Складаецца з	Слонімскі батальён БСА Быценскі батальён БСА Дзярычэнскі батальён БСА
Функцыя	антыпартызанскія баі
Дыслакацыя	Слонім
Маршы	«Марш Слонімскай брыгады» «Баецкі марш» «Хаўтурны марш»
Войны	Другая сусветная вайна Вялікая Айчынная вайна
Камандзіры
Вядомыя камандзіры	капітан Іван Таранка

Слонімская брыгада БСА — беларускае вайсковае фармаванне ў складзе БСА, якое было створанае без дазволу немцаў, з-за чаго хутка было імі ж расфармаванае. Афіцыйна называлася «1-й Брыгадай Беларускае Самааховы».

Перадумовы

Хутка па стварэнні Беларускага корпуса самааховы (16 ліпеня 1942 года) на Слонімшчыне былі ўтвораныя 3 батальёны БСА:

• Слонімскі
• Быценскі
• Дзярычэнскі

Стварэнне

Слонімскі акруговага камітэт Беларускай Народнай Самапомачы, узначалены Рыгорам Зыбайлам, вырашыў скарыстацца невыразнасцю зместу нямецкага дазволу, склаўшы з новаўтвораных батальёнаў цэлую брыгаду пад назвай «1-я Брыгада Беларускае Самааховы» з брыгадзіным штабам у Слоніме. Камандоўцам брыгады стаў капітан Іван Таранка (Таранька). Начальнікам арганізацыйна-персанальнага аддзела штаба Слонімскай брыгады БСА стаў Аляксей Васіленя.

Стварэннем брыгады займаліся цягам месяца.

Не атрымаўшы ад немцаў дастатковай колькасці зброі, самаахоўцы «нелегальна» набывалі яе ў італьянскіх жаўнераў, якія вярталіся з усходняга фронту, за самагонку і сала аўтаматы і кулямёты.

Скасаванне

Калі пра стварэнне брыгады стала вядома нямецкім уладам (лета 1942 года, верагодна, жнівень), нямецкія жаўнеры пры падтрымцы бронесамаходаў абкружылі кашары слонімскай самааховы і забралі зброю. Штаб брыгады быў распушчаны. Таксама нямецкая жандармерыя забрала 2 кулямёты ў быценскіх самаахоўцаў.

Маршы

Марш Слонімскай брыгады	Баецкі марш	Хаўтурны марш
У ногу шагайце! Раз, два, тры, Раз, два тры! Мацней там трымайце вінтоўку! Бо вораг ня сьпіць у полі, у бары. Зважай-жа! Стральцы на “узгатоўку”. (прыпеўка) Слонімская брыгада Сталёвы шых. І кожнага зьністожыць гада Наш гостры штых! Мы варта Радзімы, Яе змагары. Сачы-жа! Стой пільна на варце. Хай вораг пракляты зноў зубы зьвярыць, То-ж куляў напэўна нам хваце! Пазнае йшчэ вораг моц нашай рукі, Ваяцкі дух нашай брыгады. Вінтоўку к плячу на ўзгатоўку ўскінь Гэй! Сьцеражыцеся гады!	Грукаюць ужо шагі батальёнаў Пад Пагоні Крывіцкай — правод Бараніць свае Родныя Гоні Выйшаў сам Беларускі Народ. І ідуць вось рады за радамі Грудзі, вочы палаюць агнём Ужо ніколі ня будуць над намі Панаваць чужакі з бізуном. (прыпеўка) Бо мы куляй, штыхом Родны Край зберажом Прад варожым зладзейскім наскокам, Каб свабодна цьвілі, Каласілісь палі Ад Смаленска да Беластоку. І ласкае, чаруе ўсім вочы Беларускі ваяцкі мундзер Мацней сэрцы б’юцца дзявочы Бо то ж наш Беларускі Жаўнер. І ідуць вось рады за радамі Грозна рэха ўтаруе шагам, З пад шаломаў палаюць вачамі Не вярнуцца назад ужо панам.	Ты палёг Баяўнік! Краю роднага Верны сын бараніўшы наш сьцяг Зямлю нашу свабоду народную Баявы твой закончаны шлях. Ужо па вуліцах сёлаў і гораду Грукацяць батальёнаў шагі У нас ласкі ня будзе для ворага Непамшчоных ня будзе магіл. Дык бывай! Над тваею магілаю Мы прысягу Краіне даём Што з варожай расправімся сілаю Беларусь сонцам мы апранём.

Гл. таксама

• 48-ы батальён дапаможнай паліцыі

Спасылкі

• Слонімская брыгада самааховы // Беларускі Рэзыстанс. — 2011. — № 1 (10). — С. 95—96.
• Пра загінулых у Гавенавічах самаахоўцаў // Беларускі Рэзыстанс. — 2011. — № 1 (10). — С. 96—101.
• Маршы Слонімскай брыгады беларускай самааховы // Беларускі Рэзыстанс. — 2011. — № 1 (10). — С. 102—104.